ຕອນແລງ ເວລາ 03:30 ນາທີ ຂອງວັນທີ 26 ເມສາ 2023 ທະນາຄານນະໂຍບາຍ ສາຂາ ຫຼວງນ້ຳທາ ໄດ້ ເປີດພິທີປະກາດການຈັດຕັ້ງພາຍໃນ ທະນາຄານນະໂຍບາຍ ສາຂາ ຫຼວງນ້ຳທາ ຄັ້ງວັນທີ 26 ເມສາ 2023 ຢູ່ທີ່ຫ້ອງປະຊຸມໃຫຍ່ ຂອງທະນາຄານ ນະໂຍບາຍ ສາຂາ ຫຼວງນ້ຳທາ, ພາຍໃຕ້ການເປັນປະທານຂອງ ທ່ານ ຄຳອົ້ນ ຈັນສຸລິມາດ ຮອງຜູ້ອຳນວຍການທະນາຄານນະໂຍບາຍ, ມີຫົວໜ້າພະແນກຈັດຕັ້ງ, ມີຄະນະສາຂາ, ຄະນະໜ່ວຍບໍລິການ, ຫົວໜ້າຫ້ອງການປະສານງານ ແຂວງ ບໍ່ແກ້ວ, ຄະນະຂະແໜງ ແລະ ພະນັກງານວິຊາການ ເຂົ້າຮ່ວມທັງໝົດ: 27 ທ່ານ, ຍິງ:07 ທ່ານ.
ກອງປະຊຸມໄດ້ຮັບຟັງທ່ານ ສີຟອງ ແກ້ວກົງຕາ ຫົວໜ້າທະນາຄານນະໂຍບາຍ ສາຂາ ຫຼວງນ້ຳທາ ຜ່ານບົດສະຫຼຸບຫຍໍ້ ຂອງການເຄື່ອນໄຫວວຽກງານຮອບດ້ານ ປະຈຳງວດ I ແຕ່ເດືອນ ( 1-3 ) ແລະ ທິດທາງແຜນການປະຈຳງວດ II ແຕ່ເດືອນ 4-6 ປີ 2023.
ທ່ານ ບຸນເພັງ ຄຳພິລາວົງ ຫົວໜ້າພະແນກຈັດຕັ້ງ ສຳນັກງານງານໃຫ່ຍ ໄດ້ຂື້ນຜ່ານຂໍ້ຕົກລົງ ວ່າດ້ວຍການຍົກຍ້າຍ ແລະ ແຕ່ງຕັ້ງ ພະນັກງານ ທະນາຄານນະໂຍບາຍ ສາຂາ ຫຼວງນ້ຳທາຈຳນວນ 11 ທ່ານຄື:
- ຊັບຊ້ອນຍົກຍ້າຍ ທ່ານ ທະນູສອນ ໄຊຍະສອນ ເດີມເປັນຫົວໜ້າຂະແໜງກວດກາ ສາຂາ ໄປເປັນຫົວ ໜ້າ ທນບ ໜ່ວຍບໍລິການເມືອງ ວຽງພູຄາ ສາຂາ ຫຼວງນ້ຳທາ.
- ຊັບຊ້ອນຍົກຍ້າຍ ທ່ານ ຫຼ້ານ້ອຍ ທຳມະສີນ ເດີມເປັນຫົວໜ້າຂະແໜງ ສີນເຊື່ອ ໄປເປັນຫົວໜ້າຂະແໜງ ກວດກາ ທນບ ສາຂາ ຫຼວງນ້ຳທາ.
- ຊັບຊ້ອນຍົກຍ້າຍ ທ່ານ ສອນໄຊ ຈັນແກ້ວມະນີວົງ ເດີມເປັນຫົວໜ້າ ຫ້ອງການປະສານງານ ແຂວງ ບໍ່ແກ້ວ ມາເປັນຫົວໜ້າ ຂະແໜງສີນເຊີ່ອ ທນບ ສາຂາ ຫຼວງນ້ຳທາ.
- ຊັບຊ້ອນຍົກຍ້າຍ ທ່ານ ຄຳໄຊ ພົມມະສັກ ເດີມເປັນຫົວໜ້າ ທນບ ໜ່ວຍບໍລິການ ເມືອງ ເມີງ ໄປເປັນຫົວໜ້າຫ້ອງການປະສານງານແຂວງບໍ່ແກ້ວ.
- ຊັບຊ້ອນຍົກຍ້າຍ ທ່ານ ຈະເລີນໄຊ ລາວລີ ເດີມເປັນຫົວໜ້າ ທນບ ໜ່ວຍບໍລິການ ເມືອງ ວຽງພູຄາ ໄປເປັນຫົວໜ້າ ທນບ ໜ່ວຍບໍລິການເມືອງ ເມີງ ສາຂາ ຫຼວງນ້ຳທາ.
- ຊັບຊ້ອນຍົກຍ້າຍ ທ່ານ ຈັນພອນສະຫວັນ ວ່າເນັ່ງລົງ ເດີມເປັນຫົວໜ້າ ທນບ ໜ່ວຍບໍລິການ ເມືອງ ຜາອຸດົມ ໄປເປັນຫົວໜ້າ ທນບ ໜ່ວຍບໍລິການ ເມືອງ ນາແລ ສາຂາ ຫຼວງນ້ຳທາ.
- ແຕ່ງຕັ້ງ ທ່ານ ສົມໝາຍ ຫົງດາຈັນ ເດີມເປັນວິຊາການ ສີນເຊື່ອ ທນບ ເມືອງ ປາກທາ ໄປເປັນຮອງຫົວໜ້າ ທນບ ໜ່ວຍບໍລິການ ເມືອງ ເມີງ.
- ແຕ່ງຕັ້ງ ທ່ານ ຈັນທອນ ແກ້ວວົງເພັດ ເດີມເປັນວິຊາການ ສີນເຊື່ອ ຫ້ອງການປະສານງານ ແຂວງບໍ່ແກ້ວ ຂື້ນເປັນຮອງຫົວໜ້າຫ້ອງການປະສານງານແຂວງບໍ່ແກ້ວ.
- ແຕ່ງຕັ້ງ ທ່ານ ສຸກັນຍາ ຫຼ້າຄຳມີ ເດີມເປັນວິຊາການ ສີນເຊື່ອ ທນບ ໜ່ວຍບໍລິການ ເມືອງລອງ ຂື້ນເປັນຮອງຫົວໜ້າ ທນບ ໜ່ວຍບໍລິການເມືອງ ລອງ.
- ຊັບຊ້ອນຍົກຍ້າຍ ທ່ານ ສອນເພັດ ວົງຈັນຄຳ ເດີມເປັນວິຊາການ ສີນເຊື່ອ ທນບ ໜ່ວຍບໍລິການເມືອງ ນາແລ ມາເປັນ ພະນັກງານວິຊາການ ຂະແໜງກວດກາ ສາຂາ ຫຼວງນ້ຳທາ.
- ຊັບຊ້ອນຍົກຍ້າຍ ທ່ານ ວົງເພັດ ຫົງແກ້ວ ເດີມເປັນວິຊາການຂະແໜງກວດກາ ໄປເປັນພະນັກງານວິຊາການ ສີນເຊື່ອ ທນບ ໜ່ວຍບໍລິການ ເມືອງ ນາແລ ສາຂາ ຫຼວງນ້ຳທາ.
ກອງປະຊຸມໄດ້ຮັບຟັງການໂອ້ລົມ ຂອງທ່ານ ຄຳອົ້ນ ຈັນສຸລິມາດ ຮອງຜູ້ອຳນວຍການທະນະຄານນະໂຍບາຍ ໂດຍທ່ານໄດ້ໃຫ້ຄຳໂອ້ລົມຕໍ່ພະນັກງານຄື:
- ເອົາໃຈໃສ່ສືກອົບຮົມດ້ານການເມືອງແນວຄິດໃຫ້ກັບພະນັກງານເປັນປົກກະຕິ.
- ປັບປຸງແບບແຜນວິທີເຮັດວຽກໃຫ້ສອດຄ່ອງກັບສະພາບປະຈຸບັນ.
- ເພີ່ມທະວີຄວາມເປັນແບບຢ່າງ ໃຫ້ແກ່ມະຫາຊົນກໍ່ຄືພະນັກງານດ້ວຍກັນ.
- ເອົາໃຈໃສ່ຈັດຕັ້ງປະຕິບັດວຽກງານວິຊາສະເພາະໃຫ້ ໄດ້ຮັບຜົນດີ.
- ໃຫ້ພະນັກງານທຸກຄົນຍົກສູງຄວາມຮັບຜິດຊອບຫ້າມບໍ່ໃຫ້ມີຂໍ້ຜິດຜາດໃດໆເກີດຂື້ນ.
- ໃຫ້ພະນັກງານທຸກຄົນມີຄວາມສາມັກຄີ, ມີຄວາມຈີ່ງໃຈກໍ່ສ້າງເຊີ່ງກັນ ແລະ ກັນ.
- ປ້ອງກັນບໍ່ໃຫ້ທີປະກົດການຫຍໍ້ທໍ້ທຸກຮູບແບບ.
ພິທີໄດ້ປິດລົງຢ່າງເປັນທາງການໃນເວລາ: 5:30 ນາທີ ຂອງວັນດຽວກັນ.
