ຕອນເຊົ້າ ເວລາ 8:30 ນາທີ ຂອງວັນທີ 28 ມັງກອນ 2022 ທະນາຄານ ນະໂຍບາຍ ສາຂາ ຫຼວງນ້ຳທາ ໄດ້ ເປີດພິທີປະຖະກະຖາວັນສ້າງຕັ້ງທະນາຄານນະໂຍບາຍຄົບຮອບ 15 ປີ (29 ມັງກອນ 2007-29 ມັງກອນ 2022) ຢູ່ທີ່ຫ້ອງປະຊຸມໃຫຍ່ຊັ້ນ III ຂອງທະນາຄານ ນະໂຍບາຍ ສາຂາ ຫຼວງນ້ຳທາ, ພາຍໃຕ້ການເປັນປະທານຂອງ ທ່ານ ສີຟອງ ແກ້ວກົງຕາ ຮັກສາການຫົວໜ້າທະນາຄານ ນະໂຍບາຍ ສາຂາ ຫຼວງນ້ຳທາ, ມີຄະນະສາຂາ, ຫົວໜ້າໜ່ວຍບໍລິການ, ຫົວໜ້າຫ້ອງການປະສານງານ ແຂວງ ບໍ່ແກ້ວ, ຄະນະຂະແໜງ ແລະ ພະນັກງານວິຊາການ ສາຂາ ເຂົ້າຮ່ວມທັງໝົດ: 31 ທ່ານ, ຍິງ: 11 ທ່ານ.
ພິທີດັ່ງກ່າວໄດ້ຮັບຟັງ ທ່ານ ນິຄົມ ບັນນະວົງ ຮອງຫົວໜ້າສາຂາ ຜ່ານບົດສະຫຼຸບການເຄື່ອນໄຫວຮອບດ້ານປະຈຳປີ 2021 ແລະ ທິດທາງແຜນການ ປີ 2022 ໂດຍຫຍໍ້ ເຊີ່ງຍົກໃຫ້ເຫັນວຽກງານດ້ານດີ, ດ້ານອ່ອນ, ຂໍ້ຄົງຄ້າງໃນການຈັດຕັ້ງປະຕິບັດວຽກງານໃນໄລຍະ 1 ປີ ຜ່ານມາ. ຫຼັງຈາກນັ້ນ, ທ່ານ ສີຟອງ ແກ້ວກົງຕາ ຮັກສາການຫົວໜ້າສາຂາ ໄດ້ຜ່ານເອກະສານເຜີຍແຜ່ສະພາບການເຄື່ອນໄຫວຂອງ ທະນາຄານນະໂຍບາຍ ໃນໄລຍະ 15 ປີ (29 ມັງກອນ 2007-29 ມັງກອນ 2022) ທະນະຄານນະໂຍບາຍ ໄດ້ເປີດໃຫ້ບໍລິການຢ່າງເປັນທາງການໃນວັນທີ 29 ມັງກອນ 2007 ເຊີ່ງໄດ້ເຄືອນໄຫວເປັນ 3 ໄລຍະຄື:
1.ໄລຍະທີ 1 ແຕ່ປີ 2007-2010
2.ໄລຍະທີ 2 ແຕ່ປິ 2011-2015
- ໄລຍະທີ 3 ແຕ່ປີ 2016-2021
ຕະຫຼອດໄລຍະເວລາ 15 ປີ, ທະນາຄານນະໂຍບາຍ ໄດ້ສະໜອງສີນເຊື່ອໃຫ້ແກ່ປະຊາຊົນເປັນຈຳນວນເງີນ ທັງໝົດ: 6.979,59 ຕື້ກີບ, ສາມາດເຂົ້າເຖີງ 17 ແຂວງ, 1 ນະຄອນຫຼວງ, 138 ເມືອງ, ເມືອງທີ່ບໍ່ທັນພົ້ນທຸກ 23 ເມືອງ, ເຂົ້າເຖີງບ້ານທັງໝົດ: 35.689 ກຸ່ມ, ເຂົ້າເຖີງຄອບຄົວທັງໝົດ: 206,746 ຄອບຄົວ, ເຫັນໄດ້ວ່າປະຊາຊົນໃນເຂດຊົນນະບົດຫ່າງໄກສອກຫຼີກ ນັບມື້ນັບໄດ້ຮັບການພັດທະນາຫຼາຍຂື້ນ, ປະຊາຊົນສ່ວນຫຼາຍໄດ້ເຂົ້າເຖີງແຫຼ່ງທືນຂອງ ທະນາຄານນະໂຍບາຍ ເພື່ອພັດທະນາຄອບຄົວໃຫ້ມີລາຍຮັບ ເຮັດໃຫ້ຊີວິດການເປັນຢູ່ດີກວ່າເກົ່າ, ຖ້າທຽບໃສໃນເມືອກ່ອນມີຫຼາຍເມືອງ, ຫຼາຍບ້ານ ແລະ ຫຼາຍຂອບຄົວທີ່ໄດ້ຫຼຸດພົ້ນອອກຈາກຄວາມທຸກຍາກ, ປະຈຸບັນຄອບຄົວທຸກຍາກເຫຼືອພຽງ 64.549 ຄອບຄົວຂອງຄອບຄົວທັງໝົດໃນທົ່ວປະເທດ, ບ້ານທຸກຍາກເຫຼືອພຽງ 1.536 ບ້ານ ຂອງຈຳນວນບ້ານທັງໝົດໃນທົ່ວປະເທດ ແລະ ເມືອງທຸກຍາກເຫຼືອພຽງ 23 ເມືອງ, ຄຽງຄູ່ກັນນັ້ນ ເມື່ອມໍ່ໆມານີ້ ທ້າຍປີ 2021 ອົງການສະຫະປະຊາຊາດ ໄດ້ປະກາດ ໃຫ້ ສປປ.ລາວ ເປັນປະເທດ ທີ່ກຳລັງຈະກ່າວ ອອກຈາກສະຖານະພາບ ປະເທດດ້ອຍພັດທະນາເຊີ່ງຈະໃຊ້ເວລາໃນການກະກຽມ 5 ປີ ຕໍ່ໜ້າ (2021-2026) ແລະ ທະນາຄານນະໂຍບາຍ ກໍ່ເປັນສ່ວນໜື່ງໃນການປະກອບສ່ວນດ້ານແຫຼ່ງທືນເຂົ້າໃນການພັດທະນາຊົນນະບົດ, ເປັນຕົ້ນແມ່ນການສະໜອງສີນເຊື່ອເຂົ້າໃນເມືອງເປົ້າໝາຍ, ເຂດຈຸດສຸມລັດຖະບານ-ທ້ອງຖີນ, ບ້ານ 03 ສ້າງ ທີ່ໄດ້ຮັບສີນເຊື່ອຫຼາຍຂື້ນເທື່ອລະກ້າວ.
ນອກຈາກນັ້ນ ຍັງໄດ້ມີການຮ່ວມມືສາກົນ ໂດຍສະເພາະ ແມ່ນ ທະນາຄານນະໂຍບາຍ ສັງຄົມຫຼວຽດນາມ, ຕັ້ງແຕ່ວັນທີ 24 ມິຖຸນາ 2010 ເປັນຕົ້ນມາ, ທະນາຄານ ທັງສອງຝ່າຍໄດ້ເຊັນບົດບັນທືກຄວາມເຂົ້າໃຈທັງ 2 ຝ່າຍ ນຳກັນ 1 ສະບັບ, ເຊັນແຜນການຮ່ວມມືໃນການວາງແຜນຍຸດທະສາດໄລຍະຍາວ 5 ປີ (ແຕ່ປີ 2011-2015) ແລະ (ແຕ່ປີ 2011-2015) ຈຳນວນ 2 ຄັ້ງ, ເຊັນໂຄງການ ຮ່ວມມື 6 ຄັ້ງ, ການເຊັນສັນຍາການຮ່ວມມືກັບສາຂາກັບສາຂາ ທີ່ມີຊາຍແດນຕິດກັນຈຳນວນ 6 ຄັ້ງ, ຈັດກອງປະຊຸມການປະເມີນຜົນການປະຕິບັດຮ່ວມມື 8 ຄັ້ງ, ຈັດຝືກອົບຮົມຮ່ວມກັນທາງດ້ານ ວຽກງາານໄອທີ,ວຽກງານສີນເຊື່ອ ແລະ ວຽກງານ ອື່ນໆ ຈຳນວນ 10 ຄັ້ງ, ເຊີງເປັນການປະກອບສ່ວນໃນການສ້າງສາຍພົວພັນອັນດີງາມລະຫວ່າງ 2 ປະເທດລາວ-ຫວຽດນາມ ເວົ້າສະເພາະ 2 ທະນາຄານ ຕາມນະໂຍບາຍຂອງພັກ-ລັດ.
ເພື່ອເປັນການສືບຕໍ່ ປະຕິບັດໜ້າທີ່ ການເມືອງໃນໄລຍະໃໝ່ ໃນການປະກອບສ່ວນແກ້ໄຂຄວາມທຸກຍາກຂອງປະຊາຊົນ ໃຫ້ມີປະສິດທິຜົນກວ່າເກົ່າ, ສືບຕໍ່ເອົາໃຈໃນການສືກສາອົບຮົບວຽກງານການເມືອງແນວຄິດໃຫ້ພະນັກງານປົກກະຕິ, ສືບຕໍ່ປັບປຸ່ງກົງຈັກການຈັດຕັ້ງ ຢູ່ບັນດາພະແນກ, ສາຂາ, ໜ່ວຍບໍລິການໃຫ້ມີຄວາມເໝາະສົມ ແລະ ເຄື່ອນໄຫວໃຫ້ມີປະສິດທິຜົນກວ່າເກົ່າ,ສືບຕໍ່ປະສານສົມທົບ ທຫລ ຄະນະຮັບຜິດຊອບສ້າງ ດຳລັດວ່າດ້ວຍການຈັດຕັ້ງ ແລະ ການເຄືອນໄຫວຂອງ ທະນາຄານພັດທະນາຊົນນະບົດ ໃນການຮ່າງດຳລັດ ພ້ອມດຽວກັນນັ້ນ ຈະໄດ້ປັບປຸງ ນະໂຍບາຍສີນເຊື່ອ, ຄູ່ມື, ລະບຽບ ແລະ ນິຕິກຳອື່ນໆ. ສືບຕໍ່ ຕິດຕາມ ແລະ ວາງມາດຕະການ ການຈັດຕັ້ງປະຕິບັດ ແຜນງານ-ໂຄງການຂອງ ທະນາຄານນະໂຍບາຍ ໄລຍະ 5 ປີ (2021-2025) ປະກອບມີ 8 ແຜນງານ, 38 ໂຄງການ, 134 ແຜນວຽກ ໃຫ້ສຳເລັດຕາມແຜນການ, ສືບຕໍ່ສະໜອງສີນເຊື່ອ ຕາມແຜນປະຈຳປີ 2022 ພ້ອມທັງຄົ້ນຄວ້າກຳນົດຍຸດທະສາດ ການສະໜອງສີນເຊື່ອຂອງທະນາຄານນະໂຍບາຍໃນໄລຍະໃໝ່, ສືບຕໍ່ເອົາໃຈໃສ່ ການຄຸ້ມຄອງ, ຕິດຕາມ ການບໍລິຫານສີນເຊື່ອ ໃຫ້ໄດ້ຮັບຜົນສຳເລັດ, ສືບຕໍ່ຊຸກຍູ້ ຕິດຕາມ ການນຳໃຊ້ເງີນກູ້ເພື່ອສ້າງໃຫ້ໄດ້ໂຄງການຜົ້ນເດັ່ນ, ຍົກລະດັບວຽກງານການ ໃຫ້ບໍລິການເພື່ອອຳນວຍຄວາມສະດວກ ໃຫ້ປະຊາຊົນ ຢູ່ ເຂດຊົນນະບົດ, ສືບຕໍ່ຕິດຕາມຊຸກຍູ້ແກ້ໄຂປະກົດການຫຍໍ້ທໍ້ຕິດພັນພະນັກງານຂອງບັນດາສາຂາ, ສືບຕໍ່ເອົາໃຈໃສ່ການຈັດຕັ້ງປະຕິບັດມາດຕະການ ສະກັດກັ້ນປ້ອງກັນການແຜ່ລະບາດຂອງ ພະຍາດ COVID-19.
ພິທີໄດ້ປິດລົງຢ່າງເປັນທາງການໃນເວລາ: 11:30 ນາທີ ຂອງວັນດຽວກັນ.
ສາຂາ ຫຼວງນ້ຳທາ, ວັນທີ 1 ກຸມພາ 2022
