ໃນຕອນເຊົ້າວັນທີ 22 ຕຸລາ 2024 ທະນາຄານ ນະໂຍບາຍ ສາຂາອຸດົມໄຊ ໄດ້ເປີດກອງປະຊຸມ ເຊື່ອມຊືມເອກະສານ ຮ່າງບົດລາຍງານການເມືອງ ແລະ ທາບທາມບຸກຄະລາກອນຮອບທີ 01 ຂອງໜ່ວຍພັກ ທະນາຄານ ນະໂຍບາຍ ສາຂາອຸດົມໄຊ. ໂດຍການເປັນປະທານ ຂອງ ສະຫາຍ ເສີມທະວີ ສີຫາຝົນ ເລຂາ ຄະນະພັກຮາກຖານ ທະນາຄານ ແຫ່ງ ສປປລາວ ພາກເໜືອທີ່ແຂວງອຸດົມໄຊ ແລະ ສະຫາຍ ນ ມະນີຈັນ ວິໄລຈິດ ເລຂາໜ່ວຍພັກ ຄະນະໂຄສະນາອົບຮົມແຂວງ. ມີສະຫາຍ ບຸນລົ້ນ ໄຊຍະວົງສາຂາ ເລຂາ ຄະນະພັກ ທະນາຄານ ນະໂຍບາຍ ສາຂາອຸດົມໄຊ ພ້ອມດ້ວຍຄະນະ, ມີສະຫາຍ ພັນສະນີ ສີສົມແພງ ຫົວໜ້າຂະແໜງຈັດຕັ້ງ-ກົດລະບຽບພັກ, ຕາງໜ້າຂະແໜງກວດກາພັກ, ຂະແໜງຄົ້ນຄ້ວາ-ສັງລວມ ພ້ອມດ້ວຍ ສະມາຊິກພັກ ສົມບູນ ແລະ ສຳຮອງ ເຂົ້າຮ່ວມທັງໝົດ 22 ສະຫາຍ, ຍິງ 9 ສະຫາຍ.
ກອງປະຊຸມ ໄດ້ເຜີຍແຜ່ ຄວາມເຂົ້າໃຈກ່ຽວກັບການດຳເນີນກອງປະຊຸມໃຫຍ່ຂອງພັກ, ຍົກສູງຄວາມສາມາດນຳພາ ແລະ ຄວາມເປັນແບບຢ່າງນຳໜ້າຂອງພັກ, ຕັ້ງໜ້າຝຶກຝົນຫຼໍ່ຫຼອມຄຸນທາດການເມືອງ ແລະ ຄຸນສົມບັດສິນທຳປະຕິບັດ ເດັດດຽວແກ້ໄຂ ປະກົດການຍໍ້ທໍ້ພາຍໃນໜ່ວຍພັກ ແລະ ສະມາຊິກພັກ.
ສະຫາຍ ພູວັນ ພູມີພອນ ຄະນະພັກ ທະນາຄານ ນະໂຍບາຍ ສາຂາອຸດົມໄຊ ໄດ້ຂື້ນຜ່ານບົດລາຍງານການເມືອງຂອງໜ່ວຍພັກ ແລະແຜນພັດທະນາກົມກອງ ເຊີ່ງໄດ້ຍົກໃຫ້ເຫັນ ຜົນງານການເຄື່ອນໄຫວ ໃນການຈັດຕັ້ງປະຕິບັດ ວຽກງານວິຊາສະເພາະ ໃນໄລຍະ 5 ປີທີ່ຜ່ານມາ ພ້ອມທັງປະກອບຄຳເຫັນຕໍ່ບົດລາຍງານການເມືອງດັ່ງກ່ວາ. ຈາກນັ້ນ ກອງປະຊຸມຍັງໄດ້ຜ່ານມາດຖານເງື່ອນໄຂ ຜູ້ຮັບສະໝັກເລືອກຕັ້ງຄະນະຊຸດໃໝ່ ແລະ ແຈກຍາຍບັດ ເພື່ອໃຫ້ ສະມາຊິກພັກ ໄດ້ຂັດເລືອກເອົາ ຜູ້ສະໝັກ ຄະນະພັກຊຸດໃໝ່. ກອງປະຊຸມໄດ້ດຳເນີນໄປເປັນເວລາ 1 ຕອນ ແລະປິດລົງໃນເວລາ 12:00 ຂອງວັນດຽວກັນ.
ພາບ-ຂາວ: ສອນໄຊ ສິນຍາ
