ພາບຂ່າວໂດຍ: ທ່ານ ວິລະພອນ ພອນວິຈິດ
ເພື່ອສະຫຼຸບຕີລາຄາການຈັດຕັ້ງປະຕິບັດວຽກງານໃນໄລຍະຜ່ານມາຂອງປີ 2021 ແລະ ແຜນການຈັດຕັ້ງປະຕິບັດໃນຕໍ່ໜ້າໃຫ້ມີບາດກ້າວທີ່ດີໄປຕາມແນວທາງຂອງພັກ-ລັດ ວາງອອກໃຫ້ບັນລຸຕາມຄາດໝາຍທີ່ວາງໄວ້ ທະນາຄານ ນະ ໂຍບາຍ ສາຂາ ຫຼວງພະບາງໄດ້ເປີດກອງປະຊຸມທາບທາມຄວາມໄວ້ວາງໃຈຂອງຄະນະສາຂາ, ສະຫຼຸບການຈັດຕັ້ງປະຕິບັດວຽກງານປະຈຳປີ 2021 ໂດຍຫຍໍ້ ແລະ ວາງທິດທາງແຜນການປະຈໍາປີ 2022 ຂື້ນໃນວັນທີ 25 ມີນາ 2022 ທີ່ຫ້ອງປະຊຸມຊັ້ນ III ສາຂາຫຼວງພະບາງ, ໂດຍໃຫ້ກຽດເຂົ້າຮ່ວມເປັນປະທານຂອງທ່ານ ແສງເພັດ ດວງພິລາ ຮອງຜູ້ອໍານວຍການ ທະນາຄານ ນະໂຍບາຍ ກອງປະຊຸມມີບັນດາທ່ານຄະນະສາຂາ, ຄະນະຂະແໜງ, ຫົວໜ້າໜ່ວຍບໍລິການ ແລະ ພະນັກງານທັງໝົດພາຍໃນສຳນັກງານສາຂາເຂົ້າຮ່ວມຢ່າງພ້ອມພຽງ.
ຈຸດປະສົງຂອງກອງປະຊຸມໃນຄັ້ງນີ້ເພື່ອທາບທາມຄວາມໄວ້ວາງໃຈຂອງຄະນະສາຂາໃນການຈັດຕັ້ງປະຕິບັດວຽກ ງານຜ່ານມາ, ສະຫຼຸບຕີລາຄາການເຄື່ອນໄຫວວຽກງານຮອບດ້ານປະຈຳປີ 2021 ແລະ ວາງທິດທາງແຜນການເຄື່ອນໄຫວປະຈໍາປີ 2022 ຂອງສາຂາ, ໃນກອງປະຊຸມ ທ່ານ ຄຳພັນ ແສນຄຳ ຫົວໜ້າ ທນບ ສາຂາຫຼວງພະບາງ ໄດ້ຜ່ານບົດສະຫຼຸບຕີລາຄາການເຄື່ອນໄຫວວຽກງານຮອບດ້ານປະຈໍາປີ 2021 ໂດຍຫຍໍ້ຂອງປີຜ່ານມາ ແລະ ວາງທິດທາງແຜນການ ເຄື່ອນໄຫວໃນຕໍ່ໜ້າ ຈາກນັ້ນກອງປະຊຸມໄດ້ຍົກໃຫ້ເຫັນໝາກຜົນດ້ານດີທີ່ທາງສາຂາສາມາດຈັດຕັ້ງປະຕິ ບັດໄດ້ ແລະ ບັນຫາດ້ານອ່ອນ ແລະ ຂໍ້ຄົງຄ້າງທີ່ຈະສືບຕໍ່ປັບປຸງແກ້ໄຂ,ໃນກອງປະຊຸມໄດ້ມີການປືກສາຫາລືແລະເນັ້ນໃຫ້ ໜ່ວຍບໍລິການເອົາໃຈໃສ່ໃນຂອດການເຄື່ອນໄຫວວຽກງານແຕ່ລະໜ້າວຽກເຊັ່ນວ່າ: ດ້ານພະນັກງານໃຫ້ມີການເຊື່ອມຊືມຕໍ່ແນວທາງນະໂຍບາຍຂອງພັກ, ລະບຽບກົດ ໝາຍຂອງລັດ ແນໃສ່ເພື່ອສະກັດກັ້ນບັນຫາປະກົດການຫຍໍ້ທໍ້ຕ່າງໆບໍ່ໃຫ້ເກີດຂື້ນກັບພະນັກງານ, ສາເຫດທີ່ບໍ່ສາມາດເກັບກູ້ໜີ້ສິນໄດ້ຕາມແຜນການ, ໜີ້ NPL ທີ່ນັບມື້້ນັບເຜີ້ມຂື້ນ ແລະ ຂອດການ ຈັດຕັ້ງປະຕິບັດວຽກງານທີ່ຍັງບໍ່ສອດຄ່ອງກັບຄວາມເປັນຈິງ, ຜ່ານການປະກອບຄຳຄິດເຫັນຢ່າງກົງໄປກົງມາຈາກບັນດາທ່ານສາມາດຍົກໃຫ້ເຫັນການປະຕິບັດໜ້າທີ່ອັນໃຫມ່ບົນພື້ນການລະບຽບຫຼັກການທີ່ພັກ – ລັດ ມອບໜາຍໃຫ້ໄດ້ເປັນຢ່າງດີຄຽງຄູ່ກັນນັ້ນກໍ່ຍັງມີຫລາຍບັນຫາທີ່ຍັງເປັນຂໍ້ຄົງຄ້າງມາຈາກຫຼາຍສາເຫດເຊີ່ງພວກເຮົາຕ້ອງໄດ້ພ້ອມກັນສືບຕໍ່ແກ້ໄຂໃນປີ 2022.
ຜ່ານການເຄື່ອນໄຫວໃນໄລຍະ 01 ປີຜ່ານມານັ້ນເຖິງແມ່ນວ່າຍັງມີຫລາຍບັນຫາທີ່ຍັງແກ້ໄຂບໍ່ທັນສອດຄ່ອງກັບວຽກງານຕໍ່່ຈິງ ແລະ ພວມສຶບຕໍ່ຜັນຂະຫຍາຍຈັດຕັ້ງປະຕິບັດໃຫ້ດີຂື້ນເທືອລະກ້າວນັ້ນ ທາງຄະນະພັກ, ຄະນະອຳນວຍການ ກໍ່່ໄດ້ມີການຍ້ອງຍໍຊົມເຊີຍບັນດາໜ່ວຍບໍລິການທີ່ມີຄວາມເອົາໃຈໃສ່ຈັດຕັ້ງປະຕິບັດວຽກງານສຳເລັດໜ້າທີ່ຕາມ ມາດຖານເງືອນໄຂທີ່ກຳ ນົດໄວ້ຄື: ໜ່ວຍບໍລິການ ເມືອງໄຊສະຖານ ຖືກຈັດໃຫ້ປະເພດ I ປະຈຳປີ ໄດ້ຮັບທຸງໄຊ,ໜ່ວຍບໍລິການເມືອງປາກແຊງ, ເມືອງວຽງຄຳ, ເມືອງພູຄູນ ແລະ ເມືອງຊຽງຮ່ອນ ຈັດໃຫ້ໄດ້ປະເພດ II ໄດ້ຮັບຊົມເຊີຍ.
ກອງປະຊຸມໄດ້ຮັບຟັງຄຳເຫັນໂອ້ລົມ ແລະ ທິດຊີ້ນຳຈາກ ທ່ານ ແສງເພັດ ດວງພິລາ ຮອງຜູ້ອຳນວຍການ ທະ ນາຄານ ນະໂຍບາຍ ເຊີ່ງໄດ້ເນັ້ນໜັກຫຼາຍບັນຫາສຳຄັນດັ່ງນີ້:
- ດ້ານການເມືອງແນວຄິດຄະນະນຳທຸກຂັ້ນຕ້ອງກຳໃຫ້ໄດ້ຈຸດພິເສດຂອງແຕ່ລະສະຫາຍອ້າຍນ້ອງພະນັກງານໃຫ້ມີຄວາມໜັກແໜ້ນ, ມີຄວາມກະຕືລືລົ້ນຕາມແນວທາງນະໂຍບາຍຂອງພັກ-ລັດ, ແຜນການພັດທະນາເສດຖະ ກິດສັງຄົມ, ມີຈຸດສຸມເປັົ້າໝາຍຄືແນວໃດ, ບັນຫາດ້ານເສດຖະກິດມີແຜນການສົ່ງເສີມແນວໃດ, ເຮັດວຽກງານແນວຄິດອ້າຍນ້ອງໃຫ້ເອົາຕົວຈິງມາເວົ້າກັນ; ທິດຊີ້ນໍາຂອງ ທນບ ແລະ ທິດຊີ້ນໍາຂອງລັດຖະບານ ຕ້ອງໄດ້ຮຽນຮູ້ໃຫ້ພະນັກງານມີຈິດໃຈຮັກຊາດຮັກອົງກອນ.
- ໃຫ້ປັບປຸງຄືນໃໝ່ໃນການເຮັດໜ້າທີ່ການເມືອງຂອງ ຄະນະສາຂາ ເປັນຕົ້ນເອົາໃຈໃສ່ໃກ້ຊິດຕິດແທດກັບອ້າຍນ້ອງພະນັກງານພາຍໃນສຳນັກງານສາຂາຕະຫຼອດຮອດໜ່ວຍບໍລິການ ແລະ ຫັນລົງຮາກຖານໃຫ້ເປັນປົກກະຕິ.
- ວຽກງານການບໍລິການແຕ່ລະຈຸດໜ່ວຍບໍລິການໃຫ້ມີພະນັກງານປະຈຳການປ່ຽນຜຽນກັນໃຫ້ສາມາດບໍລິການລູກຄ້າໄດ້ຕະຫລອດໃນໂມງເວລາວັນລັດຖະການ.
- ແບບແຜນວິທີເຮັດວຽກ ພາຍຫລັງໄດ້ຮັບການທາບທາມການມີຄຳເຫັນຂອງພະນັກງານ ຄະນະສາຂາ ຕ້ອງມີການປ່ຽນແປງຢ່າງຮອບດ້ານ; ຕ້ອງມີການປັບປຸງຄືນໃຫມ່ສຳລັບວຽກງານສິນເຊື່ອໃນ ການປ່ອຍເງິນບ້ວງເກົ່າຜ່ານມາ ແລະ ນະໂຍບາຍທີ່ມີການລະດົມທຶນເງິນຝາກຈາກລູ້ຄ້າເພື່ອໄປປ່ອຍກູ້ໃນຕໍ່ໜ້າ.
- ໃຫ້ເປັນເຈົ້າການໃນການຈັດຕັ້ງປະຕິບັດໜ້າທີ່ວຽກງານ, ຫຼີກລ້ຽງການຖີ້ມຄວາມຮັບຜິດຊອບຕໍ່ພະນັກງານ, ມີຫົວຄິດປະດິດສ້າງ, ກ້າຄິດກ້າຮັບຜິດຊອບ, ເອົາໃຈໃສ່ຍົກສູງຄວາມຮັບຜິດຊອບຕໍ່ວຽກງານ ໃຫ້ມີຄວາມເປັນເອກະພາບກັນ
- ວຽກງານກໍ່ສ້າງພັກພະນັກງານໃຫ້ເອົາໃຈໃສ່ລົງເລິກແຕ່ລະຂະແໜງການ, ສະມາຊິກພັກຕ້ອງເປັນຜູ້ທີ່ມີຜົນງານດີເດັ່ນຫ້າວຫັນ ແລະ ພົ້ນເດັ່ນເກັ່ງຮອບດ້ານ.
- ວຽກງານກໍ່ສ້າງພະນັກງານບ່ອນໃດເຮັດໄດ້ດີໃຫ້ເອົາໄປຊ່ວຍບ່ອນທີ່ເຮັດຍັງບໍ່ທັນໄດ້, ເອົາບົດຮຽນດັ່ງກ່າວໄປປັບປຸງປ່ຽນແປງບ່ອນໃຫມ່; ການຊັບຊ້ອນປ່ຽນແປງຕ້ອງເອົາຄຸນນະພາບເປັນຫຼັກ.
- ດ້ານວຽກວິຊາສະເພາະໃຫ້ເພີ້ມທະວີການເອົາໃຈໃສ່ແກ້ໄຂໜີ້ສິນທີ່ຄົບກຳນົດສັນຍາ ແລະ ດອກເບ້ຍຄ້າງຮັບໃຫ້ມີທ່າອ່ຽງຫຼຸດລົງ.
- ສຳລັບບັນຫາວຽກງານກວດກາໃຫ້ເອົາໃຈໃສ່ໃຫ້ມີຄວາມເຂັ້ມແຂງ, ເອົາໃຈໃສ່ຕິດຕາມພະນັກງານກ່ຽວກັບພຶດຕິກຳຕ່າງໆ, ບັນຫາໄພສັງຄົມ ແລະ ປະກົດການຫຍໍ້ທໍ້ອື່ນໆທີ່ຈະເຮັດໃຫ້ເສຍພະນັກງານ, ເສຍຊັບສິນ; ຄະນະນຳຕ້ອງເປັນເຈົ້າການຕິດຕາມກວດກາຕົວຈິງ ບ່ອນໃດເຮັດໄດ້ດີ ແລະ ບ່ອນໃດເຮັດບໍ່ໄດ້ດີໃຫ້ມີການສຸ່ມກວດ.
- ວຽກງານການປ້ອງກັນສຳນັກງານອົງກອນໃຫ້ເນັ້ນປ້ອງກັນແນວຄິດຂອງພະນັກງານບໍ່ໃຫ້ມີແນວຄິດຫຍໍ້ທໍ້, ແນວຄິດຄອງເດີມ, ແນວຄິດອາດຍາສິດ, ປ້ອງກັນສະມາຊິກພັກໃຫ້ມີຄວາມເປັນເອກະພາບກັນກ່ອນຈະລົງສູ່ຮາກຖານ.
ກອງປະຊຸມຄັ້ງນີ້ແມ່ນໄດ້ມີການດຳເນີນເປັນເວລາ ເຄີ່ງຕອນ ແລະ ໄດ້ປິດລົງໃນເວລາ 11 ໂມງ 45 ນາທີ ໃນວັນດຽວກັນ.
