ຕອນແລງວັນທີ 27 ມັງກອນ 2023 ໜ່ວຍພັກທະນາຄານນະໂຍບາຍ ສາຂາຫຼວງນ້ຳທາ ໄດ້ເປີດກອງປະຊຸມປະເມີນໜວ່ຍພັກ ປອດໃສ ເຂັ້ມແຂງ ໜັກແໜ້ນ ຄັ້ງທີ III ຮອບທີ III ປະຈຳປີ 2022 ຢູ່ທີ່ຫ້ອງປະຊຸມໃຫຍ່ຊັ້ນ III ທນບ ສາຂາຫຼວງນ້ຳທາ ໂດຍພາຍໃຕ້ການເປັນປະທານ ສະຫາຍ ສີຟອງ ແກ້ວກົງຕາ ເລຂາໜວ່ຍພັກ ຫົວໜ້າທະນາຄານນະໂຍບາຍ ສາຂາຫຼວງນ້ຳທາ ເປັນກຽດເຂົ້າຮ່ວມມີສະຫາຍຕາງໜ້າ 3 ອົງການຈັດຕັ້ງພັກຄື ໂຄສະນາອົບຮົມແຂວງ, ຈັດຕັ້ງແຂວງ, ກວດກາພັກລັດແຂວງ, ໜ່ວຍພັກອ້ອມຂ້າງມີ: ທະນາຄານການຄ້າຕ່າງປະເທດລາວມະຫາຊົນ, ທະນາຄານພັດທະນາລາວ, ທະນາຄານສົ່ງເສີມກະສິກຳ ແລະ ສະມາຊີກສົມບູນ, ສຳຮອງ ເຂົ້າຮ່ວມລວມທັງໝົດຈຳນວນ 21 ສະຫາຍ ຍິງ 6 ສະຫາຍ.
ກອງປະຊຸມ ສະຫາຍ ສີຟອງ ແກ້ວກົງຕາ ເລຂາໜ່ວຍພັກ ໄດ້ຜ່ານຮ່າງບົດປະເມີນຜົນການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ຄັ້ງທີ III ຮອບທີ III ປະຈຳປີ 2022 ແລະ ວາງແຜນສູ້ຊົນປີ 2023. ຫຼັງຈາກນັ້ນ, ບັນດາຜູ້ແທນກອງປະຊຸມກໍ່ໄດ້ຄົ້ນຄວ້າປະກອບຄຳຄິດ ຄຳເຫັນຕໍ່ຮ່າງບົດປະເມີນຜົນການກໍ່ສ້າງໜວ່ຍພັກ ປອດໃສ ເຂັ້ມແຂງ ໜັກແໜ້ນ ຄັ້ງທີ III ຮອບທີ III ປະຈຳປີ 2022 ເຊີ່ງດ້ານດີ - ດ້ານອ່ອນ ແລະ ປະເມີນຕີລາຄາຄະແນນ 6 ດ້ານດັ່ງນີ້:
- ນຳພາດ້ານຄຸນທາດການເມືອງ.
- ນຳພາດ້ານແນວຄິດ.
- ນຳພາດ້ານການຈັດຕັ້ງ.
- ແບບແຜນວິທີການນຳພາຂອງໜ່ວຍພັກ.
- ນຳພາປະຕິບັດໜ້າທີການເມືອງ.
- ດ້ານຄວາມຮັບຜິດຊອບຕໍ່ໜ້າທີ່ການງານ.
ພ້ອມກັນນັ້ນ, ກອງປະຊຸ່ມເຫັນດີເປັນເອກະພາບນໍາສະເໜີຄະນະພັກຂັ້ນເທິງເພື່ອຮັບຮອງເປັນໜ່ວຍພັກ ປອດໃສ ເຂັ້ມແຂງໜັກແໜ້ນ ຄັ້ງທີ IIIຮອບທີ III ປະຈຳປີ 2022. ກອງປະຊຸມໄດ້ດຳເນີນໄປເປັນເວລາເຄີ່ງຕອນ ແລະ ໄດ້ປິດລົງໃນຕອນແລງ 15:30 ໂມງຂອງວັນດຽວກັນ.
ທີ່ຫຼວງນ້ຳທາ, ວັນທີ 2 ກຸມພາ 2023.
