ຕອນແລງວັນທີ 08 ກຸມພາ 2021 ທະນາຄານນະໂຍບາຍ ສາຂາ ຫຼວງນ້ຳທາ ໄດ້ຈັດກອງປະຊຸມ ນຳພາດ້ານການເມືອງແນວຄິດ ແລະ ທາບທາມຄວາມໄວ້ວາງໃຈຕໍ່ຄະນະສາຂາ 6 ເດືອນຕົ້ນປີ 2021 ແລະ ພິທີມອບໃບຍ້ອງຍໍປະຈຳປີ 2020 ຢູ່ທີ ຫ້ອງປະຊຸມໃຫຍ່ ຊັ້ນ III ທະນາຄານນະໂຍບາຍ ສາຂາຫຼວງນ້ຳທາ ພາຍໃຕ້ການເປັນປະທານຂອງ ທ່ານ ຄໍາອົ້ນ ຈັນສຸລິມາດ ຮອງຜູ້ອຳນວຍການທະນາຄານນະໂຍບາຍ, ມີຜູ້ເຂົ້າຮ່ວມ ຫົວໜ້າພະແນກຫ້ອງບໍລິຫານ ທນບ ສຳນັກງານໃຫຍ່, ຄະນະສາຂາ, ຫົວໜ້າຂະແໜງພັກ-ມະຫາຊົນ ສຳນັກງານໃຫຍ່, ຄະນະຂະແໜງ, ຄະໜ່ວຍບໍລິການ ແລະ ພະນັກງານວິຊາການ ສາຂາ ເຂົ້າຮ່ວມທັງໝົດ 25 ທ່ານ ຍີງ 9 ທ່ານ.
ກອງປະຊຸມ ທ່ານ ສີຟອງ ແກ້ວກົງຕາ ຮັກສາການຫົວໜ້າສາຂາ ໄດ້ຜ່ານສະຫຼຸບລາຍງານການເຄື່ອນໄຫວວຽກງານຮອບດ້ານ ປະຈຳ 6 ເດືອນຕົ້ນປີ 2021 ແລະ ວາງທິດທາງແຜນການ 6 ເດືອນທ້າຍປີ 2021 ໂດຍຫຍໍ້. ຫຼັງຈາກນັ້ນ, ທ່ານ ຈຳປາທອງ ທອງພັນ ຫົວໜ້າຂະແໜງພັກ-ມະຫາຊົນ ສຳນັກງານໃຫຍ່ ຍັງໄດ້ຍາຍບັດທາບທາມ ພ້ອມທັງແນະນຳລະບຽບການທາບທາມຄວາມໄວ້ວາງໃຈຕໍ່ຄະນະສາຂາ ທະນາຄານນະໂຍບາຍ ສາຂາຫຼວງນ້ຳທາ. ຕໍ່ຈາກນັ້ນ, ທ່ານ ຈຳປາທອງ ທອງພັນ ໄດ້ຜ່ານຂໍ້ຕົກລົງຂອງ ຜູ້ອຳນວຍການ ເລກທີ 639/ທນບ ລົງວັນທີ 13/05/2021 ວ່າດ້ວຍການມອບໃບຊົມເຊີຍໃຫ້ ສາຂາ ແລະ ໜ່ວຍບໍລິການເມືອງນາແລ ປະຈຳປີ 2020 ແລະ ຂໍ້ຕົກລົງ ເລກທີ 640/ທນບ ລົງວັນທີ 13/05/2021 ວ່າດ້ວຍການມອບທຸງໄຊດີເດັ່ນ ປະເພດ I ໃຫ້ ໜ່ວຍບໍລິການ ປະຈຳປີ 2020 ແມ່ນໜ່ວຍບໍລິການເມືອງລອງແລະ ຂໍ້ຕົກລົງ ເລກທີ 641/ທນບ ລົງວັນທີ 13/05/2021 ວ່າດ້ວຍການຍ້ອງຍໍ ໜ່ວຍບໍລິການທີມີຜົນງານດີເດັ່ນ ປະເພດ II ມີໜ່ວຍບໍລິການເມືອງຜາອຸດົມ, ເມືອງປາກທາ ແລະ ເມືອງເມິງ ເປັນມີຜົນງານດີເດັ່ນໃນການຈັດຕັ້ງ ວຽກງານວິຊາສະເພາະໃນປີ 2020 ພ້ອມນັ້ນ ທ່ານ ຮອງຜູ້ອຳນວຍການ ຍັງໃຫ້ກຽດຂື້ນມອບທຸງໄຊ, ໃບຍ້ອງຍໍ ແລະ ໃບຊົມເຊີຍໃຫ້ ສາຂາ ແລະ ໜວ່ຍບໍລິການ.
ຕອນທ້າຍກອງປະຊຸມ ທ່ານ ຮອງຜູ້ອຳນວຍການ ທະນາຄານນະໂຍບາຍ ໄດ້ໂອ້ລົມໃນກອງປະຊຸມໃຫ້ເອົາໃຈໃສ່ສຶກສາອົບຮົມການເມືອງແນວຄິດ, ເພີ້ມທະວີໃນການຝືກຝົນຫຼໍ່ຫອມຕົນເອງໃນທຸກດ້ານ ສືບຕໍ່ຄົ້ນຄວ້າຮໍ່າຮຽນບັນດານິຕິກຳຕ່າງໆ ທີ່ຕິດພັນວຽກງານວິຊາສະເພາະ, ໃຫ້ຄະນະສາຂາ ຄະນະຂະແໜງ ແລະ ຄະນະໜ່ວຍບໍລິການ ສືບຕໍ່ເຕົ້າໂຮມຄວາມສາມັກຄີກັບພະນັກງານພາຍໃນຄວາມຮັບຜິດຊອບຂອງຕົນ, ເອົາໃຈໃສ່ດ້ານວຽກງານວິຊາສະເພາະໂດຍ ເໜັ້ນໜັ້ກຄື ວຽກງານສີນເຊື່ອ, ວຽກງານບັນຊີ ແລະ ວຽກງານກວດກາ, ວຽກງານສີນເຊື່ອໃຫ້ເອົາໃຈໃສ່ການປ່ອຍສີນເຊື່ອ ປີ 2021 ໃຫ້ເຂົ້າເຖິງກຸ່ມເປົ້າໝາຍ ແລະ ປ່ອຍເງິນກູ້ ຜ່ານ ອກສກ ໃຫ້ຫຼາຍ, ການເກັບໜີ້ຄືນ, ການແກ້ໄຂໜີ້ສີນ ແລະ ໃຫ້ໂຄສະນາເຜີຍແຜ່ລະບຽບນະໂຍບາຍສີນເຊື່ອ ໃຫ້ເຖິງທ້ອງຖີ່ນ ແລະ ຮາກຖານ ໂດຍສະເພາະແມ່ນອຳນາດການປົກຄອງໃຫ້ເຊື່ອມຊືມລະບຽບນະໂຍບາຍສີນເຊື່ອ, ນອກນັ້ນ ທ່ານ ຮອງຜູ້ອຳນວຍການ ຍັງໄດ້ເໜັ້ນໃຫ້ຕ້ານປະກົດການຫຍໍ້ທໍ້ທີ່ຈະເກີດຂື້ນໃນຖັນແຖວພະນັກງານ, ໃຫ້ເພີ່ມທະວີການພົວພັນປະສານສົມທົບກັບອຳນາດການປົກຄອງທ້ອງຖີ່ນ ແລະ ຂອດການປະສານງານກັບພາກສວ່ນທີ່ກ່ຽວຂ້ອງຢ່າງໃກ້ສີດ, ໃຫ້ປັບປຸງແບບແຜນວິທິການເຮັດວຽກ ແລະ ວິທິນຳພາແບບປະຊາຕິປະໄຕ, ໃຫ້ມີຄວາມສາມັກຄີຮັກແພງ ຊວ່ຍເຫຼືອເຊີ່ງກັນແລະກັນ; ເພີ້ມທະວີວຽກງານກວດກາໃຫ້ຂື້ນແຜນລົງກວດກາໜ່ວຍບໍລິການໃຫ້ເປັນປົກກະຕິ, ໃຫ້ພະນັກງານມີຄຸນສົມບັດສີນທຳປະຕິວັດ ຊື່ສັດບໍລິສຸດ, ຮັກສາຄວາມສະຫງົບໃນການປ້ອງກັນເວນຍາມຫ້ອງການໃຫ້ເປັນປົກກະຕິ.
ກອງປະຊຸມໄດ້ປິດລົງເວລາ 17:30 ໂມງ ຂອງວັນດຽວກັນ.
