ຕອນແລງ ເວລາ 15:00 ນາທີ ຂອງວັນທີ 21 ມັງກອນ 2022 ໜ່ວຍພັກທະນາຄານນະໂຍບາຍ ສາຂາ ຫຼວງນ້ຳທາໄດ້ຈັດພິທີຮັບມະຫາຊົນກ້າວໜ້າເຂົ້າພັກສຳຮອງ ຢູ່ທີ່ຫ້ອງປະຊຸມໃຫຍ່ຊັ້ນ III ຂອງທະນາຄານນະໂຍບາຍສາຂາຫຼວງນ້ຳທາ ໂດຍການປະທານຂອງ ສະຫາຍ ສີຟອງ ແກ້ວກົງຕາ ເລຂາໜ່ວຍພັກ ຮັກສາການຫົວໜ້າທະນາຄານນະໂຍບາຍ ສາຂາ ຫຼວງນ້ຳທາ ມີຮອງເລຂາໜ່ວຍພັກ, ປະທານກວດກາພັກ, ຄະນະພັກ,ສະມາຊິກພັກສົມບູນ ແລະ ສຳຮອງ ພາຍໃນໜ່ວຍເຂົ້າຮ່ວມທັງໝົດ 12 ສະຫາຍ, ຍິງ 05 ສະຫາຍ.
ພິທີດັ່ງກ່າວ ສະຫາຍ ນ ພອນທີບ ກາຫວັນ ຄະນະໜ່ວຍພັກ ໄດ້ຂື້ນຜ່ານ ມະຕິຕົກລົງຂອງຄະນະປະຈຳພັກແຂວງ ວ່າດ້ວຍການຮັບມະຫາຊົນກ້າວໜ້າເຂົ້າພັກສຳຮອງ ຈຳນວນ 2 ສະບັບຄື: ເລກທີ 82/ຄປພຂ, 83/ຄປພຂ ລົງວັນທີ 01 ຕຸລາ 2021; ສະຫາຍເລຂາໜ່ວຍພັກ ຂື້ນກ່າວຮັບສະມາຊິກພັກສຳຮອງພ້ອມທັງໃຫ້ກຽດໂອ້ລົມຕໍ່ພິທີດັ່ງກ່າວ ເຊີ່ງສະຫາຍໄດ້ເລົາເຖີງມູນເຊື້ອ ແລະ ການເປັນມາຂອງພັກປະຊາຊົນປະຕິວັດລາວ, ຜ່ານລະບຽບພັກປະຊາຊົນປະຕິວັດລາວໂດຍຫຍໍ້; ເວົ້າເຖີງໜ້າທີສະມາຊິກພັກ ແລະ 11 ຂໍ້ຫ້າມຂອງສະມາຊິກພັກ ຕອນທ້າຍໄດ້ເນັ້ນໜັກຕື່ມ 6 ຂໍ້ຄື:
- ທັດສະນະດ້ານການເມືອງ – ແນວຄິດ, ໃຫ້ຖືກຕ້ອງສອດຄ່ອງຕາມແນວທາງຂອງພັກ-ຂອງລັດໃນແຕ່ລະໄລຍະ.
- ຍົກສູງຄວາມຮັບຜິດຊອບເສຍສະຫຼະສ່ວນຕົວເພື່ອສ່ວນລວມ.
- ຄວາມເປັນແບບຢ່າງໃຫ້ແກ່ມະຫາຊົນ.
- ຄວາມຊືສັດສຸດຈະລິດຕໍ່ໜ້າທີວຽກງານ.
- ຄວາມສາມັກຄີໃຫ້ແໜ້ນແຟ້ນ, ໜັກແໜ້ນ.
- ເອົາໃຈໃສ່ຕໍ່ໜ້າທີ ແລະ ການເມືອງທີຕົນເອງຮັບຜິດຊອບ ແລະ ຝຶກຝົນຫຼໍ່ຫຼອມຕົນເອງເປັນສະມາຊິກພັກທີດີ,ປອດໃສ ເຂັ້ມແຂງ ໜັກແໜ້ນ.
ຫຼັງຈາກນັ້ນສະມາຊິກພັກໃໝ່ຂື້ນຮັບຄຳໂອ້ວາດ ແລະ ປະຕິຍານຕົນຕໍ່ພິທີດັ່ງກ່າວ.
ພິທີດັ່ງກ່າວໄດ້ປິດລົງຢ່າງເປັນທາງການໃນເວລາ: 16:30 ນາທີຂອງວັນດຽວກັນ.
ສາຂາຫຼວງນ້ຳທາ, ວັນທີ 21 ມັງກອນ 2022
