ຕອນເຊົ້າຂອງມື້ວັນພະຫັດ ທີ 23 ພະຈິກ 2023 ເວລາ 9 ໂມງ 00 ນາທີ ຢູ່ທີ່ຫ້ອງປະຊຸມໃຫຍ່ຊັ້ນ III ສໍານັກງານຫ້ອງການ ສາຂາ ຫົວພັນ ໄດ້ເປິດປະຊຸມເຜີ່ຍແຜ່ວຽກງານຄຸ້ມຄອງຄວາມສ່ຽງ ແລະ ບົດວິເຄາະຖານະການເງິນ ປະຈໍາໄຕມາດ III ປີ 2023 ຂື້ນ ຕາມໜັງສືແຈ້ງ ສະບັບເລກທີ 254/ຄຄສ, ລົງວັນທີ 20 ພະຈິກ 2023 ພາຍໃຕ້ການເປັນປະທານ ຂອງທ່ານ ສົມເພັດ ມ້າວມາລາຫົວໜ້າຄະນະຄຸ້ມຄອງຄວາມສ່ຽງ ສໍານັກງານໃຫຍ່, ເຂົ້າຮ່ວມກອງປະຊຸມມີທ່ານ ດາວວອນ ແກ້ວມະນິຈັນ ຮອງຫົວໜ້າ ສາຂາ ຜູ້ຊີ້ນໍາວຽກງານສິນເຊື່ອ, ມີຄະນະຂະແໜງການ, ຄະນະໜ່ວຍ 08 ໜ່ວຍບໍລິການ ແລະ ມີພະນັກງານວິຊາການບັນຊີ-ໄອທີ, ສິນເຊື່ອ ພາຍໃນສາຂາ ເຂົ້າຮ່ວມລວມ 18 ທ່ານ, ຍິງ 05 ທ່ານ.
ກອງປະຊຸມຫຼັງທ່ານ ປະທານ ກ່າວເປີດກອງປະຊຸມຢ່າງເປັນທາງການແລ້ວ ໄດ້ໃຫ້ຄະນະທິມງານ ຜ່ານເອກະສານສໍາຄັນ 3 ເອກະສານຄື: ຄວາມຮູ້ພື່ນຖານກ່ຽວກັບວຽກງານຄຸ້ມຄອງຄວາມສ່ຽງ, ຄວາມຮູ້ພື່ນຖານກ່ຽວກັບການວິເຄາະການເງິນ, ການຈັດຕັ້ງເຄື່ອນໄຫວວຽກງານຄຸ້ມຄອງຄວາມສ່ຽງ ແລະ ທິດທາງແຜນການໃນຕໍ່ໜ້າ, ນໍາສະເໜີບົດວິເຄາະຖານະການເງິນ ທນບ ສາຂາ ຫົວພັນ ພ້ອມຄຳສະເໜີແນະ, ບັນດາມາດຕາການຕ່າງໆໃນການແກ້ໄຂ ທັງສະແດງໃຫ້ເຫັນອັດຕາສ່ວນການປະຕິບັດຕົວເລກບາງຈຸດໃນໄລຍະຜ່ານມາ ທີ່ຍັງບໍ່ທັນປະຕິບັດໄດ້ຕາມແຜນ ຢູ່ໃນປະຈໍາໄຕ
ມາດ III ປີ 2023 ໃນນັ້ນໄດ້ໃຫ້ຜູ້ເຂົ້າຮ່ວມກອງປະຊຸມ ມີຄໍາເຫັນແລກປ່ຽນຕໍ່ກັບ 3 ເນື້ອໃນເອກະສານຂ້າງເທີງຢ່າງກົງໄປກົງມາ ເຮັດໃຫ້ຜູ້ເຂົ້າຮ່ວມກອງປະຊຸມມີຄວາມເຂົ້າໃຈຕໍ່ກັບ 3 ເນື້ອໃນຢ່າງເລິກເຊີ່ງ ແລະ ສາມາດນໍາໄປບໍລິຫານຜັນຂະຫຍາຍໃນຕໍ່ໜ້າ.
ຕອນທ້າຍທ່ານ ປະທານ ມີຄໍາເຫັນສະຫຼຸບປິດກອງປະຊຸມຄື:
- ການລົງຈັດຕັ້ງເຜີຍແຜ່ວຽກງານຄຸ້ມຄອງຄວາມສ່ຽງ ແລະ ບົດວິເຄາະຖານະການເງິນ ປະຈໍາໄຕມາດ III ປີ 2023 ຄັ້ງນີ້ ກໍ່ເພື່ອເປັນພື່ນຖານນໍາໄປຈັດຕັ້ງບັດໃນອະນາຄົດ, ເອກະສານຕ່າງໆທີ່ນໍາມາເຜີ່ຍແຜ່ຄັ້ງນີ້ ເຖິ່ງບໍ່ທັນເປັນລະບົບຄົບຊຸດ ແຕ່ກໍ່ເປັນສ່ວນໜື່ງເຮັດໃຫ້ສາຂາ ແລະ ໜ່ວຍບໍລິການ ເຫັນໄດ້ຄວາມສໍາຄັນທີ່ເປັນພື່ນຖານທາງດ້ານຄວາມຮູ້, ບົດຮຽນດ້ານທິດສະດີ, ພຶດຕິກໍາ ແລະ ກໍ່ເພື່ອເປັນບ່ອນອິງໃນການຍົກລະດັບວຽກງານວິຊາສະເພາະໃນອະນາຄົດ.
- ຮຽກຮ້ອງໃຫ້ຜູ້ເຂົ້າຮ່ວມກອງປະຊຸມ ກໍ່ຄື ພະນັກງານທຸກຂັ້ນ ເອົາໃຈໃສ່ນໍາໄປຄົ້ນຄ້ວາແລກປ່ຽນບົດຮຽນເຊິ່ງກັນ ແລະ ກັນ ໃນການເຮັດລາຍງານ, ສິງທີ່ຄະນະທິມງານ ສໍານັກງານໃຫຍ່ ໄດ້ນໍາສະເໜີແນະ ໃຫ້ເອົາໃຈໃສ່ແກ້ໄຂເປັນແຕ່ລະໄລຍະ.
ກອງປະຊຸມ ໄດ້ດໍາເນີນມາເປັນເວລາ 1 ຕອນ ແລະ ປິດລົງໃນເວລາ 12 ໂມງ 25 ນາທີ ຂອງວັນດຽວກັນ.
ຂ່າວໂດຍ ຊົງລີ ຢາລື້ໄຊ
