ວັນທີ 9 ກໍລະກົດ 2020 ທະນາຄານນະໂຍບາຍ ສາຂາຫຼວງນ້ຳທາ ໄດ້ເປີດກອງປະຊຸມສະຫຼຸບວຽກງານຮອບດ້ານ 6 ເດືອນຕົ້ນປີ 2021 ແລະ ທິດທາງແຜນການ 6 ເດືອນທ້າຍປີ ປີ 2021 ຢູ່ທີຫ້ອງການທະນາຄານນະໂຍບາຍ ສາຂາຫວງນ້ຳທາ ຊັ້ນ 3 ໂດຍການເປັນປະທານ ທ່ານ ສີຟອງແກ້ວກົງຕາ ເລຂາໜວ່ຍພັກ ຮັກສາການຫົວໜ້າທະນາຄານນະໂຍບາຍ ສາຂາຫຼວງນ້ຳທາ, ປະກອບມີຮອງຫົວໜ້າສາຂາ ແລະ ຫົວໜ້າຂະແໜງ, ຮອງຫົວໜ້າຂະແໜງ, ຫົວໜ້າໜວ່ຍຮອງຫົວໜ້າໜ່ວຍ, ຫົວໜ້າຫ້ອງການປະສານງານແຂວງບໍ່ແກ້ວ ເຂົ້າຮ່ວມທັງໝົດ 17 ທ່ານ ຍີງ 5 ທ່ານ.
ກອງປະຊຸມໄດ້ຮັບຟັງການຜ່ານບົດສະຫຼຸບໂດຍ ທ່ານ ໄພວັນ ໄຊຍະວົງ ຮອງຫົວໜ້າສາຂາ ບົດສະຫຼຸບກ່ຽວກັບການເຄື່ອນໄຫວວຽກງານຮອບດ້ານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2021 ໂດຍຫຍໍ້. ຫຼັງຈາກນັ້ນ, ທ່ານ ສີຟອງ ແກ້ວກົງຕາ ຮັກສາການຫົວໜ້າສາຂາ ໄດ້ສັງລວມຕີລາຄາຄືນຂອດການຈັດຕັ້ງປະຕິບັດແຜນດຳເນີນທຸລະກິດ ແລະ ເນື້ອໃນຂໍ້ແຂ່ງຂັນຮັກຊາດພັດທະນາ ໃນ 06 ເດືອນຕົ້ນປີ 2021 ເຊີ່ງໄດ້ຍົກໃຫ້ເຫັນວຽກງານດ້ານດີ, ດ້ານອອ່ນ, ຂໍ້ຄົງຄ້າງໃນການຈັດຕັ້ງປະຕິບັດວຽກງານໃນໄລຍະຜ່ານມາ. ພ້ອມກັນນັ້ນ, ຜູ້ເຂົ້າຮວ່ມກອງປະຊຸມຍັງໄດ້ປະກອບຄຳຄິດຄຳເຫັນຕໍ່ບົດສະຫຼຸບຢ່າງກົງໄປກົງມາ ແລະ ຕາງໜ້າຂະແໜງການ ແລະ ໜວ່ຍບໍລິການກໍ່ໄດ້ສະຫຼຸບວຽກງານການເຄື່ອນໄຫວໃນໄລຍະຜ່ານມາ 6 ເດືອນຕົ້ນປີ 2021 ໂດຍຍົກບັນຫາຂໍ້ຄົງຄ້າງຂື້ນມາ ເພື່ອປືກສາຫາລືຊອກວິທີທາງແກ້ໄຂບັນຫາຕ່າງໆ ເພື່ອຈັດຕັ້ງປະຕິບັດວຽກງານໃນຕໍ່ໜ້າໃຫ້ໄດ້ຮັບຜົນດີກວ່າເກົ່າ.
ຕອນທ້າຍກອງປະຊຸມ ທ່ານ ຮັກສາການຫົວໜ້າສາຂາ ໄດ້ເໜັ້ນໜັກໃຫ້ເອົາໃຈໃສ່ສືກສາອົບຮົມດ້ານແນວຄິດການເມືອງໃຫ້ພະນັກງານ, ເປັນເຈົ້າການໃນວຽກງານກວດກາຢ່າງແຂງແຮງເພື່ອຕ້ານ ແລະ ສະກັດກັ້ນປະກົດການຫຍໍ້ທໍ້, ເປັນເຈົ້າການໃນການປັບປຸງແບບແຜນວິທິການເຮັດວຽກ ແລະ ວິທິນຳພາ, ເອົາໃຈໃສ່ດ້ານວຽກງານວີຊາະເພາະເຊັ່ນ ວຽກງານຫ້ອງການບໍລິຫານ-ຈັດຕັ້ງພະນັກງານ ເອົາໃຈໃສ່ລະບຽບການຄຸ້ມຄອງພະນັກງານທະນາຄານນະໂຍບາຍ ຕາມ ສະບັບເລກທີ 990/ທນບ, ລົງວັນທີ 06/07/2020, ວຽກງານບັນຊີ ເອົາໃຈໃສ່ໃນການຄຸ້ມຄອງການຄັງເງິນສົດກວດຄັງເງິນສົດປະຈຳວັນໃຫ້ເປັນປົກກະຕິ; ການລົງບັນຊີໃນລະບົບຄໍແບ້ງຄິງໃຫ້ຖືກຕ້ອງ ປິດບັນຊີປະຈຳວັນ ເດືອນ ປີ ໃຫ້ທັນກັບສະພາບ, ວຽກງານກວດກາ ເປັນເສນາທິການແກ່ຄະນະສາຂາ ສ້າງແຜນລົງເຄື່ອນໄຫວວຽກຢູ່ຂະແໜງການ ແລະ ໜວ່ຍບໍລິການໃຫ້ເປັນປົກກະຕິ, ວຽກງານສີນເຊື່ອ ໃຫ້ເອົາໃຈໃສ່ການປ່ອຍເງີິນກູ້ ປີ 2021 ການສະໜອງສີນເຊື່ອໃຫ້ເຂົ້າເຖິງຄອບຄົວທຸກຍາກ ໃຫ້ເບີ່ງຕາມເງື່ອນໄຂສະພາບຄວາມເປັນຈີງຂອງລູກຄ້າ, ການປ່ອຍເງີນກູ້ໃຫ້ຖືກຕ້ອງຕາມເປົ້າໝາຍ ໂຄງການຂອງເມືອງ ແລະ ແຂວງ, ເອົາໃຈໃສ່ເກັບກູ້ໜີ້ສີນ PL, NPL ທັງຕົ້ນທືນ ແລະ ດອກເບ້ຍ ໃຫ້ໄດ້ຕາມແຜນການ, ກຳນົດເອົາບ້ານປ່ອຍເງິນກູ້ ຜ່ານ ອກສກ ໃຫ້ໄດ້ຕາມຄາດໝາຍ, ໃຫ້ໜ່ວຍ ບໍລິການກຳນົດຄອບຄົວຕົວແບບ ໃຫ້ໄດ້ຢ່າງໜ້ອຍ ໜ່ວຍລະ 2 ຄອບຄົວ, ເອົາໃຈໃສ່ຈັດຕັ້ງປະຕິບັດວຽກງານຂໍ້ແຂ່ງຂັນທີ່ຕິດພັນກັບ 8 ມາດຖານການຍ້ອງຍໍປະຈຳປີ 2021, ເອົາໃຈໃສ່ປົກປັກຮັກສຳນັກຫ້ອງການໃຫ້ມີຄວາມສະອາດຈົບງາມ ແລະ ການປ້ອງການເວນຍາມໃຫ້ມີຄວາມປອດໄພ ເປັນປົກກະຕິ. ພ້ອມກັນນັ້ນ, ໃຫ້ພະນັກງານມີຄວາມກະຕືລືລົ້ນໃນການເຮັດວຽກຫຼາຍຂື້ນກວ່າເກົ່າ, ແບບແຜນການດຳລົງຊິວິດໃຫ້ມີຄວາມປອດໃສ ປະຍັດມັດທະ ຍັດ ຊື່ສັດບໍລິສຸດ, ເປັນເຈົ້າການປະຕິບັດກົດລະບຽບຢ່າງເຂັ້ມງວດ, ເອົາໃຈໃສ່ຂອດການປະສານງານລະຫວ່າງຂະແໜງການ ແລະ ພາກສວ່ນທີ່ກ່ຽວຂ້ອງຢ່າງໃກ້ສິດ.
ກອງປະຊຸມໄດ້ດຳເນີນເປັນເວລາ 1 ວັນ ໄດ້ປິດລົງ ເວລາ 16:30 ໂມງ ຂອງວັນດຽວກັນ.
