ເພື່ອສະຫຼຸບຕີລາຄາການຈັດຕັ້ງປະຕິບັດວຽກງານໃນໄລຍະ 06 ເດືອນຜ່ານມາຂອງປີ 2021 ແລະ ແຜນການຈັດຕັ້ງປະຕິບັດໃນຕໍ່ໜ້າໃຫ້ມີບາດກ້າວທີ່ດີໄປຕາມແນວທາງຂອງພັກ-ລັດວາງອອກໃຫ້ບັນລຸເປົ້າໝາຍ ທະນາ ຄານ ນະໂຍບາຍ ສາຂາ ຫຼວງພະບາງໄດ້ເປີດກອງປະຊຸມສະຫຼຸບວຽກງານປະຈຳ 06 ຕົ້ນປີ ແລະ ວາງທິດທາງແຜນການປະຈໍາ 06 ເດືອນທ້າຍປີ 2021 ຂື້ນໃນວັນທີ 19-21 ກໍລະກົດ 2021 ທີ່ຫ້ອງປະຊຸມຊັ້ນ III ສາຂາຫຼວງພະບາງ, ພາຍໃຕ້ການເປັນປະທານຂອງທ່ານ ວຸດທິ ເລື່ອນວິໄລວົງ ຜູ້ອຳນວຍການ ທະນາຄານ ນະໂຍບາຍ ໂດຍໃຫ້ກຽດເຂົ້າຮ່ວມກອງປະຊຸມມີບັນດາ ທ່ານ ຄະນະສາຂາ, ຄະນະຂະແໜງ, ຄະນະໜ່ວຍບໍລິການ ແລະ ພະ ນັກງານສິນເຊື່ອຈຳນວນໜື່ງຈາກໜ່ວຍບໍລິການເຂົ້າຮ່ວມ.
ຈຸດປະສົງຂອງກອງປະຊຸມໃນຄັ້ງນີ້ເພື່ອສະຫຼຸບຕີລາຄາການເຄື່ອນໄຫວວຽກງານຮອບດ້ານ ປະຈຳ 06 ເດືອນຕົ້ນປີ 2021 ແລະ ວາງທິດທາງແຜນການເຄື່ອນໄຫວປະຈໍາ 06 ເດືອນທ້າຍປີ 2021 ຂອງສາຂາ, ໃນກອງປະຊຸມ ທ່ານ ຄຳພັນ ແສນຄຳ ຫົວໜ້າ ທນບ ສາຂາຫຼວງພະບາງ ໄດ້ຜ່ານບົດສະຫຼຸບຕີລາຄາການເຄື່ອນໄຫວວຽກງານຮອບດ້ານໃນໄລຍະ 06 ເດືອນ ຜ່ານມາ ແລະ ວາງທິດທາງແຜນການ ເຄື່ອນໄຫວໃນຕໍ່ໜ້າ ແລະ ກອງປະຊຸມໃນຄັ້ງນີ້ກໍ່ໄດ້ມີການປະກາດ ການຍ້ອງຍໍຊົມເຊີຍໃຫ້ແກ່ບັນດາໜ່ວຍບໍລິການທີ່ມີການເຄື່ອນໄຫວດີເດັ່ນ, ໃນປີ 2020 ຜ່ານມາໂດຍມີການມອບທຸງໄຊດີເດັ່ນປະເພດ I, ໃບຍ້ອງຍໍປະເພດ II ແລະໃບຊົມເຊີຍປະເພດ III ຈາກຜູ້ອຳນວຍການ ທນບ ເຊິ່ງສາຂາຫຼວງພະບາງ ສາມາດຍາດມາໄດ້ດັ່ງນີ້:
- ໜ່ວຍບໍລິການ ເມືອງໄຊສະຖານ ໄດ້ຮັບທຸງໄຊດີເດັ່ນປະເພດ I
- ໜ່ວຍບໍລິການ ເມືອງປາກແຊງ ໄດ້ຮັບໃບຍ້ອງຍໍປະເພດ II
- ໜ່ວຍບໍລິການ ເມືອງທົ່ງມີໄຊ ໄດ້ຮັບໃບຍ້ອງຍໍປະເພດ II
- ໜ່ວຍບໍລິການ ເມືອງພູຄູນ ໄດ້ຮັບໃບຊົມເຊີຍປະເພດ III
- ໜ່ວຍບໍລິການ ເມືອງໂພນໄຊ ໄດ້ຮັບໃບຊົມເຊີຍປະເພດ III
- ໜ່ວຍບໍລິການ ເມືອງວຽງຄຳ ໄດ້ຮັບໃບຊົມເຊີຍປະເພດ III
- ໜ່ວຍບໍລິການ ເມືອງໂພນທອງ ໄດ້ຮັບໃບຊົມເຊີຍປະເພດ III
ຈາກນັ້ນກອງປະຊຸມໄດ້ຍົກໃຫ້ເຫັນໝາກຜົນດ້ານດີທີ່ທາງສາຂາສາມາດຈັດຕັ້ງປະຕິ ບັດໄດ້ ແລະ ບັນຫາດ້ານອ່ອນ ແລະ ຂໍ້ຄົງຄ້າງທີ່ຈະສືບຕໍ່ປັບປຸງແກ້ໄຂ,ໃນກອງປະຊຸມໄດ້ມີການປະກອບຄຳເຫັນຄຳຖາມເຈາະຈີ້ມຈາກບັນດາຜູ້ເຂົ້າຮ່ວມກອງປະຊຸມໂດຍສະເພາະຈາກຕົວແທນໜ່ວຍບໍລິການໃນຂອດການເຄື່ອນໄຫວວຽກງານແຕ່ລະໜ້າວຽກເພື່ອຫາວິທີແກ້ໄຂ.
ໃນຕອນທ້າຍ ທ່ານ ວຸດທິ ເລື່ອນວິໄລວົງ ຜູ້ອໍານວຍການ ທະນາຄານ ນະໂຍບາຍເປັນກຽດຂື້ນມອບທຸງໄຊ, ໃບຍ້ອງຍໍ ແລະ ໃຫ້ຄຳໂອ້ລົມໃແກ່ກອງປະຊຸມວ່າ ໃຫ້ຄະນະສາຂາ, ຄະນະຂະແໜງ ແລະ ຄະນະໜ່ວຍບໍລິການ ສືບຕໍ່ເຕົ້າໂຮມ ຄວາມສາມັກຄີກັບພະນັກງານພາຍໃນຄວາມຮັບຜິດຊອບຂອງຕົນ, ໃຫ້ເອົາໃຈໃສ່ສຶກສາອົບຮົມການເມືອງ – ແນວຄິດໃຫ້ພະນັກງານ, ເອົາໃຈໃສ່ດ້ານວຽກງານວິຊາສະເພາະເຊັ່ນ: ວຽກງານສີນເຊື່ອ, ວຽກງານບັນຊີ ແລະ ວຽກງານກວດກາ, ວຽກງານສີນເຊື່ອໃຫ້ເອົາໃຈໃສ່ການປ່ອຍສີນເຊື່ອ ປີ 2021 ໃຫ້ເຂົ້າເຖິງກຸ່ມເປົ້າໝາຍໃຫ້ໄດ້ຕາມແຜນ ແລະ ປ່ອຍເງິນກູ້ຜ່ານອົງການຈັດຕັ້ງການເມືອງສັງຄົມ ແລະກອງທຶນຂັ້ນບ້ານ(ອກສກ) ໃຫ້ຮັດກຸມ, ຮັບປະກັນການເກັບຄືນໜີ້ສິນທີ່ຄົບກຳນົດ, ຄົບງວດຕາມສັນຍາ. ຄຽງຄູ່ກັບການໂຄສະນາເຜີຍແຜ່ລະບຽບນະໂຍບາຍສີນເຊື່ອ ໃຫ້ທົ່ວເຖິງຂັ້ນທ້ອງຖີ່ນ ແລະ ຮາກຖານ ໂດຍສະເພາະແມ່ນອຳນາດການປົກຄອງໃຫ້ເຊື່ອມຊືມລະບຽບນະໂຍບາຍສີນເຊື່ອ,ໃຫ້ເພີ່ມທະວີການພົວພັນປະສານສົມທົບກັບອຳນາດການປົກຄອງທ້ອງຖີ່ນແລະ ຂອດການປະສານງານກັບພາກສວ່ນທີ່ກ່ຽວຂ້ອງຢ່າງໃກ້ສີດ ນອກນັ້ນ ຍັງໄດ້ເໜັ້ນ ວຽກງານກວດກາໃຫ້ເອົາໃຈໃສ່ຢ່າງແຂງແຮງ, ໃຫ້ກຳໄດ້ທຸກໆ ບັນຫາທີ່ຈະເກີດຂື້ນເພື່ອຫາວິທີການປ້ອງກັນ, ວຽກງານການຕ້ານ ແລະ ສະກັດກັ້ນປະກົດການຫຍໍ້ທໍ້ທີ່ຈະເກີດຂື້ນໃນຖັນແຖວພະນັກງານ, ໃຫ້ປັບປຸງແບບແຜນວິທິການເຮັດວຽກ ແລະ ວິທິນຳພາແບບປະຊາຕິປະໄຕ, ໃຫ້ມີຄວາມສາມັກຄີຮັກແພງ ຊວ່ຍເຫຼືອເຊີ່ງກັນ ແລະ ກັນ.
ກອງປະຊຸມໄດ້ປິດລົງໃນຕອນບ່າຍຂອງວັນທີ 20 ກໍລະກົດ ເວລາ 12:00 ໂມງ.
