ຂ່າວ: ກອງປະຊຸມ ປາຖະກະຖາ ເຜີຍແຜ່ເອກະສານວັນສໍາຄັນຂອງຊາດ ຄົບຮອບ 67 ປີ ( 22 ມີນາ 1965 – 21 ມີນາ 2022 ), ວັນຄຽດແຄ້ນຂອງປະຊາຊົນລາວ-ວັນນັກຮົບເສຍອົງຄະ ແລະ ເສຍສະຫຼະຊິວິດເພື່ອປະເທດຊາດຊາດ ຄົບຮອບ 76 ປີ (21 ມີນາ 1946 – 21 ມີນາ 2022 ).

One thought on “ຂ່າວ: ກອງປະຊຸມ ປາຖະກະຖາ ເຜີຍແຜ່ເອກະສານວັນສໍາຄັນຂອງຊາດ ຄົບຮອບ 67 ປີ ( 22 ມີນາ 1965 – 21 ມີນາ 2022 ), ວັນຄຽດແຄ້ນຂອງປະຊາຊົນລາວ-ວັນນັກຮົບເສຍອົງຄະ ແລະ ເສຍສະຫຼະຊິວິດເພື່ອປະເທດຊາດຊາດ ຄົບຮອບ 76 ປີ (21 ມີນາ 1946 – 21 ມີນາ 2022 ).”

1. ຕອນເຊົ້າວັນຈັນ ທີ 28 ມີນາ 2022 ເວລາ 09 ໂມງ 40 ນາທີ ຢູ່ທີ່ຫ້ອງປະຊຸມໃຫ່ຍຊັ້ນ III ຫ້ອງການທະນາຄານນະໂຍບາຍ ສາຂາ ຫົວພັນ ໄດ້ເປີດປະຊຸມຮັບຟັງປາຖະກະຖາ ເຜີຍແຜ່ເອກະສານວັນສໍາຄັນຂອງຊາດ ຂື້ນ ຕາມໜັງສືແຈ້ງການແນະນໍາ ສະບັບເລກທີ 121/ຄອຂຫພ, ລົງວັນທີ 23 ມີນາ 2022 ພາຍໃຕ້ການເປັນປະທານ ຂອງສະຫາຍ ບຸນເຊີຍ ແກ້ວນາຕານ ເລຂາໜ່ວຍພັກ ຫົວໜ້າ ທະນາຄານນະໂຍບາຍ ສາຂາ ຫົວພັນ, ເຂົ້າຮ່ວມຮັບຟັງ ມີຄະນະສາຂາ, ຄະນະແຕ່ລະຂະແໜງການ, ຕາງໜ້າແຕ່ລະອົງການຈັດຈັ້ງ ຊາວໜຸ່ມ, ແມ່ຍິງ, ກຳມະບານ ແລະ ພະນັກງານລັດຖະກອນ ເຂົ້າຮ່ວມລວມຄັ້ງນີ້:16 ທ່ານ, ຍິງ: 11 ທ່ານ.
   ກອງປະຊຸມຮັບຟັງປາຖະກະຖາ ເອກະສານວັນສໍາຄັນຂອງຊາດຄັ້ງນີ້ ໂດຍແມ່ນສະຫາຍ ບຸນເຊີຍ ແກ້ວນາຕານ ເລຂາໜ່ວຍພັກ ຫົວໜ້າ ທະນາຄານນະໂຍບາຍ ສາຂາ ຫົວພັນ ເປັນຜູ້ໃຫ້ປາຖະກະຖາ ລວມມີ 2 ເອກະສານສໍາຄັນຄື: ວັນສ້າງຕັ້ງພັກປະຊາຊົນປະຕິວັດລາວຄົບຮອບ 67 ປີ, ວັນລະນຶກນັກຮົບເສຍອົ່ງຄະ ແລະ ເສຍສະຫຼະຊິວິດເພື່ອປະເທດຊາດຄົບຮອບ 76 ປີ ລວມມີ 6 ເນື້ອໃນສໍາຄັນຄື: ຕົ້ນກຳເນີດພັກປະຊາຊົນ ປະຕິວັດລາວ, ຜົນສໍາເລັດແຫ່ງການນໍາພາ – ຊີ້ນໍາ ຂອງພັກປະຊາຊົນ ປະຕິວັດລາວ ຕະຫຼອດໄລຍະ 67 ປີ, ເສີ້ມຂະຫຍາຍມຸນເຊື້ອຂອງ ພັກປະຊາຊົນ ປະຕິວັດລາວ, ສະພາບການ ແລະ ການກະກຽມການຕໍ່ສູ້ຕ້ານພວກລ່າເມືອງຂື້ນຝະລັ່ງຂອງໜ່ວຍພັກເມືອງທ່າແຂກ, ເຫດການ-ການຕໍ່ສູ້ຢ່າງພິລະອາດຫານຂອງທະຫານ ແລະ ປະຊາຊົນຢູ່ເມືອງທ່າແຂກ ແລະ ຄວາມໝາຍຄວາມສໍາຄັນຂອງບັ້ນຮົບປົກກັນຕົວເມືອງຂອງທ່າແຂກ, ທຸກເນື້ອໃນໄດ້ຍົກໃຫ້ເຫັນຄວາມອົງອາດກ້າຫານ ແລະ ຄວາມໝາຍຄວາມສໍາຄັນຂອງການຕໍ່ສູ້ອັນພິລະອາດຫານ ພາຍໃຕ້ການນໍາພາຂອງພັກ ແລະ ປະຊາຊົນລາວ ທີ່ເສຍສະຫຼະເລືອດເນື້ອເພື່ອຊາດ ທີ່ໄດ້ກາຍເປັນກະແສງຟອງໃຫ້ແກ່ການປະຕິວັດຊາດ ປະຊາທິປະໄຕ ຂອງລາວເຮົາກ້າວໄປສູ້ການປົດປ່ອຍຊາດຢ່າງສົມບູນ.
   ຕອນທ້າຍປາຖະກະຖາ ສະຫາຍ ໄດ້ຮຽກຮ້ອງໃຫ້ສະມາຊິກພັກທຸກສະຫາຍຕ້ອງເປັນແບບຢ່າງໃນການນໍາໜ້າ, ຊີ້ນໍາ-ນໍາພາ, ການກໍາແໜ້ນແນວທາງການປະຕິວັດແຫ່ງການຕໍ່ສູ້ ເພື່ອຍາດເອົາເອກະລາດດ້ວຍການເສຍສະຫຼະເລືອດເນື້ອ ເປັນທິດໃນການເສີ້ມຂະຫຍາຍເຂົ້າໃສ່ທຸກໜ້າທີ່ວຽກງານ ຂອງພະນັກງານລັດຖະກອນ ທຸກຄົນໃຫ້ມີຄວາມເຂັ້ມແຂ່ງກ້າວໜ້າສໍາເລັດຜົນ.
   ການດໍາເນີນກອງປະຊຸມປາຖະກະຖາ ໄດ້ດໍາເນີນມາເປັນເວລາ 1 ຕອນ ແລະ ໄດ້ປິດລົງໃນເວລາ 10 ໂມງ 30 ນາທີ ຂອງວັນດຽວກັນ.

   Reply