ໃນຕອນບ່າຍຂອງວັນທີ 24 ຕຸລາ 2024 ທີ່ຜ່ານມາ ທະນາຄານ ນະໂຍບາຍ ສາຂາອຸດົມໄຊ ໄດ້ເປີດກອງປະຊຸມ ຜ່ານບົດສຳຫຼວດການຊີ້ນຳ-ນຳພາລວມ ແລະ ທາບທາມບຸກຄະລາກອນ ເພື່ອຄັດເລືອກຄະນະພັກຮອບທີ່ 02 ຂອງໜ່ວຍພັກ ທະນາຄານ ນະໂຍບາຍ ສາຂາອຸດົມໄຊ.
ໂດຍການເປັນປະທານ ຂອງສະຫາຍ ເສີມທະວີ ສີຫາຝົນ ເລຂາຄະນະພັກຮາກຖານ ທະນາຄານ ແຫ່ງ ສປປລ ພາກເໜືອທີ່ແຂວງອຸດົມໄຊ, ມີ ສະຫາຍ ບຸນລົ້ນ ໄຊຍະວົງສາ ເລຂາໜ່ວຍພັກ, ຄະນະພັກ ຄະນະສາຂາ ພ້ອມດ້ວຍດ້ວຍສະມາຊິກພັກ ສົມບູນ ແລະ ສຳຮອງເຂົ້າຮ່ວມ ທັງໝົດຈຳນວນ 22 ສະຫາຍ, ຍິງ 6 ສະຫາຍ. ສະຫາຍ ພູວັນ ພູມີພອນ ຄະນະພັກ ຄະນະສາຂາ ໄດ້ຜ່ານຮ່າງບົດລາຍງານການເມືອງ ພ້ອມທັງປະກອບທັງປະກອບຄຳເຫັນຕໍ່ ບົດລາຍງານການເມືອງດັ່ງກ່າວ. ຈາກນັ້ນສະມາຊິກພັກ ໄດ້ຜ່ານບົດສຳຫຼວດແຕ່ລ່ະສະຫາຍ ແລະ ໄດ້ປະກອບຄຳເຫັນ ຕຳນິສົ່ງຂ່າວ ຢ່າງກົງໄປກົງມາ ເພື່ອເປັນການກໍ່ສ້າງ ໜ່ວຍພັກໃຫ້ມີຄວາມເຂັ້ມແຂງ.
ໃນຕອນທ້າຍຂອງ ກອງປະຊຸມ ໄດ້ມີການປ່ອນບັດ ເພື່ອຂັດເລືອກ ຄະນະພັກຊຸດໃໝ່ ໃນຮອບທີ່ 02. ກອງປະຊຳໄດ້ດຳເນີນໄປເປັນເວລາ 1 ຕອນ ແລະປິດລົງໃນເວລາ 16:00 ນາທີ.
ພາບຂ່າວ: ສອນໄຊ ສິນຍາ
