ຕອນເຊົ້າ ເວລາ 8:30 ນາທີ ຂອງວັນທີ 13-14 ມັງກອນ 2023 ທະນາຄານນະໂຍບາຍ ສາຂາ ຫຼວງນ້ຳທາ ໄດ້ເປີດກອງປະຊຸມການເຄື່ອນໄຫວວຽກງານຮອບດ້ານ ປະຈຳປີ 2022 ແລະ ທິດທາງແຜນການປີ 2023 ຢູ່ທີ່ຫ້ອງປະຊຸມໃຫຍ່ຊັ້ນ III ຂອງທະນາຄານນະໂຍບາຍສາຂາຫຼວງນ້ຳທາ ໂດຍພາຍໃຕ້ການເປັນປະທານຂອງ ທ່ານ ສີຟອງ ແກ້ວກົງຕາ ຫົວໜ້າສາຂາຫຼວງນ້ຳທາ ມີບັນດາທ່ານຄະນະສາຂາ, ຄະນະຂະແໜງ, ຄະນະຫ້ອງການປະສານງານ ແລະ ຄະນະໜ່ວຍບໍລິການ ຕະຫຼອດຮອດພະນັກງານວິຊາການໃນທົ່ວສາຂາໄດ້ເຂົ້າຮ່ວມຈຳນວນ 51 ທ່ານ ຍີງ 13 ທ່ານ.
ກອງປະຊຸມໄດ້ຮັບຟັງທ່ານ ນິຄົມ ບັນນະວົງ ຮອງຫົວໜ້າສາຂາ ຜ່ານສະຫຼຸບການເຄື່ອນໄຫວວຽກງານຮອບດ້ານ ໂດຍຫຍໍ້ປະຈຳປີ 2022 ແລະ ທິດທາງແຜນການປີ 2023 ທົ່ວສາຂາ.
- + ດ້ານຖານະການເງີນ
- ດ້ານຖານະການເງິນປີ 2022 ດ້ານຊັບສິນ-ໜີ້ສິນທັງໝົດ: 147,22 ຕື້ກີບ, ເທົ່າກັບ 96% ຂອງແຜນປີ.
- ດ້ານລາຍຮັບ ປີ 2022 33,66 ຕື້ກີບ, ເທົ່າກັບ 142,2% ຂອງແຜນປີ.
- ດ້ານລາຍຈ່າຍ ປີ 2022: 39,25 ຕື້ກີບ, ເທົ່າກັບ 129,28% ຂອງແຜນປີ.
- ຜິດດ່ຽງລາຍຮັບ-ລາຍຈ່າຍ:ຂາດທືນສະສົມປີ2022:(5,58ຕື້ກີບ), ເທົ່າກັບ83,53% ຂອງແຜນປີ.
- ຊຳລະທືນຄືນໃຫ້ສຳນັກງານໃຫຍ່ ຈຳນວນ 29,75 ຕື້ກີບ, ຊຳລະດອກເບ້ຍ 4,17 ຕື້ກີບ.
- + ດ້ານສີນເຊື່ອ.
- ປະຕິບັດປ່ອຍທືນສີນເຊື່ອ : 29,29 ຕື້ກີບ,ເທົ່າກັບ 82,64%.
- ເກັບຕົ້ນທຶນ: 37,86 ຕື້ກີບ, ເທົ່າກັບ 87,67%.
- ເກັບຕົ້ນທືນ NPL ໄດ້: 11,1 ຕື້ກີບ, ເທົ່າກັບ 68,35%.
- ເກັບດອກເບ້ຍໄດ້: 10,51 ຕື້ກີບ, ເທົ່າກັບ 50,77%.
- ປະຕິບັດສີນເຊື່ອບ້ານ ອກສກ ໄດ້ຈຳນວນ 19 ບ້ານ, 222 ກຸ່ມ, 1.032 ຄອບຄົວມີຍອດສີນເຊື່ອ 15,66 ຕື້ກີບ.
- ປີ 2022 ມີຄອບຄົວຕົວແບບຈຳນວນ 21 ຄອບຄົວ, ປູກຝັງ 4 ຄອບຄົວ, ລ້ຽງສັດ 17 ຄອບຄົວ.
- ປະຈຸບັນມີຍອດສີນເຊື່ອ: 148,95 ຕື້ກີບ, ເທົ່າກັບ 95,40% ຂອງແຜນການປີ.
ຈາກນັ້ນ, ທ່ານ ສີຟອງ ແກ້ວກົງຕາ ຫົວໜ້າທະນາຄານນະໂຍບາຍ ສາຂາຫຼວງນ້ຳທາ ໄດ້ຕັ້ງຄໍາຖາມເຈາະຈີ້ມ, ເພື່ອໃຫ້ບັນດາຂະແໜງ, ໜ່ວຍບໍລິການ ແລະ ຫ້ອງການປະສານງານ ເປັນບ່ອນອີງປະກອບຄຳຄິດ ຄຳເຫັນ ມີຄຳຖາມເຈາະຈີ້ມບາງບັນຫາດັ່ງນີ້:
- ການເອົາຂໍ້ມູນສິນເຊື່ອປະຈຳປີເປັນຫຍັງຈິງມີຄວາມຊັກຊ້າ ແລະ ຈະມີວິທີການແກ້ໄຂຄືແນວໃດ ?
- ການປ່ອຍເງິນກູ້ໄລຍະຜ່ານມາເປັນຫຍັງແຫຼ່ງທຶນຈິງເຫຼືອ ?ດ້ວຍສາເຫດໃດ ? ແລະ ຈະມີວິທີການແກ້ໄຂແນວໃດ?
- ສາເຫດທີ່ພາໃຫ້ເກີດເປັນໜີ້ບໍ່ເກີດດອກອອກຜົນໜີ້ ( NPL ). ແລະ ດອກເບ້ຍຄ້າງເພີ່ມຂຶ້ນທຸກ ເດືອນຍ້ອນ ສາເຫດໃດ? ຈະແກ້ໄຂແນວໃດ ?
- ການປ່ອຍເງິນກູ້ຜ່ານ ອົງການຈັດຕັ້ງການເມືອງ – ສັງຄົມ ແລະ ກອງທຶນຂັ້ນບ້ານ ( ອກສກ) ? ບໍ່ໄດ້ ຕາມແຜນການທີ່ກຳນົດໄວ້ ແລະ ເປັນຫຍັງຈິງມີໜີ້ ( NPL ), ດອກເບ້ຍຄ້າງເພີ່ມຂຶ້ນ ?
- ສາເຫດທີ່ບໍ່ສາມາດເກັບກູ້ໜີ້ສິນໄດ້ ? ດ້ວຍສາເຫດໃດ ແລະ ຈະມີມາດຕະການແກ້ໄຂຄືແນວໃດ ? ການແກ້ໄຂໜີ້ຕິດພັນກັບແຈ້ງການ37/ທນບ ເປັນຫຍັງຈຶ່ງຊັກຊ້າ ?
- ຄວາມຜິດພາດດ້ານການລົງທຸລະກໍາວຽກງານ Coreban King ເຫັນວ່າຍັງມີຄວາມຜິດພາດ, ຈະແກ້ໄຂແນວໃດ?
– ຂອດການຊີ້ນຳໆພາ ພາຍໃນໜ່ວຍບໍລິການພົບຂໍ້ສະດວກ.
– ຂໍ້ຫຍຸ້ງຍາກແນວໃດ ? ດ້ານວຽກງານພະນັກງານ ແລະ ວິຊາສະເພາະ.
ກອງປະຊຸມ ໄດ້ຮັບຟັງການປະກອບຄຳຄິດເຫັນຂອງ ຄະນະສາຂາ, ບັນດາຄະແໜງ, ຫ້ອງການປະສານງານ ແລະ ໜ່ວຍບໍລິການ ຢ່າງກົງໄປກົງມາເພື່ອເອກະພາບໃນການຕິດຕັ້ງປະຕິບັດເປັນທິດທາງດຽວກັນ, ເພື່ອສູ້ຊົນແຜນ ປີ 2023 ໄດ້ຮັບຜົນສຳເລັດດີກວ່າເກົ່າ. ໃນກອງປະຊຸມໄດ້ມີພິທີ ມອບ – ຮັບ ໃບຍ້ອງຍໍລັດຖະບານຈຳນວນ 10 ທ່ານ, ຫຼຽນໄຊແຮງງານຊັ້ນ 3 ຈຳນວນ 2 ທ່ານ ໃນການປະກອບສ່ວນຂະບວນການແຂ່ງຂັນຮັກຊາດ ແລະ ພັດທະນາຕິດພັນວຽກ 3 ສ້າງ ປີ 2016-2020ຕອນທ້າຍໄດ້ຮັບຟັງການໂອ້ລົມຂອງ ທ່ານ ສີຟອງ ແກ້ວກົງຕາ ຫົວໜ້າສາຂາໃຫ້ພະນັກງານເອົາໃຈໃສ່ດ້ານການເມືອງ – ແນວຄິດ, ເພີ່ມທະວີຄວາມເປັນແບບຢ່າງນຳໜ້າຂອງຜູ້ບໍລິຫານທຸກລະດັບ, ເປັນເຈົ້າການໃນການເຕົ້າໂຮມຄວາມສາມັກຄີເປັນເອກະພາບພາຍໃນ. ໃຫ້ເອົາໃຈໃສ່ປະຕິບັດລະບຽບການຕ່າງໆຂອງ ທນບ ໃຫ້ເຂັ້ມງວດ ໂດຍສະເພາະແມ່ນລະບຽບຄຸ້ມຄອງ ພະນັກງານ ແລະ ລະບຽບການຕ່າງໆ ຮັບປະກັນໃຫ້ລະບົບການຈັດຕັ້ງມີຄວາມເຂັ້ມແຂງ, ໃຫ້ປັບປຸງແບບແຜນວິທີນຳພາ, ແບບແຜນວິທີການເຮັດວຽກໃຫ້ແທດເໝາະກັບສະພາບຕົວຈິງ, ປະຕິບັດລະບົບ ຫົວໜ້າດຽວ, ລະບອບລວມສູນປະຊາທິປະໄຕ, ເອົາໃຈໃສ່ປະຕິບັດວຽກງານວິຊາສະເພາະ ດ້ວຍຄວາມຮັບຜິດຊອບສູງ, ຕັ້ງໜ້າຜັນຂະຫຍາຍທິດທາງແຜນການ ລວມທີ່ໄດ້ກຳນົດອອກໃນບົດສະຫຼຸບປະຈຳປີ 2022 ແລະ ທິດທາງແຜນການປະຈຳປີ 2023 ທົ່ວສາຂາ ເປັນແຜນ ຂອງຫ້ອງການປະສານງານ ແລະ ໜ່ວຍບໍລິການຢ່າງລະອຽດເພື່ອເປັນບ່ອນອີງໃນການຈັດຕັ້ງປະຕິບັດ.
ກອງປະຊຸມໄດ້ດຳເນີນໄປນັບແຕ່ວັນທີ 13/01/2023 ຫາວັນທີ 14/01/2023 ເປັນເວລາ 1 ວັນເຄິ່ງ ແລະ ໄດ້ປິດລົງໃນເວລາ 12:00 ນາທີ ຂອງວັນທີ 14 ມັງກອນ 2023.
ສາຂາຫຼວງນ້ຳທາ, ວັນທີ 18 ມັງກອນ 2023
