ວັນທີ 16-19 ສິງຫາ 2021 ທ່ານ ແອ ສ້ອຍສຸວັນ ຮອງຫົວໜ້າທະນາຄານແຫ່ງ ສປປ ລາວ ສາຂາພາກເໜືອແຂວງອຸດົມໄຊ ພ້ອມດ້ວຍຄະນະກວດກາໄດ້ລົງເຄື່ອນໄຫວຕິດຕາມ, ກວດກາ ແລະ ຊຸກຍູ້ ການຈັດຕັ້ງປະຕິບັດວຽກງານ ຂອງທະນາຄານນະໂຍບາຍ ສາຂາ ຫຼວງນ້ຳທາ ປະຈຳປີ 2020 ເປັນກຽດ ຕ້ອນຮັບໂດຍ ທ່ານ ສີຟອງ ແກ້ວກົງຕາ ຮັກສາການຫົວໜ້າສາຂາ ທະນາຄານນະໂຍບາຍ ສາຂາຫຼວງນ້ຳທາ ມີຄະນະສາຂາ,ຄະນະຂະແໜງ ແລະ ພະນັກງານວິຊາການ ກໍ່ໄດ້ເຂົ້າຮ່ວມທັງໝົດ 15 ທ່ານ ຍິງ 4 ທ່ານ.
ການເຄື່ອນໄຫວຄັ້ງນີ້ ທ່ານ ສີຟອງ ແກ້ວກົງຕາ ຮັກສາການຫົວໜ້າສາຂາ ໄດ້ສະຫຼຸບ ລາຍງານຜົນການເຄື່ອນໄຫວວຽກງານວິຊາສະເພາະຂອງ ທນບ ສາຂາ ຫຼວງນ້ຳທາໂດຍຫຍໍ້ ຊີ່ງຍົກໃຫ້ເຫັນດ້ານພົ້ນເດັ່ນ ແລະ ຫຍໍ້ທໍ້ ທີ່ເກີດຂື້ນໃນແຕ່ລະໄລຍະ. ຫຼັງຈາກນັ້ນ, ຄະນະກວດກາ ທຫລ ສາຂາ ພາກເໜືອແຂວງອຸດົມໄຊ ໄດ້ລາຍງານຜົນການກວດກາຮອບດ້ານປະຈຳປີ 2020 ຂອງ ທນບ ສາຂາ ຫຼວງນ້ຳທາ ພ້ອມທັງລົງລາຍເຊັນຮັບຮອງ ເອົາບົດບັນທືກຜົນການກວດກາປະຈຳປີ 2020 ລະຫວ່າງ ທຫລ ສາຂາພາກເໜືອແຂວງອຸດົມໄຊ ແລະ ທນບ ສາຂາ ຫຼວງນ້ຳທາ.
ຕອນທ້າຍ ກອງປະຊຸມ ທ່ານ ແອ ສ້ອຍສຸວັນ ຮອງຫົວໜ້າທະນາຄານແຫ່ງ ສປປ ລາວ ສາຂາພາກເໜືອແຂວງອຸດົມໄຊໄຊ ຍັງໃຫ້ກຽດໂອ້ລົມຕໍໍ່ ຄະນະສາຂາ, ຄະນະຂະແໜງ ແລະ ພະນັກງານ ໃຫ້ເອົາໃຈໃສ່ດ້ານການເມືອງແນວຄິດ, ດ້ານວຽກງານວິຊາສະເພາະ ແລະ ເອົາໃຈໃສ່ປັບປຸງແກ້ຂໍ້ບົກຜ່ອງຕາມຜົນການກວດກາຄັ້ງນີ້ໃຫ້ສຳເລັດໂດຍໄວ.
ກອງປະຊຸມໄດ້ປິດລົງເວລາ 11:30 ນາທີ ຂອງວັນທີ 19 ສິງຫາ 2021.
