ໃນວັນພຸດ ທີ 16 ມີນາ 2022 ເວລາ 09 ໂມງ 30 ນາທີ ຢູ່ທີ່ຫ້ອງປະຊຸມໃຫ່ຍຊັ້ນ III ຫ້ອງການທະນາຄານນະໂຍບາຍ ສາຂາ ຫົວພັນ ໄດ້ເປີດພິທີ ມອບ-ຮັບ ທຸງໄຊດີເດັ່ນ, ໃບຍ້ອງຍໍ ຜົນງານການປະຕິບັດໜ້າທີ່ວຽກງານ ປະຈໍາປີ 2021 ໃຫ້ກັບ ສາຂາ ແລະ ໜ່ວຍບໍລິການຂື້ນ ພາຍໃຕ້ການເປັນປະທານ ຂອງທ່ານ ວຸດທິ ເລືອງວິໄລວົງ ຄະນະພັກທະນາຄານແຫ່ງ ສປປລາວ ເລຂາຄະນະພັກຮາກຖານ ຜູ້ອຳນວຍການ ທະນາຄານນະໂຍບາຍ, ເຂົ້າຮ່ວມພິທີມີຄະນະສາຂາ, ຄະນະທີມງານທີ່ມາຈາກສໍານັກງານໃຫຍ່, ຄະນະຂະແໜງການ, ຄະນະໜ່ວຍບໍລິການ ແລະ ພະນັກງານວິຊາການພາຍໃນຫ້ອງການສາຂາ ເຂົ້າຮ່ວມລວມຄັ້ງນີ້ 27 ທ່ານ, ຍິງ 08 ທ່ານ, ພາຍຫຼັງຈັດຕັ້ງພິທີ ໄດ້ກ່າວຈຸດປະສົງແລ້ວ ທ່ານ ຄໍາແພງ ຄໍາພູວົງ ຮອງຫົວໜ້າສາຂາ ຜູ້ຊີ້ນໍາວຽກງານສິນເຊື່ອ ໄດ້ຂື້ນຜ່ານບົດສະຫຼຸບລາຍງານຫຍໍ້ແຕ່ລະດ້ານ ປະຈໍາປີ 2021 ແລະ ທິດທາງແຜນການ ປີ 2022 ຂອງ ທະນາຄານນະໂຍບາຍ ສາຂາ ຫົວພັນ ໃນພິທີໄດ້ປະເມີນທາບທາມຄວາມເຫັນໄວ້ວາງໃຈ ຄະນະສາຂາ ຕາມແຜນປະຈໍາປີ 2021 ໃຫ້ໄດ້ຈັດຕັ້ງປະຕິບັດທາບທາມ 2 ຄັ້ງ/ປີ ຕາມຂໍ້ຕົກລົງເລກທີ 334/ທນບ, ລົງວັນທີ 25 ກຸມພາ 2022, ຈາກນັ້ນພິທີ ມອບ-ຮັບ ທຸງໄຊດີເດັ່ນ, ໃບ
ຍ້ອງຍໍຜົນງານ ປະຈໍາປີ 2021 ໃຫ້ກັບ ສາຂາ ແລະ ໜ່ວຍບໍລິການ ໂດຍແມ່ນທ່ານ ວຸດທິ ເລືອງວິໄລວົງ ຄະນະພັກທະນາຄານແຫ່ງ ສປປລາວ ເລຂາຄະນະພັກຮາກຖານ ຜູ້ອຳນວຍ ການທະນາຄານນະໂຍບາຍ ເປັນຜູ້ ມອບ-ຮັບ ທຸງໄຊ ດີເດັ່ນປະເພດ I ແລະ ໃບຍ້ອງຍໍ ດີເດັ່ນປະເພດ II ຕາມຂໍ້ຕົກລົງສະບັບເລກທີ 334 ແລະ 335/ທນບ, ລົງວັນທີ 25 ກຸມພາ 2022 ຄັ້ງນີ້ ມີ 7 ໜ່ວຍບໍລິການທີ່ໄດ້ຮັບທຸງໄຊ ດີເດັ່ນປະເພດ I, ໃບຍ້ອງຍໍ ດີເດັ່ນປະເພດ II ມີ ສາຂາ ແລະ ໜ່ວຍບໍລິການ ເມືອງວຽງໄຊ.
ຫຼັງສໍາເລັດພິທີ ມອບ-ຮັບ ທຸງໄຊດີເດັ່ນ, ໃບຍ້ອງຍໍ ຜົນງານການປະຕິບັດໜ້າທີ່ວຽກງານ ປະຈໍາປີ 2021 ໄດ້ຮັບຟັງຄຳເຫັນໂອ້ລົມ ຂອງທ່ານ ວຸດທິ ເລືອງວິໄລວົງ ຄະນະພັກທະນາຄານແຫ່ງ ສປປລາວ ເລຂາຄະນະພັກຮາກຖານ ຜູ້ອຳນວຍການ ທະນາຄານນະໂຍບາຍ ເຊີ່ງເນື້ອໃນການໂອ້ລົມ ຂອງທ່ານມີຫຼາຍຂໍທີ່ສຳຄັນຄື:
1. ທ່ານ ໄດ້ໃຫ້ຄວາມຍ້ອງຍໍຊົມເຊີຍຕໍ່ຜົນງານດີເດັ່ນ ທີ່ ສາຂາ ຫົວພັນ ມີຫຼາຍໜ່ວຍບໍລິການ ທີ່ສາມາດຍາດໄດ້ຜົນງານດີເດັ່ນປະເພດ I.
2. ໃຫ້ເອົາໃຈໃສ່ສຶບຕໍ່ໃນການສຶກສາອົບຮົມວຽກງານການເມືອງແນວຄິດໃຫ້ພະນັກງານ ໃຫ້ມີຄວາມເຂົ້າໃຈຢ່າງເລີກເຊີ່ງເປັນປົກກະຕິ, ການເຄື່ອນໄຫວປະຕິບັດທຸກວຽກງານ ຕ້ອງມີຄວາມເປັນເອກະພາບ, ຄະນະນໍາແຕ່ລະພາກສ່ວນ ຕ້ອງເປັນແບບຢ່າງທີ່ດີໃຫ້ແກ່ພະນັກງານ.
3. ໃຫ້ເອົາໃຈໃສ່ປະຕິບັດຮ່ວມຊິວິດການເມືອງ, ປະຕິບັດເຮັດວຽກງານການສ່ອງແສງວຽກງານວິຊາສະເພາະເປັນປະຈໍາທິດ ແລະ ປະຈໍາເດືອນ ໃຫ້ເປັນປົກກະຕິ ເພື່ອເຮັດໃຫ້ວຽກງານໄດ້ຮັບຜົນສໍາເລັດຕາມການມອບໝາຍ.
4. ໃຫ້ເພີ້ມຄວາມເອົາໃຈໃສ່ຕື່ມ ດ້ານວຽກງານວິຊາສະເພາະຂອງການບໍລິການສິນເຊື່ອ ເພື່ອໃຫ້ໄດ້ຮັບຜົນດີສູງກ່ວາເກົ່າ ໂດຍສະເພາະເອົາໃຈໃສ່ເຮັດວຽກງານກວດກາ, ການໃຫ້ເງິນກູ້ຜ່ານອົງການຈັດຕັ້ງການເມືອງສັງຄົມ ທີ່ທາງ ສາຂາໄດ້ກໍານົດໃນແຜນ 2022 ແມ່ນເຫັນດີ ແຕ່ຕ້ອງໃຫ້ມີຄຸນນະພາບ ແລະ ເອົາໃຈໃສ່ໃນການປະຕິບັດແກ້ໄຂໜີ້ຕາມເລກທີ 37.
5. ວຽກງານການບໍລິການໂອນເງິນພາຍໃນ ໃຫ້ສືບຕໍ່ເຮັດການບໍລິການໃຫ້ມີຄວາມວ່ອງໄວດີຂື້ນ ທຸກສິງທຸກຢ່າງລ້ວນແລ້ວເປັນລາຍຮັບສ່ວນນື່ງກັບ ທນບ ພວກເຮົາ, ແນວທາງການຈັດຕັ້ງປະຕິບັດຕ້ອງເຮັດໃຫ້ດີຂື້ນເທື່ອລະກ້າວ.
6. ວຽກງານກວດກາ ຕ້ອງເປັນເສນາທິການໃຫ້ແກ່ຄະນະພັກ-ຄະນະສາຂາ, ການສ້າງແຜນລົງກວດກາຕ້ອງໃຫ້ຕໍ່ເນື່ອງ ແລະ ເຮັດວຽກເປັນປົກກະຕິ, ເອົາໃຈໃສ່ກວດກາວຽກງານພາຍໃນຂະແໜງການ, ແຕ່ລະໜ່ວຍບໍລິການໃຫ້ລະອຽດ, ກ່ຽວກັບການເກັບມ້ຽນເອກະສານ, ການລົງລາຍເຊັນຄົບຖ້ວນ ແລະ ຖືກຕ້ອງຕາມແຈ້ງການ.
ຕອນທ້າຍ ພິທີ ມອບ-ຮັບ ທ່ານ ໄດ້ຮຽກຮ້ອງໃຫ້ເອົາໃຈໃສ່ໃນການປະຕິບັດໜ້າທີ່ວຽກງານໃຫ້ເປັນປຶກແຜນ, ມີຄວາມສາມັກຄີແໜ້ນແຟ້ນ ແລະ ຂອດການປະສານງານສາຍຕັ້ງ-ສາຍຂວາງ ໃຫ້ເອົາໃຈໃສ່ເປັນຜິເສດ.
ການດໍາເນີນພິທີ ມອບ-ຮັບ ທຸງໄຊດີເດັ່ນ, ໃບຍ້ອງຍໍ ຜົນງານການປະຕິບັດໜ້າທີ່ວຽກງານ ປະຈໍາປີ 2021 ໄດ້ດໍາເນີນມາເປັນເວລາ 1 ຕອນ ແລະ ໄດ້ປິດລົງໃນເວລາ 11 ໂມງ 30 ນາທີ ຂອງວັນດຽວກັນ.
