ຕອນແລງ ເວລາ 14:00 ນາທີ ຂອງວັນທີ 07 ມີນາ 2023 ໜ່ວຍພັກທະນາຄານນະໂຍບາຍ ສາຂາ ຫຼວງນ້ຳທາໄດ້ຈັດພິທີເລື່ອນສະມາຊິກພັກສຳຮອງຂື້ນພັກສົມບູນໃໝ່ ຢູ່ທີ່ຫ້ອງປະຊຸມໃຫຍ່ຊັ້ນ III ຂອງທະນາຄານນະໂຍບາຍສາຂາຫຼວງນ້ຳທາ ໂດຍການປະທານຂອງ ສະຫາຍ ສີຟອງ ແກ້ວກົງຕາ ເລຂາໜ່ວຍພັກ ຫົວໜ້າທະນາຄານນະໂຍບາຍ ສາຂາ ຫຼວງນ້ຳທາ ມີຮອງເລຂາໜ່ວຍພັກ, ປະທານກວດກາພັກ, ຄະນະພັກ, ສະມາຊິກພັກສົມບູນ ພາຍໃນໜ່ວຍເຂົ້າຮ່ວມທັງໝົດ 16 ສະຫາຍ, ຍິງ 08 ສະຫາຍ.
ພິທີດັ່ງກ່າວ ສະຫາຍ ນ ພອນທີບ ກາຫວັນ ຄະນະໜ່ວຍພັກ ໄດ້ຂື້ນຜ່ານ ມະຕິຕົກລົງຂອງຄະນະປະຈຳພັກແຂວງ ວ່າດ້ວຍການເລື່ອນຮັບສະມາຊິກພັກສຳຮອງຂື້ນພັກສົມບູນໃໝ່ ຈຳນວນ 2 ສະບັບຄື: ເລກທີ 011/ຄພຖ.ທນຄ, 011/ຄພຖ.ທນຄ ລົງວັນທີ 20ກຸມພາ 2023; ສະຫາຍເລຂາໜ່ວຍພັກຂື້ນກ່າວຮັບສະມາຊິກພັກສຳຮອງຂື້ນພັກສົມບູນໃໝ່ພ້ອມທັງໃຫ້ກຽດໂອ້ລົມຕໍ່ພິທີດັ່ງກ່າວ ເຊີ່ງສະຫາຍໄດ້ເລົາເຖີງມູນເຊື້ອ ແລະ ການເປັນມາຂອງພັກປະຊາຊົນປະຕິວັດລາວ, ຜ່ານລະບຽບພັກປະຊາຊົນປະຕິວັດລາວໂດຍຫຍໍ້; ເວົ້າເຖີງສິດໜ້າທີພາລະບົດບາດສະມາຊິກພັກ ແລະ ຂໍ້ຫ້າມຂອງສະມາຊິກພັກ.
ຫຼັງຈາກນັ້ນສະມາຊິກພັກໃໝ່ຂື້ນຮັບຄຳໂອ້ວາດ ແລະ ປະຕິຍານຕົນຕໍ່ພິທີດັ່ງກ່າວ. ຕາມກົດລະບຽບພັກປະຊາຊົນລາວສະໄໝທີ່ XI.
ພິທີດັ່ງກ່າວໄດ້ປິດລົງຢ່າງເປັນທາງການໃນເວລາ: 15:30 ນາທີຂອງວັນດຽວກັນ.
ສ
