ຕອນເຊົ້າ ວັນທີ 17 ພະຈິກ 2023 ເວລາ 8:00 ໂມງ 30 ນາທີ ຢູ່ທີ່ຫ້ອງປະຊຸມໃຫຍ່ຊັ້ນ III ຫ້ອງການ ທະນາຄານນະໂຍບາຍ ສາຂາ ຫົວພັນ ໜ່ວຍພັກ ທະນາຄານນະໂຍບາຍ ສາຂາ ຫົວພັນ ໄດ້ຈັດພິທິເລື່ອນສະມາຊິກພັກສຳຮອງຂື້ນສົມບູນໃໝ່ ແລະ ພິທີມອບບັດສະມາຊິກພັກ ພາຍໃຕ້ການເປັນປະທານ ຂອງສະຫາຍ ບຸນເຊີຍ ແກ້ວນາຕານ ເລຂາໜ່ວຍພັກຫົວໜ້າ ທະນາຄານນະໂຍບາຍ ສາຂາ ຫົວພັນ, ເຂົ້າຮ່ວມກອງປະຊຸມມີ ຮອງເລຂາໜ່ວຍພັກ, ປະທານກວດກາພັກ, ຄະນະພັກ ແລະ ສະມາຊິກພັກສົມບູນ ພາຍໃນໜ່ວຍພັກເຂົ້າຮ່ວມທັງໝົດ 12 ສະຫາຍ, ຍິງ 4 ສະຫາຍ.
ພິທີດັ່ງກ່າວ ສະຫາຍ ຄໍາແພງ ຄໍາພູວົງ ຮອງເລຂາໜ່ວຍພັກ ໄດ້ຂື້ນຜ່ານ ມະຕິຕົກລົງຂອງຄະນະປະຈໍາພັກແຂວງ ວ່າດ້ວຍການເລື່ອນສະມາຊິກພັກສໍາຮອງຂື້ນເປັນສະມາຊິກພັກສົມບູນໃໝ່ ສະບັບເລກທີ 265/ຄປຈຂ, ລົງວັນທີ 13/10/2023; ສະຫາຍເລຂາໜ່ວຍພັກຂື້ນກ່າວຮັບສະມາຊິກພັກສໍາຮອງຂື້ນເປັນສະມາຊິກພັກສົມບູນໃໝ່ ພ້ອມທັງໃຫ້ກຽດໂອ້ລົມຕໍ່ພິທີດັ່ງກ່າວ ເຊີ່ງສະຫາຍໄດ້ເລົ່າເຖິງມູນເຊື້ອ ຂອງພັກປະຊາຊົນປະຕິວັດລາວ ພ້ອມນໍາເອົາສິດໜ້າທີ່ພາລະບົດບາດຂອງສະມາຊິກພັກ ແລະ ບັນດາຂໍ້ຫ້າມຕ່າງໆຂອງສະມາຊິກພັກ.
ຕໍ່ມາສະມາຊິກພັກໃໝ່ໄດ້ຂື້ນຮັບໂອວາດ ແລະ ປະຕິຍານຕົນຕໍ່ພິທີດັ່ງກ່າວ ຕາມກົດລະບຽບພັກປະຊາຊົນປະຕິວັດລາວ ສະໄໝທີ XI.
ອີກວາລະຕໍ່ມາ ໄດ້ມີພິທີມອບຮັບບັດສະມາຊິກພັກ ໂດຍແມ່ນສະຫາຍເລຂາ ເປັນຜູ້ຂື້ນມອບບັດສະມາຊິກພັກ
ພິທີດັ່ງກ່າວໄດ້ປິດລົງຢ່າງເປັນທາງການໃນເວລາ 11 ໂມງ 45 ນາທີ ຂອງວັນດຽວກັນ
ພາບຂ່າວໂດຍ ຊົງລີ ຢາລື້ໄຊ ທນບ ສາຂາ ຫົວພັນ
