ໃນຕອນເຊົ້າວັນສຸກ ທີ 15 ພຶດສະພາ 2020 ເວລາ 08 ໂມງ 30 ນາທີ ຢູ່ທີ່ຫ້ອງປະຊຸມໃຫ່ຍຊັ້ນ III ຫ້ອງການທະນາຄານນະໂຍບາຍ ສາຂາຫົວພັນ ໄດ້ເປີດກອງປະຊຸມສະຫຼຸບການເຄື່ອນໄຫວວຽກງານຮອບດ້ານ ໄຕມາດ I ປະຈຳ 03 ເດືອນ ຕົ້ນປີ 2020 ແລະ ທິດທາງແຜນການໃນຕໍ່ໜ້າຂື້ນ, ພາຍໃຕ້ການເປັນປະທານ ຂອງທ່ານ ທີບພະກອນ ສູນດາລາ ເລຂາໜ່ວຍພັກ ຫົວໜ້າທະນຄານນະໂຍບາຍ ສາຂາຫົວພັນ, ເຂົ້າຮ່ວມກອງປະຊຸມມີທ່ານ ຄຳພັດ ແກ້ວວິໄລ ຮອງເລຂາໜ່ວຍພັກ ຮອງຫົວໜ້າສາຂາ ຜູ້ຊີ້ນຳວຽກງານບັນຊີ-ໄອທີ ແລະ ທ່ານ ຄຳແພງ ຄຳພູວົງ ຮອງຫົວໜ້າສາຂາ ຜູ້ຊີ້ນຳວຽກງານສິນເຊື່ອ ຕະຫຼອດຮອດຄະນະຂະແໜງ, ຄະນະໜ່ວຍບໍລິການ ແລະ ພະນັກງານວິຊາການພາຍໃນຫ້ອງການສາຂາເຂົ້າຮ່ວມທັງໝົດ: 22 ທ່ານ, ຍິງ: 06 ທ່ານ.
ທ່ານ ປະທານກອງປະຊຸມໄດ້ກ່າວເປີດກອງປະຊຸມຢ່າງເປັນທາງການ ແລະ ທ່ານ ສາຍພູຫຼວງ ອຸດົມສຸກ ຫົວໜ້າຂະແໜງຫ້ອງການບໍລິຫານ-ຈັດຕັ້ງ ສາຂາຫົວພັນ ໄດ້ຂື້ນຜ່ານບົດສະຫຼຸບການເຄື່ອນໄຫວຮອບດ້ານໂດຍຫຍໍ້ ໂດຍໄດ້ຍົກໃຫ້ເຫັນດ້ານດີ-ດ້ານອ່ອນ ແລະ ຂໍ້ຄົງຄ້າງ ໄລຍະ 03 ເດືອນ ຕົ້ນປີ 2020 ຜ່ານມາ ແລະ ທິດທາງແຜນການ 03 ເດືອນໃນຕໍ່ໜ້າ, ຕໍ່ກັບບົດສະຫຼຸບຕົວເລກແຜນສິນເຊື່ອໃນປີ 2020, ໂດຍມີໄລຍະສັ້ນ, ໄລຍະກາງ, ໄລຍະຍາວ, ທືນເມືອງເປົ້າໝາຍ, ຈຸດສຸ່ມລັດຖະບານ-ທ້ອງຖິ່ນ ແລະ ບ້ານ 3 ສ້າງ, ທີ່ສາຂາລໍຖ້າແຈ້ງຕອບເປັນທາງການຈາກ ທນບ ສຳນັກງານໃຫຍ່, ນອກຈາກນັ້ນຕົວເລກເຄື່ອນໄຫວເກັບກູ້ໜີ້, ສິນຕົ້ນທືນ: 15,54 ຕື້ກີບ, ປະຕິບັດແຜນງວດ 130,33%(11,92ຕື້ກີບ) ແຜນການປີປະຕິບັດໄດ້: 32,58(47.69ຕື້ກີບ) ທຽບໃສ່ໄລຍະດຽວກັນປີ2019(20,70ຕື້ກີບ) ຫຼຸດລົງ 5,16ຕື້ກີບ, ເທົ້າກັບ: 24,95%, ໄລຍະສັ້ນ 2,094ຕື້ກີບ, ປະຕິບັດແຜນງວດ 69% (3,035 ຕື້ກີບ) ທຽບໃສ່ແຜນປີ: 19,25%(12.14ຕື້ກີບ), ໄລຍະກາງ: 6,084ຕື້ກີບ, ປະຕິບັດໄດ້ 112,25%(5,42ຕື້ກີບ) ທຽບໃສ່ແຜນປີ 28,05%(21,69ຕື້ກີບ), ໄລຍະຍາວ 7,63ຕື້ກີບ, ປະຕິບັດແຜນງວດ: 47,14%(3,47ຕື້ກີບ), ທຽບໃສ່ແຜນປີ 19,25%(13,86ຕື້ກີບ), ໜີ້ປົກກະຕິ: 13,53ຕື້ກີບ, ປະຕິບັດແຜນງວດ: 177%(7,64ຕື້ກີບ), ທຽບໃສ່ແຜນປີ 44,26%(30,57ຕື້ກີບ), ໜີ້ NPL: 2,10ຕື້ກີບ, ປະຕິບັດແຜນງວດ: 46,95%(4,28ຕື້ກີບ) ປະຕິບັດແຜນປີ: 11,74(17,12ຕື້ກີບ) ທຽບໃສ່ໄລຍະດຽວປີ 2019 (2,20ຕື້ກີບ) ຫຼຸດລົງ 196 ລ້ານກີບ, ເທົ້າກັບ 8,87% ຕໍ່ມາກອງປະຊຸມໄດ້ຮັບຟັງ ຜ່ານບົດສະຫຼຸບການຈັດຕັ້ງແຜນທຸລະກິດ ປະຈຳປີ 2019 ແລະ ທິດທາງແຜນການປີ 2020 ຂອງທະນາຄານນະໂຍບາຍ ສຳນັກງານໃຫຍ່ ພ້ອມບົດບັນທຶກກອງປະຊຸມຄະນະບໍລິຫານງານ ປະຈຳປີ 2019 ຂອງທ່ານ ທີບພະກອນ ສູນດາລາ ປະທານກອງປະຊຸມ, ຮັບຟັງການຜ່ານບົດສະຫຼຸບການຈັດຕັ້ງປະຕິບັດວຽກງານກວດກາ, ການປະເມີນສິນເຊື່ອ ແລະ ການເກັບໜີ້ທີ່ບໍ່ເກີດດອກອອກຜົນ NPL ຂອງທ່ານ ຄຳແພງ ຄຳພູວົງ ຮອງຫົວໜ້າສາຂາ ຜູ້ຊື້ນຳວຽກງານສິນເຊື່ອ ແລະ ໄດ້ຮັບຟັງການຜ່ານບົດລາຍງານປະກົດການຫຍໍ້ທໍ້ ທີ່ເກີດຂື້ນຢູ່ ທະນາຄານນະໂຍບາຍ ໂດຍທ່ານ ຄຳຜິວ ອິນທະວົງ ຫົວໜ້າຂະແໜງກວດກາ.
ກອງປະຊຸມໄດ້ແລກປ່ຽນ, ປະກອບຄຳຄິດ-ຄຳເຫັນ ໃສ່ເນື້ອໃນຮ່າງບົດສະຫຼຸບ, ບັນດາຄໍາຖາມເຈາະຈີ້ມ ຂອງທ່ານປະທານ ເພື່ອນຳເອົາເນື້ອໃນດັ່ງກ່າວໄປປັບປຸງແກ້ໄຂ ແລະ ຈັດຕັ້ງປະຕິບັດເຂົ້າໃນວຽກງານວິຊາສະເພາະ ໃນຕໍ່ໜ້າໃຫ້ນັບມື້ນັບດີຂື້ນ.
ອີກເທື່ອນື່ງ ກອງປະຊຸມໄດ້ຮັບຟັງ ການຜ່ານຂໍ້ຕົກລົງປະກາດການຈັດຕັ້ງ ພາຍໃນສາຂາຫົວພັນ ເລກທີ 615, 617, 618, 619, 620, 621 ແລະ 622/ທນບ.ນຈ, ລົງວັນທີ 06 ພຶດສະພາ 2020.
ຕອນທ້າຍ ກອງປະຊຸມໄດ້ຮັບຟັງຄຳໂອ້ລົມ ຈາກທ່ານ ປະທານກອງປະຊຸມ, ໂດຍທ່ານໄດ້ເໜັ້ນໜັກໃຫ້ ແຕ່ລະຂະແໜງການ, ບັນດາໜ່ວຍບໍລິການ ໃຫ້ເອົາໃຈໃສ່ໃນການເຮັດວຽກດ້ານແນວຄິດການເມືອງ ກັບອ້າຍນ້ອງພະນັກງານວິຊາການຄື:
ໃຫ້ຂະແໜງການ ແລະ ໜ່ວຍບໍລິການ ເອົາໃຈໃສ່ໃນການເຮັດວຽກງານແນວຄິດການເມືອງຢ່າງເປັນປົກກະຕິ ເລິກເຊີ່ງ, ທຸກຄົນສາມາດຮູ້ ແລະ ເຊື່ອມຊືມຕໍ່ແນວທາງນະໂຍບາຍຕ່າງໆຂອງຂັ້ນເທີງ, ບັນດາເອກະສານທັງໝົດທີ່ສາຂາສົ່ງໃຫ້ໜ່ວຍບໍລິການ ຕ້ອງໃຫ້ເຂົ້າໃຈໄປໃນທາງດຽວກັນ ບໍ່ໃຫ້ເຮັດວຽກເອົາແນວຄິດຂອງຕົນເອງໄປຄັດກັບລະບຽບ ຖຶວຽກແນວຄິດການເມືອງເປັນວຽກງານທີ່ສຳຄັນ ແລະ ເປັນວຽກຕັດສິນກັບບັນດາວຽກງານຕ່າງໆໂດຍທັງໝົດ, ການປະຕິບັດວຽກງານໃຫ້ທຸກມີຄວາມຮັບຜິດຊອບລວມ, ການປະຕິບັດວຽກງານຜ່ານມາ ຍັງມີຫຼາຍຈຸດທີ່ເຍັງຂາດການປະສານງານ ແລະ ການປະສານງານຍັງບໍ່ທັນກົມກຽວເທື່ອ, ວຽກງານເຄື່ອນໄຫວລົງສູ່ຫາກຖານ ຮຽກຮ້ອງໃຫ້ຄະນະໜ່ວຍບໍລິການ ເອົາໃຈໃສ່ປຸກລະດົມຊຸກຍູ້ຂົນຄ່ອຍລົງສູ່ຫາກຖານເປັນປະຈຳ, ກ່ຽວກັບວຽກງານວິຊາສະເພາະ ບັນດາຂະແໜງການ ແລະ ໜ່ວຍບໍລິການ ສືບຕໍ່ຈັດຕັ້ງປະຕິບັດ ໂດຍສະເພາະບັນດາໜ້າວຽກທີ່ໄດ້ລາຍງານຕໍ່ກອງປະຊຸມຄັ້ງນີ້ ແລະ ຫັນເຂົ້າລະບຽບຕື່ມ ບັນດາມາດຕາການແກ້ໄຂເລກທີ 806 ໃຫ້ທຸກຄົນກຳໃຫ້ໄດ້ ແລະ ນຳໄປຈັດຕັ້ງປະຕິບັດ ບໍ່ໃຫ້ລໍຖ້າຄຳສັ່ງຂອງສາຂາ ການແກ້ໄຂວຽກ ແລະ ກ່ອນຊິຕັດສິນບັນຫາທຸກຄັ້ງ ໃຫ້ໜ່ວຍບໍລິການເຮັດເປັນລາຍລັກອັກສອນ ເພື່ອຂໍທິດຊີ້ນຳຈາກຄະນະສາຂາກ່ອນ, ຄະນະໜ່ວຍບໍລິການຕ້ອງເປັນແບບຢ່າງຂອງຄວາມຮັບຜິດຊອບ ໃນການຊີ້ນຳ-ນຳພາ ມີການກວດກາກັບບັນດາໜ້າວຽກເປັນປົກກະຕິ ໂດຍສະເພາະວຽກງານກວດກາກ່ອນປ່ອຍເງິນກູ້, ວຽກງານຄວາມສາມັກຄີພາຍໃນ ນັບແຕ່ຄະນະສາຂາລົງຮອດພະນັກງານວິຊາການທັງໝົດ ອັນໃດທີ່ບໍ່ສອດຄ່ອງຂໍໃຫ້ທຸກຄົນເປີດໃຈໃສ່ກັນເພື່ອພ້ອມກັນຫາທາງອອກ ບໍ່ໃຫ້ເກັບບັນຫາໄວ້ໃນໃຈ ມີຄວາມຈີງໃຈຕຳໜິຕິຊົມສ່ອງແສງໃຫ້ກັນ ແລະ ກັນແບບປະຊາທິປະໄຕ, ວຽກງານການຕ້ານ ແລະ ສະກັດກັ້ນປະກົດການຫຍໍ້ທໍ້ ນັບແຕ່ປີ 2020 ເປັນຕົ້ນໄປບໍ່ໃຫ້ເກີດຂື້ນຢູ່ໃນຖັນແຖວພະນັກງານ ທນບ ສາຂາຫົວພັນ ໂດຍເດັດຂາດ, ຕັກເຕືອນມາຍັງບັນດາບັນດາຂະແໜງການ ແລະ ທຸກໜ່ວຍບໍລິການພ້ອມກັນມີສະຕິນຳກັນ, ວຽກງານກະກຽມຄວາມພ້ອມໃນການປ່ອຍເງິນກູ້ ໃຫ້ແຕ່ລະໜ່ວຍບໍລິການເອກພາບເປັນມະຕິໃນທີ່ກອງປະຊຸມ ກ່ຽວກັບບັນຫາເຊັນສັນຍາກັບບັນດາໂຄງການຕ່າງໆ ໃຫ້ມີຄວາມລະອຽດເຂັ້ມງວດຂື້ນຕື່ມ ຫຼີກລຽງບັນຫາເຊັນສັນຍາແລ້ວ ເກີດມີລູກຄ້າຈຳນວນນື່ງບໍ່ສາມາດຮັບເງິນກູ້ນຳ ທະນາຄານນະໂຍບາຍພວກເຮົາ, ວຽກງານປົກປັກຮັກສາອະນາໄມລະບົບເອເລັກໂທນິກ ໃຫ້ແຕ່ລະໜ່ວຍບໍລິການເປັນເຈົ້າການ ບໍ່ໃຫ້ລໍຖ້າແຕ່ພະນັກງານໄອທີ ສາຂາ ລົງໄປຈັດຕັ້ງປະຕິບັດ ໜ່ວຍບໍລິການ ສາມາດຈັດຕັ້ງ ແລະ ເຮັດອະນາໄມເອງໄດ້ເລີຍ, ວຽກງານປ້ອງກັນເວນຍາມ ໃຫ້ທຸກໜ່ວຍບໍລິການເອົາໃຈໃສ່ ບໍ່ໃຫ້ເກີດມີບັນຫາຂື້ນພາຍໃນ ສາຂາຫົວພັນ ຕ້ອງມີການຜັນປ່ຽນໃນການເວນຍາມເປັນປົກກະຕິເຂັມງວດ, ເຈົ້າໜ້າທີ່ຕຳຫຼວດຍາມຢູ່ແຕ່ລະໜ່ວຍບໍລິການ ກໍ່ໃຫ້ມາຍາມທາງເວນທາງຄືນໄປພ້ອມໆກັນຕະຫຼອດ 24 ຊົ່ວໂມງ.
ກອງປະຊຸມ ໄດ້ດຳເນີນມາເປັນເວລາ 01 ວັນເຕັມ ແລະ ໄດ້ປິດລົງໃນເວລາ 17 ໂມງ 10 ນາທີ ຂອງວັນດຽວກັນ.
ຂຽນຂ່າວໂດຍ: ທ່ານ ຊົງລີ ຢາລື້ໄຊ
