ພິທີ ປະກາດບົ່ງຕົວແຕ່ງຕັ້ງ ຮອງເລຂາ, ກໍາມະການຄະນະພັກຮາກຖານ, ເລຂາ ແລະ ຮອງເລຂາໜ່ວຍພັກ ທີ່ຂຶ້ນກັບຄະນະພັກຮາກຖານ ທະນາຄານຜົ້ງສາລີ
ໃນຕອນເຊົ້າຂອງວັນພຸດ ວັນທີ 31 ກໍລະກົດ 2024 ຄະນະພັກຮາກຖານ ທະນາຄານຜົ້ງສາລີ ໄດ້ຈັດພິທີປະກາດບົ່ງຕົວແຕ່ງຕັ້ງເລຂາໜ່ວຍພັກທະນາຄານນະໂຍບາຍ, ເລຂາໜ່ວຍພັກທະນາຄານສົ່ງເສີມກະສິກໍາ ຈໍາກັດ, ຮອງເລຂາ ໜ່ວຍພັກ ທະນາຄານການຄ້າຕ່າງປະເທດລາວ ມະຫາຊົນ ແລະ ບົ່ງຕົວແຕ່ງຕັ້ງ ຮອງເລຂາຄະນະພັກຮາກຖານ, ກໍາມະການຄະນະພັກຮາກຖານ ທີ່ຂື້ນກັບຄະນະພັກຮາກຖານ ທະນາຄານຜົ້ງສາລີ ຂຶ້ນທີ່ຫ້ອງປະຊຸມ ຂອງທະນາຄານການຄ້າຕ່າງປະເທດລາວ ມະຫາຊົນ ສາຂາຜົ້ງສາລີ, ພາຍໃຕ້ເປັນປະທານຂອງ ສະຫາຍ ບຸນທະວີ ສໍສຸກັນ ກຳມະການປະຈໍາພັກແຂວງ, ປະທານກວດກາພັກ-ລັດແຂວງ, ຮອງຫົວໜ້າປັບປຸງກົງຈັກຂັ້ນແຂວງ ແລະ ເປັນປະທານຮ່ວມຂອງ ສະຫາຍ ສົມຫວັງ ສຸວັນນະຄຳ ເລຂາຄະນະພັກຮາກຖານ ທະນາຄານຜົ້ງສາລີ, ຫົວໜ້າສາຂາ ທຄຕລ ຜົ້ງສາລີ; ເປັນກຽດເຂົ້າຮ່ວມກອງປະຊຸມໃນຄັ້ງນີ້ມີຜູ້ຕ່າງໜ້າ 03 ອົງການຈັດຕ່າງພັກ, ຄະນະໜ່ວຍພັກທະນາຄານພັດທະນາລາວ, ທະນາ ຄານສົ່ງເສີມກະສິກຳ, ທະນາຄານນະໂຍບາຍ, ຕ່າງໜ້າ 3 ອົງການຈັດຕັ້ງມະຫາຊົນ ແລະ ສະມາຊິກພັກທັງ 04 ທະນາ ຄານເຂົ້າຮ່ວມທັງໝົດ 22 ສະຫາຍ, ຍິງ 7 ສະຫາຍ ທີ່ຂື້ນກັບຄະນະພັກຮາກຖານ ທະນາຄານຜົ້ງສາລີ.
ກອງປະຊຸມໄດ້ຮັບກຽດຈາກຄະນະຈັດຈັ້ງແຂວງ ໄດ້ຂື້ນຜ່ານມະຕິຕົກລົງ ສະບັບເລກທີ 41/ ຄພຂ, ລົງວັນທີ 25 ມັງກອນ 2024; ມະຕິເລກທີ 167/ຄພຂ, ລົງວັນທີ 03 ເມສາ 2024, ມະຕິເລກທີ 273/ຄພຂ, ລົງວັນທີ 28 ມີຖຸນາ ແລະ ມະຕິເລກທີ 274/ຄພຂ, ລົງວັນທີ 28 ມີຖຸນາ 2024 ວ່າດ້ວຍການປະກາດບົ່ງຕົວແຕ່ງຕັ້ງເລຂາໜ່ວຍພັກທະນາຄານນະໂຍບາຍ; ເລຂາໜ່ວຍພັກທະນາຄານສົ່ງເສີມກະສິກໍາ ຈໍາກັດ; ຮອງເລຂາພັກທະນາຄານການຄ້າຕ່າງປະເທດລາວ ມະຫາຊົນ ແລະ ຮອງເລຂາຄະນະພັກຮາກຖານ, ກໍາມະການຄະນະພັກຮາກຖານ ທະນາຄານຜົ້ງສາລີ ຂື້ນຄື:
I./ ຜ່ານມະຕິຕົກລົງບົ່ງຕົວແຕ່ງຕັ້ງເລຂາ, ຮອງເລຂາໜ່ວຍພັກ ທີ່ຂຶ້ນກັບຄະນະພັກຮາກຖານ ທະນາຄານແຂວງຜົ້ງສາລີ.
- ບົ່ງຕົວແຕ່ງຕັ້ງ ສະຫາຍ ສີຟອງ ແກ້ວກົງຕາ ຫົວໜ້າສາຂາທະນາຄານນະໂຍບາຍ ເປັັນເລຂາໜ່ວຍພັກທະນາ ຄານນະໂຍບາຍ ສາຂາຜົ້ງສາລີ.
- ບົ່ງຕົວແຕ່ງຕັ້ງ ສະຫາຍ ຄຳບຸກ ດາວຈອມເພັດ ຫົວໜ້າສາຂາທະນາຄານສົ່ງເສີມກະສິກໍາ ຈໍາກັດ ເປັນເລຂາ ໜ່ວຍພັກ ທະນາຄານ ສົ່ງເສີມກະສິກຳ ຈໍາກັດ ສາຂາຜົ້ງສາລີ.
- ບົົ່ງຕົວແຕ່ງຕັ້ງ ສະຫາຍ ໄຊສົມແພງ ກິ່ງມາລາ ຮອງຫົວໜ້າສາຂາ ທະນາຄານການຄ້າຕ່າງປະເທດລາວ ມະຫາຊົນ ເປັນຮອງເລຂາໜ່ວຍພັກ ທຄຕລ ສາຂາຜົ້ງສາລີ.
II./ ຜ່ານມະຕິຕົກລົງບົ່ງຕົວແຕ່ງຕັ້ງຮອງເລຂາຄະນະພັກຮາກຖານ, ກໍາການຄະນະພັກຮາກຖານ ທະນາຄານແຂວງຜົ້ງສາລີ.
- ບົ່ງຕົວແຕ່ງຕັ້ງ ສະຫາຍ ສີຟອງ ແກ້ວກົງຕາ ຫົວໜ້າສາຂາທະນາຄານນະໂຍບາຍ, ເລຂາໜ່ວຍພັກທະນາຄານນະໂຍບາຍ ເປັນຮອງເລຂາຄະນະພັກຮາກຖານ, ປະທານກວດກາຄະນະພັກຮາກຖານ ທະນາຄານ ແຂວງຜົ້ງສາລີ.
- ບົ່ງຕົວແຕ່ງຕັ້ງ ສະຫາຍ ຄຳບຸກ ດາວຈອມເພັດ ຫົວໜ້າສາຂາທະນາຄານສົ່ງເສີມກະສິກໍາ ຈໍາກັດ, ເລຂາໜ່ວຍພັກທະນາຄານ ສົ່ງເສີມກະສິກຳ ຈໍາກັດ ເປັນກໍາມະການຄະນະພັກຮາກຖານ ທະນາຄານ ແຂວງຜົ້ງສາລີ.
- ບົ່ງຕົວແຕ່ງຕັ້ງ ສະຫາຍ ອໍາໄພ ອີນແກ້ວມະນີ ຮອງຫົວໜ້າທະນາຄານນະໂຍບາຍ, ຮອງເລຂາໜ່ວຍພັກທະນາຄານນະໂຍບາຍ ເປັນກໍາມະການຄະນະພັກຮາກຖານ ທະນາຄານ ແຂວງຜົ້ງສາລີ.
ໃນພິທີທີ່ມີຄວາມໝາຍຄວາມສໍາຄັນນີ້ ສະຫາຍ ບຸນທະວີ ສໍສຸກັນ ກຳມະການປະຈໍາພັກແຂວງ, ປະທານກວດກາພັກ-ລັດແຂວງ, ຮອງຫົວໜ້າປັບປຸງກົງຈັກ ຂັ້ນແຂວງຜົ້ງສາລີ ໄດ້ມອບມະຕິຕົົກລົງບົ່ງຕົວແຕ່ງຕັ້ງໃຫ້ຄະນະພັກຊຸດໃໝ່ ແລະ ໃຫ້ກຽດໂອ້ລົມຕໍ່ກອງປະຊຸມ. ກ່ອນອື່ນສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ຄະນະໜ່ວຍພັກທັງ 04 ທະນາຄານໄດ້ເອົາໃຈໃສ່ປະຕິບັດໜ້າການເມືອງ ແລະ ວຽກງານວິຊາສະເພາະຂອງຕົນ ເຂົ້າໃນການພັດທະນາແຂວງຜົ້ງສາລີໄດ້ດີຕະຫຼອດມາ; ສະຫາຍຍັງເໜັ້ນໜັກໃຫ້ບັນດາໜ່ວຍພັກ, ຄະນະພັກຮາກຖານຕ້ອງເປັນເຈົ້າການໃນການຮ່ວມຊິວິດເປັນປົກກະຕິ, ນໍາເອົາແນວທາງຂອງຂັ້ນເທິງມາຄົ້ນຄວ້າຜັນຂະຫຍາຍລົງສູ່ລົົງເລີກ ແລ້ວນໍາໄປເຜີຍແຜ່ໃຫ້ສະມາຊີກພັກ-ພະນັກງານໃຫ້ຮັບຮູ້ຢ່າງໜັກແໜ້ນ ໂດຍສະເພາະວຽກງານກ່ຽວກັບການເງິນ, ແຕ່ລະສະຫາຍຕ້ອງເຮັດໜ້າທີຂອງຕົນລົງຫາລູກຄ້າ, ແຕ່ບໍ່ໃຫ້ແຂ່ງຂັນແກ້ງແຍງແບບເອກະເທດພໍໃຜພໍລາວ, ບໍ່ໃຫ້ອະຄະຕິ, ໃສ່ຮ້າຍປ້າຍສີທັບຖົມຈົມຕີກັນ ມອບໃຫ້ສັງຄົມເປັນຜູ້ປະເມີນ ແລະ ຕັດສີນການບໍລິການຂອງແຕ່ລະທະນາຄານ ໂດຍສະເພາະການຊູກຍູ້ສີນເຊື່ອ SMEs ເຂົ້າໃນການພັດທະນາເສດຖະກິດຂອງແຂວງຂອງແຕ່ລະທະນາຄານ ເຮັດໄດ້ດີແລ້ວບໍ່ເມື່ອທຽບໃສ່ແຜນການ, ຖ້າເຮັດບໍ່ໄດ້ຍ້ອນສາເຫດຫຍັງ? ຍ້ອນພະນັກງານ? ຍ້ອນສໍານັກງານໃຫຍ່ຂອງຕົນ? ຍ້ອນລູກຄ້າບໍ່ຄົບເງື່ອນຂອງແຫຼ່ງທຶນດັ່ງກ່າວ ໃຫ້ຮູ້ເຖີງສາຍເຫດ ບັນດາສະຫາຍຈີ່ງຈະແກ້ຖືກຈຸດ.
ໃນຕອນທ້າຍ ສະຫາຍໄດ້ເໜັ້ນໜັກໃຫ້ແຕ່ລະໜ່ວຍພັກ, ຄະນະພັກຮາກຖານຕ້ອງໄດ້ເອົາໃສ່ ແລະ ປະຕິບັດເປັນປົກະຕິຕາມກົດລະບຽບຂອງພັກປະຊາຊົນ ປະຕິວັດລາວ ໃນແຕ່ລະສະໄໝຢ່າງເຂັ້ມງວດເປັນຕົ້ນເອົາໃຈໃສ່ວຽກງານກວດກາ ແລະ ຮຽກຮ້ອງມາຍັງຄະນະພັກທຸກຂັ້ນ, ສະມາຊີກພັກທຸກສະຫາຍ, ພະນັກງານທຸກຄົນຕ້ອງໃຫ້ການສະໜັບສະໜຸນ, ໃຫ້ຄວາມຮ່ວມມືໃນການຈັດຕັ້ງປະຕິບັດຕາມມະຕິ ເພື່ອຈຸດ ປະສົງຂອງແນວທາງພັກໃຫ້ສໍາເລັດຕາມເປົ້າໝາຍທີ່ວາງໄວ້.
ດັ່ງນັ້ນ,ຈຶ່ງໄດ້ຂຽນບົດຂ່າວສະບັບນີ້ໄວ້ ເພື່ອເປັນບ່ອນອີງໃນການຈັດຕັ້ງປະຕິບັດວຽກງານ
