ໃນຕອນເຊົ້າເວລາ 8:30 ນາທີ ຂອງວັນທີ 8 ພຶດສະພາ 2019 ທີ່ຫ້ອງປະຊຸມຊັ້ນ 3 ທະນາຄານ ນະໂຍບາຍ ສາຂາອຸດົມໄຊ ໄດ້ຈັດພິທີປ່ອຍເງິນກູ້ເປົ້າໝາຍ ລ້ຽງງົວ ທຶນ 68 ເມືອງເປົ້າໝາຍປີ 2018 ໂດຍການເປັນປະທານ ຂອງທ່ານ ພົງເພັດ ນວນມຸກດາວົງ ຮອງຫົວໜ້າ ທະນາຄານ ນະໂຍບາຍ ສາຂາອຸດົມໄຊ ພ້ອມດ້ວຍຄະນະກໍາມະການຄຸ້ມຄອງສິນເຊື່ອຂັ້ນເມືອງ,ບ້ານ, ອົງການປົກຄອງບ້ານ, ພະນັກງານວິຊາການ ສິນເຊື່ອ ທະນາຄານ ນະໂຍບາຍ ແລະ ປະຊາຊົນ ເຂົ້າຮ່ວມທັງໝົດຈຳນວນ 2 ບ້ານ.
ທ່ານ ພົງເພັດ ນວນມຸກດາວົງ ຮອງຫົວໜ້າທະນາຄານ ນະໂຍບາຍ ສາຂາອຸດົມໄຊ ໄດ້ກ່າວເປີດພິທີປ່ອຍເງິນກູ້ ຢ່າງເປັນທາງການ ແລະ ໄດ້ກ່າວມອບແຫຼ່ງທຶນສິນເຊື່ອໃຫ້ ອົງການປົກຄອງເມືອງມອບຕໍ່ໃຫ້ອົງການປົກຄອງບ້ານກໍ່ຄື ພໍ່ແມ່ປະຊາຊົນ ຜູ້ເຮັດການຜະລິດໂດຍກົງເປັນຈໍານວນເງິນ ທັງໝົດ 605.000.000 ກີບ ເປົ້າໝາຍ ລ້ຽງງົວ ມີ : 02 ບ້ານ, ບ້ານ ຫົວນ້ຳບາກ ແລະ ບ້ານມູນເມືອງ ເມືອງໄຊ ແຂວງອຸດົມໄຊ ມີ 6 ກຸ່ມ ການຜະລິດ, 33 ຄອບຄົວ.
ພ້ອມດຽວກັນ ທ່ານ ກໍ່ໄດ້ມີຄໍາຄິດຄໍາເຫັນໂອລົມ ຕໍ່ພິທີດັ່ງກ່າວ ພາຍຫຼັງປະຊາຊົນໄດ້ຮັບເງິນກູ້ແລ້ວ ທນບ ຂໍຮຽກຮ້ອງມາຍັງ ອົງການປົກຄອງ ແລະ ຄະນະກໍາມະການຄຸ້ມຄອງແຫຼ່ງທຶນທຸກຂັ້ນ ຕະຫຼອດຮອດ ພໍ່ແມ່ປະຊາຊົນບັນດາເຜົ່າຜູ້ຜະລິດໂດຍກົງຈົ່ງຊ່ວຍກັນຄຸ້ມຄອງແຫຼ່ງທຶນ ແລະ ນໍາໃຊ້ແຫຼ່ງທຶນດັ່ງກ່າວໃຫ້ຖຶກເປົ້າໝາຍ ປະຕິບັດຕາມສັນຍາທີ່ໄດ້ເຊັນຮ່ວມກັນຢ່າງເຂັ້ມງວດ ຮັບປະກັນປະສິດທິຜົນ ແລະສາມາດຊໍາລະສະສາງຕົ້ນທຶນ ແລະ ດອກເບ້ຍໃຫ້ກັບທະນາຄານ.
ພາບຂ່າວໂດຍ: ສອນໄຊ ສິນຍາ
