ທ່ານ ວຸດທິ ເລື່ອນວິໄລວົງ ຄະນະພັກທະນາຄານແຫ່ງ ສປປ ລາວ, ຜູ້ອໍານວຍການທະນາຄານນະໂຍບາຍ (ທນບ) ແຈ້ງໃຫ້ຮູ້ວ່າ: ໃນໄລຍະຜ່ານມາ ທນບ ໄດ້ຈັດຕັ້ງປະຕິບັດການສະໜອງແຫລ່ງທຶນໃຫ້ບັນດາເມືອງເປົ້າໝາຍ, ຈຸດສຸມຂອງລັດຖະບານ-ຂອງທ້ອງຖິ່ນ ແລະ ບ້ານ 3 ສ້າງ ດ້ວຍໝາກຜົນອັນໜ້າເພິ່ງພໍໃຈ ເຮັດໃຫ້ປະຊາຊົນມີທຶນຮອນເຂົ້າໃນການຜະລິດ, ສ້າງເສດຖະກິດຄອບຄົວ ປະກອບສ່ວນເຂົ້າໃນແຜນພັດທະນາເສດຖະ ກິດ-ສັງຄົມຂອງປະເທດ, ຂອງທ້ອງຖິ່ນ ແລະ ຄົວເຮືອນຂອງປະຊາຊົນບັນດາເຜົ່າ.
ການສະໜອງສິນເຊື່ອເຂົ້າໃນເມືອງເປົ້າໝາຍ ຕົ້ນຕໍແມ່ນ ໂຄງການລ້ຽງສັດກວມ 18 ແຂວງ, 72 ເມືອງ, 4.191 ບ້ານ, 25.159 ກຸ່ມ, 227.697 ຄອບຄົວ, ມີສັດລ້ຽງ 63.412 ໂຕ, ວົງເງິນປ່ອຍທັງໝົດ 92 ຕື້ກວ່າກີບ; ໂຄງການປູກຝັງ ກວມ 11 ແຂວງ, 14 ເມືອງ, 93 ບ້ານ, 242 ກຸ່ມ, ມີ 2.213 ຄອບຄົວ, ເນື້ອທີ່ປູກຝັງທັງໝົດ 112.367 ເຮັກຕາ (ໃນນີ້ປູກເຂົ້າ 109.781 ເຮັກຕາ), ວົງເງິນປ່ອຍກູ້ 63,45 ຕື້ກີບ ກວມ 39,01%. ການໃຫ້ສິນເຊື່ອຂອງ ທນບ ສາມາດເຂົ້າເຖິງບ້ານເປົ້າໝາຍໃໝ່ໄດ້ 142 ບ້ານ, ເປັນບ້ານຍັງບໍ່ພົ້ນທຸກ 8 ບ້ານ ປະຕິບັດໄດ້ 5,09% ຂອງແຜນການ ແລະ ສາມາດເຂົ້າເຖິງ 4.299 ຄອບຄົວ, ເປັນຄອບຄົວທີ່ຍັງບໍ່ທັນພົ້ນທຸກ 376 ຄອບຄົວ ແລະ ມາຮອດປັດຈຸບັນສິນເຊື່ອ ທນບ ສາມາດເຂົ້າເຖິງປະຊາຊົນ 185.805 ຄອບຄົວ ເປັນຄອບຄົວທີ່ຍັງບໍ່ພົ້ນທຸກມີ 39.810 ຄອບຄົວ.
ສຳລັບການສະໜອງສິນເຊື່ອເຂົ້າຈຸດສຸມຂອງ ລັດຖະບານ-ຂອງທ້ອງຖິ່ນ ເປົ້າໝາຍຕົ້ນຕໍ ຄື ລ້ຽງສັດກວມ 18 ແຂວງ, 23 ເມືອງ, 25 ຈຸດສຸມ, 53 ບ້ານ, 70 ກຸ່ມ, 444 ຄອບຄົວ, ສັດລ້ຽງ 2.436 ໂຕໃນວົງເງິນປ່ອຍທັງໝົດ 18 ຕື້ກວ່າກີບ ກວມ 72,50%; ເປົ້າໝາຍປູກຝັງກວມ 11 ແຂວງ, 15 ເມືອງ, 15 ຈຸດສຸມ, 40 ບ້ານ, 88 ກຸ່ມ, 686 ຄອບຄົວ ແລະ ມີເນື້ອທີ່ປູກຝັງທັງໝົດ 1.403 ເຮັກຕາ (ໃນນີ້ປູກເຂົ້າ 555 ເຮັກຕາ), ວົງເງິນປ່ອຍກູ້ 6 ຕື້ກວ່າກີບ, ສາມາດຈັດຕັ້ງກຸ່ມການຜະລິດ-ກູ້ຢືມເງິນໄດ້ 3.155 ກຸ່ມ, ລວມມີ 25.829 ຄອບຄົວ ເທົ່າກັບ 52,99% ຂອງຄອບຄົວຈຸດສຸມ ແລະ ເປັນຄອບຄົວທີ່ຍັງບໍ່ພົ້ນທຸກ 2.395 ຄອບຄົວ.
ສ່ວນການສະໜອງສິນເຊື່ອເຂົ້າບ້ານ 3 ສ້າງ ເປົ້າໝາຍຕົ້ນຕໍ ຄື: ລ້ຽງສັດກວມ 18 ແຂວງ, 62 ເມືອງ, 134 ບ້ານ, 3.079 ກຸ່ມ, 29.078 ຄອບຄົວ, ສັດລ້ຽງ 221.720 ໂຕ, ວົງເງິນປ່ອຍ 22,44 ຕື້ກີບ ກວມ 59,99% ຂອງບ້ານ 3 ສ້າງ; ເປົ້າໝາຍປູກຝັງ ກວມ 18 ແຂວງ, 19 ເມືອງ, 27 ບ້ານ, 77ກຸ່ມ, 537 ຄອບ ຄົວ ແລະ ມີເນື້ອທີ່ປູກຝັງທັງໝົດ 1.224 ເຮັກຕາ (ໃນນີ້ປູກເຂົ້າ 228 ເຮັກຕາ), ວົງເງິນປ່ອຍກູ້ໃນປີ 8,89 ຕື້ກີບ ກວມ 23,75% ແລະ ມາຮອດປັດຈຸບັນ ມີປະຊາຊົນເຂົ້າເຖິງແຫລ່ງທຶນ 25.829 ຄອບຄົວຈຸດສຸມ ແລະ ເປັນຄອບຄົວທີ່ຍັງບໍ່ພົ້ນທຸກ 2.111 ຄອບຄົວ. ນອກນີ້, ຍັງປ່ອຍສິນເຊື່ອຜ່ານກອງທຶນຂັ້ນບ້ານ ແລະ ສິນເຊື່ອໂຄງ ການຜະລິດສິນຄ້າຈໍານວນໜຶ່ງ.
ເປົ້າໝາຍປູກໝາກໂມ ບ້ານທົ່ງໃໝ່, ບ້ານ 3 ສ້າງ ເມືອງ ສິງ ແຂວງ ຫຼວງນໍ້າທາ
ຜ່ານການສະໜອງສິນເຊື່ອໃນປີ 2018 ຂອງ ທນບ ໂດຍໄດ້ຮັບການຕິດຕາມ, ກວດກາ ແລະ ຊຸກຍູ້ຈາກອໍານາດການປົກຄອງທ້ອງຖິ່ນ ໂດຍສະເພາະຄະນະກໍາມະການຄຸ້ມຄອງສິນເຊື່ອຂອງ ທນບ ຂັ້ນຕ່າງໆ ແລະ ບວກກັບຄວາມບຸກບືນ, ອົດທົນພະຍາຍາມຂອງບັນດາຄອບຄົວປະຊາຊົນ ທີ່ໄດ້ເຮັດແທ້ທໍາຈິງ; ສະນັ້ນ, ຈຶ່ງສາມາດເກີດມີຄອບຄົວຕົວແບບໃນການນໍາໃຊ້ເງິນກູ້ ທນບ ໄດ້ທັງໝົດໄດ້ຫລາຍສົມຄວນ ສະເພາະຢູ່ເມືອງເປົ້າໝາຍ 39 ຄອບຄົວ ແລະ ຢູ່ບ້ານ 3 ສ້າງຈໍານວນໜຶ່ງ.
ຜົນຜະລິດສາລີ ຂອງປະຊາຊົນ ເມືອງຮຸນ ສາຂາອຸດົມໄຊ
