ຕອນເຊົ້າ ເວລາ 8:30 ນາທີ ຂອງວັນທີ 23 ກຸມພາ 2023 ທະນາຄານນະໂຍບາຍ ສາຂາ ຫຼວງນ້ຳທາ ໄດ້ ເປີດກອງປະຊຸມເຜີຍແຜ່ວຽກງານຄະນະຄຸ້ມຄອງຄວາມສ່ຽງ ຢູ່ທີ່ ທນບ ສາຂາ ຫຼວງນ້ຳທາ ຄັ້ງວັນທີ 23 ກຸມພາ 2023 ຢູ່ທີ່ຫ້ອງປະຊຸມໃຫຍ່ ຂອງທະນາຄານ ນະໂຍບາຍ ສາຂາ ຫຼວງນ້ຳທາ, ພາຍໃຕ້ການເປັນປະທານຂອງ ທ່ານ ສົມເພັດ ມ້າວມາລາ ຫົວໜ້າຄະນະຄຸ້ມຄອງຄວາມສ່ຽງ ທະນາຄານນະໂຍບາຍ, ມີຄະນະສາຂາ, ຄະນະໜ່ວຍບໍລິການ, ຫົວໜ້າຫ້ອງການປະສານງານ ແຂວງ ບໍ່ແກ້ວ, ຄະນະຂະແໜງ ແລະ ພະນັກງານວິຊາການ ເຂົ້າຮ່ວມທັງໝົດ: ທ່ານ, ຍິງ: ທ່ານ.
ກອງປະຊຸມໄດ້ຮັບຟັງທ່ານ ສົມເພັດ ມ້າວມາລາ ຜ່ານບົດສະເໜີກ່ຽວກັບວຽກງານຄຸ້ມຄອງຄວາມສ່ຽງ ຂອງ ທນບ ແລະ ການວິເຄາະເອກະສານ ແລະ ການເງີນຂອງທະນາຄານ.
- ວຽກງານຄຸ້ມຄອງຄວາມສ່ຽງ.
- ໜ້າທີ່:
- ເຊື່ອມຊຶມແນວທາງນະໂຍບາຍຂອງພັກ-ລັດ ແລະ ຜັນຂະຫຍາຍເຂົ້າສູ່ວຽກງານຕົວຈິງ, ປະຕິບັດມະຕິ, ຄຳສັ່ງ, ຂໍ້ກຳນົດ, ລະບຽບ, ກົດໝາຍ ແລະ ນິຕິກຳກ່ຽວຂອງຢ່າງເຂັ້ມງວດ.
- ວິເຄາະຖານະການເງິນ ຫຼື ຄວາມໝັ້ນຄົງທາງດ້ານການເງິນ ທີ່ມີຄວາມສ່ຽງທາງດ້ານການເງິນຂອງ ທນບ ທົ່ວລະບົບ ເປັນປະຈຳເດືອນ, ໄຕ, ມາດ ແລະ ປີເຊັ່ນ: ສະພາບຄ່ອງ, ຄວາມພຽງພໍຂອງທຶນ, ຄວາມສາມາດສ້າງລາຍໄດ້, ກຳໄລ, ຜົນຕອບແທນດ້ານການລົງທຶນ ແລະ ການເຕີບໂຕໃຫ້ຄະນະອຳນວຍການເພື່ອຄົ້ນຄວ້າປັບປຸງແກ້ໄຂໃຫ້ສອດຄ່ອງກັບລະບຽບການ.
- ວິເຄາະຄວາມສ່ຽງດ້ານການດຳເນີນງານ ແລະ ການເຄື່ອນໄຫວຂອງບັນດາສາຂາ, ໜ່ວຍບໍລິການ ທົ່ວລະບົບ ທນບ ໃຫ້ລະອຽດ.
- ຄົ້ນຄວ້າສ້າງ ແລະ ປັບປຸງລະບຽບ ຫຼັກການ, ນະໂຍບາຍ, ຂັ້ນຕອນ-ວິທີການ, ຄູ່ມື, ເຕັກນິກໃນການແກ້ໄຂວຽກງານຕ່າງໆ ເພື່ອນຳສະເໜີ ຜູ້ອຳນວຍການ ພິຈາລະນາໃນການຈັດຕັ້ງປະຕິບັດໃນວຽກງານຕົວຈິງ.
- ປະຕິບັດໜ້າທີ່ອື່ນໆ ຕາມການມອບໝາຍຂອງຄະນະອຳນວຍການ
- ສິດ:
- ປະຕິບັດວຽກງານ ຕາມພາລະບົດບາດ, ໂດຍແບ່ງຄວາມຮັບຜິດຊອບພາຍໃນຄະນະ ເພື່ອໃຫ້ວຽກງານມີປະສິດທິຜົນສູງ.
- ເຂົ້າຮ່ວມ ແລະ ປະກອບຄຳເຫັນໃນກອງປະຊຸມຄະນະຜູ້ບໍລິຫານ ທນບ ແລະ ກອງປະຊຸມອື່ນໆຕາມການເຫັນດີຂອງຄະນະອຳ ນວຍການ.
- ພົວພັນ ແລະ ປະສານວຽກງານກັບບັນດາພະແນກ, ສາຂາ, ຫ້ອງການປະສານງານ ແລະ ໜ່ວຍບໍລິການໃນການຮຽກເອົາຂໍ້ມູນ ວິເຄາະຕ່າງໆ.
- ນຳສະເໜີຄະນະອຳນວຍການຮັບຮອງ ແລະ ອະນຸມັດນໍາໃຊ້ ບັນດານິຕິກຳທີ່ຄະນະໄດ້ປັບປຸງ ແລະ ສ້າງຂຶ້ນໃໝ່.
- ເຊັນເອກະສານກ່ຽວຂ້ອງ ທີ່ຕິດພັນກັບຄວາມຮັບຜິດຊອບຂອງຄະນະຄຸ້ມຄອງຄວາມສ່ຽງ.
- ປະຕິບັດສິດອື່ນໆ ຕາມການມອບໝາຍຂອງຄະນະອຳນວຍການ.
- ຄວາມຮູ້ພື້ນຖານກ່ຽວກັບ ວຽກງານຄຸ້ມຄອງຄວາມສ່ຽງ ແລະ ວິເຄາະການເງີນ.
- ສ້າງຂະບວດການປະເມີນຄວາມສ່ຽງແຕ່ລະດ້ານ.
- ຊອກຫາຄວາມສ່ຽງທີ່ສຳຄັນ.
- ຊອກຫາທາງ ຫຼຸດຜ່ອນ ຜົນກະທົບ.
- ຮັບມື, ຈັດການ ແລະ ປ້ອງກັນຄວາມສ່ຽງຢ່າງທັນການ, ສົມດຸນ ແລະ ມີປະສິດທີຜົນ.
- ໜ້າທີຂອງຝ່າຍບໍລິຫານຄວາມສ່ຽງ.
- ກົນໄກການບໍລິຫານຄວາມສ່ຽງ.
- ຫຼັກການ ແລະ ຂະບວນການຄຸ້ມຄອງຄວາມສ່ຽງ.
- ຫຼັກການ 3 ສາຍປ້ອງກັນຄວາມສ່ຽງ.
- ສາຍປ້ອງກັນທີ່ໜຶ່ງ: ພາກສ່ວນທີ່ເຮັດ ໜ້າທີ່ວຽກງານວິຊາສະເພາະຕາມພາລະບົດບາດຕົນໂດຍມີການສ້າງການ ຕິດຕາມ ແລະ ກວດກາການຄວບຄຸມພາຍໃນ ແລະ ຈັດການຄວາມສ່ຽງ ( ພະນັກງານ, ພະແນກການ, ສາຂາ ແລະ ໜ່ວຍບໍລິການທັງໝົດ) ຫຼື ເອີ້ນວ່າເຈົ້າຂອງຄວາມສ່ຽງ.
- ສາຍປ້ອງກັນທີ່ສອງ: ພະແນກຄຸ້ມຄອງຄວາມສ່ຽງ ທີ່ເຮັດໜ້າທີ່ວິເຄາະ, ຕິດຕາມ ແລະ ຄຸ້ມຄອງຄວາມສ່ຽງ.
- ສາຍປ້ອງກັນທີ່ສາມ: ພະແນກກວດກາພາຍໃນ, ທີ່ເຮັດໜ້າທີ່ກວດກາ ສາຍປ້ອງກັນທີ່ໜຶ່ງ ແລະ ສອງ ຢ່າງເປັນ ປົກກະຕິ ແລະ ສ່ອດຄ່ອງກັບຫຼັກການຄຸ້ມຄອງພາຍໃນ.
- ປະເພດຄວາມສ່ຽງ.
- ຄວາມສ່ຽງດ້ານສີນເຊື່ອ.
- ຄວາມສ່ຽງດ້ານການຕະຫຼາດ.
- ຄວາມສ່ຽງດ້ານການດຳເນີນງານ.
- ຄວາມສ່ຽງດ້ານສະພາບຄ່ອງ.
- ຄວາມສ່ຽງດ້ານລະບຽບການ.
- ການວິເຄາະເອກະສານການເງີນຂອງທະນາຄານ
ຫຼັງຈາກນັ້ນ, ທ່ານ ນາງ ສຸລິວັນ ເທບພາພິນ ໄດ້ຜ່ານບົດວິເຄາະຖານະການເງີນຂອງສາຂາ ອີງຕາມຕົວເລກການວິເຄາະ ລາຍຮັບ-ລາຍຈ່າຍ ຂ້າງເທິງນັ້ນ ສະແດງໃຫ້ເຫັນ ການດຳເນີນງານ ຂອງ ສາທາ ຫຼວງນ້ຳທາ ຮອດໄຕມາດ IV ປີ 2022 ຍັງສືບຕໍ່ຂາດທຶນ ຈໍານວນ 5,58 ຕື້ກີບ ຖ້າທຽບໄລຍະດຽວກັນຂອງປີຜ່ານມາ ຫຼຸດລົງ 32% ຫຼື 2,68 ຕື້ກີບ, ປະຕິບັດໄດ້ 84% ຂອງແຜນການ, ການສ້າງລາຍຮັບຂອງສາຂາເຖິງຈະມີລາຍຮັບເພີ່ມຂຶ້ນ ແຕ່ຖ້າທຽບໃສ່ລາຍຈ່າຍກໍ່ຍັງບໍ່ພຽງພໍຮອງຮັບລາຍຈ່າຍຕ່າງໆໃນການດຳເນີນງານ ໄດ້ທັງໝົດ ເຖິງວ່າ ບາງລາຍຈ່າຍຈະມີທ່າອ່ຽງຫຼຸດລົງກໍ່ຕາມ ເນື່ອງຈາກຍັງສືບຕໍ່ຂາດທຶນ ແຕ່ການຂາດທຶນມີທ່າອ່ຽງຫຼຸດລົງ. ໃນກອງປະຊຸມໄດ້ມີການ ຖາມ-ຕອບ ຢ່າງກົງໄປກົງມາເພື່ອເອກະພາບໃນການຕິດຕັ້ງປະຕິບັດເປັນທິດທາງດຽວກັນ. ພິທີໄດ້ປິດລົງຢ່າງເປັນທາງການໃນເວລາ: 4:30 ນາທີ ຂອງວັນດຽວກັນ.
