ວັນທີ 21 ກໍລະກົດ 2021 ນີ້ ຢູ່ທີ່ຫ້ອງປະຊຸມໃຫຍ່ຊັ້ນ III ຫ້ອງການ ທະນາຄານນະໂຍບາຍ ສາຂາ ຫົວພັນ ໄດ້ເປີດກອງປະຊຸມສະຫຼຸບ ການເຄື່ອນໄຫວວຽກງານຮອບດ້ານ ປະຈໍາ 06 ເດືອນຕົ້ນປີ 2021 ແລະ ທິດທາງແຜນການ 06 ເດືອນທ້າຍປີ 2021, ພາຍໃຕ້ເປັນປະທານ ຂອງທ່ານ ບຸນເຊີຍ ແກ້ວນາຕານ ເລຂາໜ່ວຍພັກ, ຫົວໜ້າ ທະນາຄານນະໂຍບາຍ ສາຂາ ຫົວພັນ, ໃຫ້ກຽດເຂົ້າຮ່ວມກອງປະຊຸມ ມີທ່ານ ຄໍາອົ້ນ ຈັນສຸລິມາດ ຮອງເລຂາຄະນະພັກຮາກຖານ, ຮອງຜູ້ອຳນວຍການ ທະນາຄານນະໂຍບາຍ, ພ້ອມດ້ວຍຄະນະສາຂາ, ຄະນະຂະແໜງການ, ຄະນະໜ່ວຍບໍລິການ ແລະ ພະນັກງານວິຊາການເຂົ້າຮ່ວມລວມທັງໝົດ 36 ທ່ານ, ຍິງ 09 ທ່ານ.
ພາຍຫຼັງທ່ານ ປະທານ ໄດ້ກ່າວເປີດກອງປະຊຸມຢ່າງເປັນທາງການແລ້ວ ທ່ານ ບຸນເຊີຍ ແກ້ວນາຕານ ຫົວໜ້າສາຂາ ຫົວພັນ ໄດ້ຂື້ນຜ່ານບົດສະຫຼຸບການເຄື່ອນໄຫວວຽກງານຮອບດ້ານ ປະຈຳ 06 ເດືອນຕົ້ນປີ 2021 ແລະ ທິດທາງແຜນການເຄື່ອນໄຫວ ປະຈໍາ 06 ເດືອນທ້າຍປີ 2021, ເນື້ອໃນບົດສະຫຼຸບໄດ້ຍົກໃຫ້ເຫັນດ້ານດີດ້ານອ່ອນຄົງຄ້າງ; ເປັນຕົ້ນແມ່ນການປະຕິບັດແຜນຮອດທ້າຍເດືອນ 06 ປີ 2021 ມີຍອດຊັບສິນ-ໜີ້ສິນທັງໝົດ 260,5 ຕື້ກີບ, ຫຼຸດລົງ5,64% ທຽບໃສ່ 06ເດືອນທ້າຍປີ 2020, ມີລາຍຮັບໃນ 
06 ເດືອນຕົ້ນປີ 15,89 ຕື້ກີບ ເທົ້າກັບ 25,98% ຂອງແຜນປີ ( 41,52 ຕື້ກີບ ), ຜິດດ່ຽງລາຍຮັບ-ລາຍຈ່າຍໃນ 06 ເດືອນປີ 2021 ( -4,39 ຕື້ກີບ ) ເທົ້າກັບ 356,91% ຂອງແຜນປີ ( -1,23 ຕື້ກີບ ), ມີລາຍຈ່າຍໃນ 06 ເດືອນ 20,28 ຕື້ກີບ ເທົ້າກັບ 47,43%ຂອງແຜນປີ ( 42,75 ຕື້ກີບ ), ຍອດສິນເຊື່ອຍົກມາຕົ້ນປີ 272,87 ຕື້ກີບ, ປ່ອຍອອກ 4,57 ຕື້ກີບ ເທົ້າກັບ 8.50%ຂອງແຜນປີ ( 53,64 ຕື້ກີບ ), ເກັບຕົ້ນທືນ: 25,94 ຕື້ກີບ ເທົ້າກັບ 56,86 % ຂອງແຜນປີ ( 45,62 ຕື້ກີບ ), ທຽບໃສ່ 06 ເດືອນຕົ້ນປີ 2020 ເພີ້ມຂື້ນ 1,33 ຕື້ກີບ ( 06 ເດືອນປີ 2020ຈໍານວນ 24,61 ຕື້ກີບ ), ຍອດສິນເຊື່ອຮອດທ້າຍເດືອນ:251,43 ຕື້ກີບ, ເທົ້າກັບ 81,47% ຂອງແຜນປີ ( 308,58 ຕື້ກີບ ), ຕໍ່ກັບບົດສະຫຼຸບ ແລະ ທິດທາງແຜນການໃນຕໍ່ໜ້າ ຍັງໄດ້ໃຫ້ຜູ້ແທນເຂົ້າຮ່ວມກອງປະຊຸມປະກອບຄຳຄິດຄຳເຫັນ ແລກປ່ຽນບົດຮຽນ ພ້ອມທັງໃຫ້ສຶບຕໍ່ປະຕິບັດໃນແຕ່ລະໜ້າວຽກໃຫ້ສໍາເລັດຕາມລະດັບຄາດໝາຍ.
ຕອນບາຍ ກອງປະຊຸມໄດ້ຈັດພິທີມອບຮັບທຸງໄຊ ພ້ອມໃບຍ້ອງຍໍໃຫ້ສາຂາ ແລະ ແຕ່ລະໜ່ວຍບໍລິການ ດີເດັ່ນໃນການປະຕິບັດໜ້າທີ່ວຽກງານປະຈໍາປີ 2020 ໃນນັ້ນມີປະເພດດີເດັ່ນ ປະເພດ I ມີ 05 ໜ່ວຍບໍລິການ, ປະເພດ II ມີ 02 ໜ່ວຍບໍລິການ ແລະ ປະເພດ III ມີ 02 ໜ່ວຍບໍລິການ, ຕໍ່ມາກອງປະຊຸມໄດ້ດໍາເນີນທາບທາມຄວາມເຊື່ອໝັ້ນໄວ້ວາງໃຈ ຄະນະສາຂາ ຫົວພັນ ປະຈໍາ 06 ເດືອນຕົ້ນປີ 2021 ມີພະນັກງານຜູ້ມີສິດທາບທາມທັງໝົດ 55 ຄົນ, ຍິງ 20 ຄົນ.
ຕອນທ້າຍ ທ່ານ ທ່ານ ຄໍາອົ້ນ ຈັນສຸລິມາດ ຮອງເລຂາຄະນະພັກຮາກຖານ, ຮອງຜູ້ອຳນວຍການ ທະນາຄານນະໂຍບາຍ ໄດ້ມີຄໍາເຫັນໂອ້ລົມເນັ້ນໜັກ ພ້ອມທັງໃຫ້ຄວາມຍ້ອງຍໍ ຕໍ່ກັບການເອົາໃຈໃສ່ປະຕິບັດໜ້າທີ່ວຽກງານ ຕາມພະລະບົດບາດ, ຕາມການມອບໝາຍໃນໜ້າທີ່ວຽກງານວິຊາສະເພາະ ແລະ ຄວາມຮັບຜິດຊອບ ຂອງ ທນບ ສາຂາ ຫົວພັນ ໂດຍສະເພາະ ເຮັດໃຫ້ມີຫຼາຍໜ່ວຍບໍລິການສາມາດຍາດໄດ້ທຸງໄຊ ຄື:
- ຮຽກຮ້ອງໃຫ້ຄະນະສາຂາ, ຄະນະຂະແໜງການ, ຄະນະໜ່ວຍບໍລິການ ແລະ ພະນັກງານທັງໝົດ ທີ່ໄດ້ຮັບທຸງໄຊດີເດັ່ນປະເພດ I ໃນຄັ້ງນີ້ ໃຫ້ເອົາໃຈໃສ່ຄອບຄອງທຸງໄຊຕື່ມອີກ ຂອງປີ 2021 ໃນ 06 ເດືອນທ້າຍປີ 2021, ໃຫ້ພະນັກງານທຸກຄົນຖືເປັນບົດຮຽນ ສິ່ງໃດທີ່ດີໃຫ້ນຳໄປຜັນຂະຫຍາຍ, ສິ່ງໃດທີ່ຂ້ອງຄາໃຫ້ນຳໄປປ່ຽນແປງໃໝ່, ສຳລັບໜ່ວຍບໍລິການທີ່ໄດ້ຮັບທຸງໄຊປະເພດ II ແລະ ປະເພດ III ຮຽກຮ້ອງໃຫ້ເອົາໃຈໃສ່ ໃຫ້ໄດ້ຮັບທຸງໄຊ.
2.ໃຫ້ເອົາແບບແຜນວິທີເຮັດວຽກ ຫຼື ການມອບໝາຍໜ້າທີ່ວຽກງານຂອງຄະນະພັກ-ຄະນະອໍານວຍການ ມາເປັນແບບແຜນວິທີເຮັດວຽກ ແລະ ຜັນຂະຫຍາຍໃນແຕ່ລະໄລຍະ, ສາຂາ, ຂະແໜງການ ແລະ ແຕ່ລະໜ່ວຍບໍລິການ ຕ້ອງໄດ້ເອົາໃຈໃສ່ນໍາໃຊ້ຮູບແບບກົນໄກແກ້ບັນຫາປະກົດການຫຍໍ້ທໍ້, ບັນຫາວຽກງານວິຊາສະເພາະ ໂດຍສະເພາະແມ່ນວຽກງານສິນເຊື່ອ, ຖືເອົາວຽກງານການເມືອງແນວຄິດເປັນກົກ ແລະ ເປັນວຽກງານສຳຄັນໃນການຄຸ້ມຄອງບຸກຄະລາກອນ.
- ຕໍ່ກັບວຽກງານກວດກາ ເປັນວຽກງານບູລິມາສິດ ມີຄວາມສໍາຄັນຕໍ່ອົງກອນ ເປັນເສນາທິການຕໍ່ກັບຄະນະສາຂາ, ຄະນະໜ່ວຍບໍລິການ, ໃຫ້ຜູ້ທີ່ເຮັດວຽກງານກວດກາເອົາໃຈໃສ່ ໃນການທັງເຮັດວຽກ-ທັງຫງ່ຽຫູຮັບຟັງທຸກບັນຫາໃນການຊອກຮູ້ ເພື່ອເປັນເສນາທິການໃຫ້ຄະນະສາຂາ ແລະ ເພືື່ອປ້ອງກັນບໍ່ໃຫ້ມີບັນຫາປະກົດການຫຍໍ້ທໍ້ຕ່າງໆເກີດຂື້ນ ແຕ່ທຸກບັນຫາທຸກຄົນຕ້ອງມີສະຕິເຮັດວຽກກວດກາໄປນຳກັນ ບໍ່ແມ່ນຊິມອບອາໃສແຕ່ກວດກາ, ຄະນະຂະແໜງການ, ຄະນະໜ່ວຍບໍລິການ ຕ້ອງໄດກໍາກັບ ແລະ ເຮັດວຽກງານການເມືອງແນວຄິດຢ່າງຕໍ່ເນື່ອງ ບໍ່ໃຫ້ປ່ອຍປະລະເລີຍ.
- ຮຽກຮ້ອງໃຫ້ທຸກຄົນຕັ້ງອົກ-ຕັ້ງໃຈ, ມີຄວາມເຂັ້ມແຂງຕໍ່ຄວາມຮັບຜິດຊອບໃນໜ້າທີ່ວຽກງານ ຕໍ່ໄປຈະໄດ້ມີການປັບປຸງຄັດອອກກ່ຽວກັບພະນັກງານທີ່ເຫຼື່ອບໍ່ພໍ, ພະນັກງານເສຍທາດຂາດຄຸນ; ບໍ່ເຄົາລົບລະບຽບ ທນບ, ພະນັກງານທີ່ມີສຸຂະພາບບໍ່ແຂ່ງແຮງດີ, ການປະຈຳການບໍ່ປົກກະຕິ ແລະ ຈະໄດ້ປັບປຸງຖານະການເງິນ; ກ່ຽວກັບລາຍຮັບ-ລາຍຈ່າຍ.
- ກ່ຽວກັບວຽກງານການປ້ອງກັນໂຄວິດ ຂອງພະນັກງານທຸກຄົນ ໃຫ້ເຄື່ອນໄຫວແບບມີສະຕິເອກະພາບກັນ ຕິດພັນກັບກຸ່ມສ່ຽງ ຂໍໃຫ້ພະນັກງານຜູ້ນັ້ນມີຄວາມຕື່ນຕົວພັກ ແລະ ແຍກຕົວຈາກໝູ່, ແຕ່ຫ້າມເດັດຂາດບໍ່ໃຫ້ຊ່ວຍໂອກາດ.
ກອງປະຊຸມໄດ້ດຳເນີນມາເປັນເວລາ 01 ວັນເຕັມ ແລະ ໄດ້ປິດລົງໃນເວລາ 16 ໂມງ 10 ນາທີ ຂອງວັນດຽວກັນ.
