ໃນຕອນບ່າຍຂອງວັນທີ 03/02/2022 ເວລາ 13 ໂມງ 30 ນາທີ ຢູ່ ທະນາຄານນະໂຍບາຍ ສາຂາສະຫວັນນະເຂດ ໄດ້ເປັນກຽດຕ້ອນຮັບ ທ່ານ ແສງເພັດ ດວງພິລາ ຄະນະພັກຮາກຖານ ທະນາຄານນະໂຍບາຍ, ຮອງຜູ້ອຳນວຍການ ທະນາຄານນະໂຍບາຍ ທີ່ໄດ້ລົງມາເຄື່ອນໄຫວວຽກງານຢູ່ ທະນາຄານນະໂຍບາຍ ສາຂາສະຫວັນນະເຂດ ເຊິ່ງໃນໂອກາດນີ້ ທ່ານ ຮອງຜູ້ອຳນວຍການ ກໍ່ໄດ້ຂຶ້ນໃຫ້ຄຳໂອລົມແກ່ພະນັກງານພາຍໃນສາຂາເພື່ອເປັນທິດທາງໃນການເຄື່ອນໄຫວວຽກງານ ໂດຍມີທ່ານ ທິບພະກອນ ສູນດາລາ ຄະນະພັກຮາກຖານທະນາຄານ ແຂວງສະຫວັນນະເຂດ, ເລຂາໜ່ວຍພັກ ແລະ ຫົວໜ້າ ທະນາຄານນະໂຍບາຍ ສາຂາສະຫວັນນະເຂດ ພ້ອມທັງຄະນະສາຂາ ແລະພະນັກງານພາຍໃນເຂົ້າຮ່ວມຮັບຟັງ. ໃນການໂອລົມຄັ້ງນີ້ ທ່ານ ແສງເພັດ ດວງພິລາ ໄດ້ເນັ້ນໃຫ້ຄະນະສາຂາເອົາໃຈໃສ່ວຽກງານອົບຮົມແນວຄິດ-ການເມືອງໃຫ້ພະນັກງານທຸກຂັ້ນດ້ວຍຄວາມເອົາໃຈໃສ່, ໃຫ້ພະນັກງານທຸກຄົນຕ້ອງມີແບບແຜນໃນການເຮັດວຽກວິຊາສະເພາະດ້ວຍຄວາມຕັ້ງໃຈຫ້າວຫັນ ແລະ ເອົາໃຈໃສ່ວຽກງານປ້ອງກັນຄວາມສະຫງົບພາຍໃນຢ່າງເຄັ່ງຄັດ.
ພາບ-ຂ່າວໂດຍ: ໜັດຊະພົນ ພູທິສານນະລາດ
