ເມື່ອວັນທີ 1 ກຸມພາ 2019 ທນບ ສາຂາຫຼວງນ້ຳທາ ໄດ້ເປີດກອງປະຊຸມສະຫຼຸບການເຄື່ອນໄຫວວຽກງານຮອບດ້ານປະຈຳປີ 2018 ແລະ ທິດທາງແຜນການປີ 2019 ທີຫ້ອງປະຊຸມໃຫຍ່ ຊັ້ນ III ທະນາຄານນະໂຍບາຍ ສາຂາຫວງນ້ຳທາ, ໂດຍການເປັນປະທານຂອງ ທ່ານ ແສງໝັ້ນ ແກ້ວເມືອງເໜືອ ເລຂາໜວ່ຍພັກ ຫົວໜ້າທະນາຄານນະໂຍບາຍສາຂາຫຼວງນ້ຳທາ ຜູ້ເຂົ້າຮ່ວມມີ ຮອງຫົວໜ້າສາຂາ, ຫົວໜ້າຂະແໜງ, ຮອງຂະແໜງ, ຫົວໜ້າໜວ່ຍບໍລິການ, ຮອງຫົວໜ້າໜວ່ຍ ເຂົ້າຮ່ວມລວມທັງໝົດ 13 ທ່ານ ຍີງ 4 ທ່ານ.
ກອງປະຊຸມ ທ່ານ ສີຟອງ ແກ້ວກົງຕາ ຮອງຫົວໜ້າສາຂາ ກໍ່ໄດ້ຜ່ານບົດສະຫຼຸບການເຄື່ອນໄຫວວຽກງານຮອບດ້ານປີ 2018 ແລະ ຜ່ານທິດທາງແຜນປີ 2019 ໂດຍຫຍໍ້ ເຊີ່ງໄດ້ຍົກໃຫ້ເຫັນຜົນງານດ້ານດີ, ດ້ານອອ່ນ, ຂໍ້ຄົງຄ້າງໃນການຈັດຕັ້ງປະຕິບັດວຽກງານໄລຍະປີຜ່ານມາ. ຫຼັງຈາກນັ້ນ, ທ່ານ ຫົວໜ້າຂະແໜງກວດກາ ກໍ່ໄດ້ຂື້ນຜ່ານບົດລາຍງານການແກ້ໄຂປະກົດການຫຍໍ້ທໍ້ ແລະ ວິທີການແກ້ໄຂ.
ກອງປະຊຸມ ທ່ານຫົວໜ້າສາຂາ ຍັງໄດ້ຕັ້ງຄຳຖາມເຈາະຈີ້ມຂື້ນເພື່ອໃຫ້ ຄະນະຂະແໜງ, ຄະນະໜວ່ຍບໍລິການ ປະກອບຄຳຄິດຄຳເຫັນ ແລະ ຕອບຄຳຖາມເຈາະຈີ້ມ 6 ຂໍ້ຄື: ດ້ານການສືກສາອົບຮົມການເມືອງແນວຄິດມີວິທີແກ້ໄຂແນວໃດ?, ຈະມີນະໂຍບາຍແນວໃດເຂົ້າເຖີງປະຊາຊົນທຸກຍາກ?, ສາເຫດອັນໃດທີພາໃຫ້ມີໜີ້ NPL?, ມີວິທີແນວໃດສະກັດກັ້ນຕ້ານປະກົດການຫຍໍ້ທໍ້ໃນຖັນແຖວພະນັກງານ?, ການບໍລິການສີນເຊື່ອແລະບໍລິການດ້ານການເງີນຈະມີວິທີແນວໃດ?, ການໃຫ້ສີນເຊື່ອຖືກເປົ້າໝາຍ ແລະ ມີຄຸນນະພາບເພື່ອຮັບປະກັນການເກັບຄືນຈະມີວິທີແນວໃດ?. ຈາກນັ້ນ, ທ່ານຫົວໜ້າຂະແໜງຫ້ອງການ-ຈັດຕັ້ງພະນັກງານ ຍັງໄດ້ຂື້ນຜ່ານຂໍ້ຕົກລົງເລກທີ 50/ທນບ ວ່າດ້ວຍລະບຽບການສັບຊ້ອນພະນັກງານ ຂອງທະນານຄານນະໂຍບາຍ ແລະ ຍັງໄດ້ຮັບຟັງ ທ່ານ ຫົວໜ້າສາຂາ ເຜີຍແຜ່ເອກະສານບົດບັນທືກກອງປະຊຸມສະພາບໍລິຫານ ທນບ ສະໄຫມສາມັນຄັ້ງທີ II ປະຈຳປີ 2018 ແລະ ບົດບັນທືກສະຫຼຸບການເຄື່ອນໄຫວວຽກງານຮອບດ້ານປີ 2018 ແລະ ທິດທາງແຜນການປີ 2019 ຂອງທະນາຄານນະໂຍບາຍ.
ຕອນທ້າຍກອງປະຊຸມ ທ່ານ ຫົວໜ້າສາຂາ ປະທານກອງປະຊຸມຍັງໄດ້ໃຫ້ທິດຊີ້ນຳໃນບາງວຽກງານທີສຳຄັນຄື ໃຫ້ເໜັ້ນໜັກໃຫ້ເອົາໃຈໃສ່ສືກສາອົບຮົມທາງດ້ານແນວຄິດການເມືອງໃຫ້ພະນັກງານ, ເປັນເຈົ້າການເອົາໃຈໃສ່ລະບຽບ ທນບ ແລະ ລະບຽບລັດຖະກອນ, ເອົາໃຈໃສ່ດ້ານວຽກງານວີຊາເພາະໂດຍສະເພາະແມ່ນສູ້ຊົນເກັບໜີ້ NPL ປີ 2018 ໃຫ້ໄດ້ 30% ຂື້ນໄປ ແລະ ເກັບໜີ້ PL ທີ່ຈະຄົບກຳນົດໃນປີ 2019 ໃຫ້ໄດ້ 97% ຂື້ນໄປ, ເອົາໃຈໃສ່ກວດກາຄືນແຜນສີນເຊື່ອທີ່ຈະປ່ອຍປີ 2019 ໃຫ້ແທດເໝາະກັບຄວາມເປັນຈີງ ແລະ ຖືກຕ້ອງຕາມເປົ້າໝາຍ, ໃຫ້ປັບປຸງແບບແຜນວິທິການເຮັດວຽກ ແລະ ວິທິນຳພາ, ຊອກຮູ້ຮໍ່າຮຽນທາງດ້ານວຽກງານວິຊາສະເພາະ ດ້ານທີດສະດີການເມືອງ, ເອົາໃຈໃສ່ປ້ອງກັນເວນຍາມພາຍໃນສຳນັກງານ, ເອົາໃຈໃສ່ຂອດການປະສານງານພົວພັນກັບອຳນາດການປົກຄອງ ແລະ ພາກສວ່ນທີ່ກ່ຽວຂ້ອງຢ່າງໃກ້ສີດ ແລະ ປົກປັກຮັກສາຊັບສົມບັດຫ້ອງການໃຫ້ໄດ້ນຳໃຊ້ເປັນປົກກະຕິ. ກອງປະຊຸມປິດລົງເວລາ 4:30 ໂມງຂອງວັນດຽວກັນ.
ພາບ-ຂ່າວໂດຍ: ມີຢ່າງ ແສນໄຊ
