ຂ່າວ: ກອງປະຊຸມ ສະຫຼຸບການເຄື່ອນໄຫວວຽກງານຮອບດ້ານ ປະຈໍາ 09 ເດືອນ ປີ 2023 ແລະ ທິດທາງແຜນການ 03 ເດືອນ ທ້າຍປີ 2023 ຂອງທະນາຄານນະໂຍບາຍ ສາຂາ ຫົວພັນ

ວັນທີ 06 ຕຸລາ 2023 ເວລາ 8:00 ໂມງ 30 ນາທີ ຢູ່ທີ່ຫ້ອງປະຊຸມໃຫຍ່ຊັ້ນ III ຫ້ອງການ ທະນາຄານນະໂຍບາຍ ສາຂາ ຫົວພັນ ໄດ້ເປີດກອງປະຊຸມ ສະຫຼຸບວຽກງານຮອບດ້ານ ປະຈໍາ 09 ເດືອນ ປີ 2023 ແລະ ທິດທາງແຜນການ 03 ເດືອນທ້າຍປີ 2023 ຂື້ນ, ພາຍໃຕ້ເປັນປະທານ ຂອງທ່ານ ບຸນເຊີຍ ແກ້ວນາຕານ ເລຂາໜ່ວຍພັກ ຫົວໜ້າ ທະນາຄານນະໂຍບາຍ ສາຂາ ຫົວພັນ, ເຂົ້າຮ່ວມກອງປະຊຸມມີ ທ່ານ ຄຳແພງ ຄໍາພູວົງ ຮອງເລຂາໜ່ວຍພັກ ຮອງຫົວໜ້າສາຂາ ຜູ້ຊີ້ນໍາວຽກງານບັນຊີ ເຕັກໂນໂລຊີ ຂໍ້ມູນຂ່າວສານ, ທ່ານ ດາວວອນ ແກ້ວມະນິຈັນ ກຳມະການໜ່ວຍພັກ ຮອງຫົວໜ້າສາຂາ ຜູ້ຊີ້ນໍາວຽກງານສິນເຊື່ອ, ມີຄະນະແຕ່ລະຂະແໜງການ, ຄະນະແຕ່ລະໜ່ວຍບໍລິການ ແລະ ພະນັກງານວິຊາການ ພາຍໃນຫ້ອງການ ສາຂາ ເຂົ້າຮ່ວມລວມທັງໝົດ 28 ທ່ານ, ຍິງ 08 ທ່ານ.
ພາຍຫຼັງທ່ານ ປະທານກອງປະຊຸມໄດ້ກ່າວເປີດກອງປະຊຸມຢ່າງເປັນທາງການແລ້ວ ກອງປະຊຸມໄດ້ຮັບຟັງການຜ່ານຮ່າງບົດສະຫຼຸບການເຄື່ອນໄຫວວຽກງານຮອບດ້ານ ປະຈຳ 09 ເດືອນປີ 2023 ແລະ ທິດທາງແຜນການສູ້ຊົນ ປະຈໍາ 03 ເດືອນ ປີ 2023 ໂດຍຫຍໍ້ ເຊີ່ງເນື້ອໃນບົດສະຫຼຸບ 09 ເດືອນ ປີ 2023 ໄດ້ຍົກໃຫ້ດ້ານພົ້ນເດັ່ນຕົວເລກແຜນສິ່ນເຊື່ອ ຂອງ ສາຂາ ຫົວພັນ ໃນ ປີ 2023 ມີທັງໝົດ 46,75 ຕື້ກີບ, ປະຕິບັດປ່ອຍສິນເຊື່ອຮອດ 09 ເດືອນ ໄດ້ທັງໝົດ: 45,39 ຕື້ກີບ ເທົ້າກັບ 97 %, ແຜນເກັບກູ້ໜີ້ປົກກະຕິ 27, 41 ຕື້ກກີບ, ປະຕິບັດໄດ້ທັງໝົດ 28, 07 ຕື້ກີບ ເທົ້າກັບ 102 %, ແຜນເກັບກູ້ໜີ້ NPL 3,7 ຕື້ກີບ, ປະຕິບັດໄດ້ທັງໝົດ: 10,51 ຕື້ກີບ ເທົ້າກັບ 278 %, ໜີ້NPL 2020 ຄືນຫຼັງ ຕາມເລກທີ 37 ທີ່ມອບມີທັງໝົດ: 13,17 ຕື້ກີບ, ປະຕິບັດເກັບໄດ້ທັງໝົດ 3,26 ຕື້ກີບ ການເຄື່ອນໄຫວເດັ່ນກ່ວາໝູ່ມີ ເມືອງ ຊໍາເໜືອ, ເມືອງ ຊຽງຄໍ້ ແລະ ເມືອງຊ່ອນ, ດ້ານລາຍຮັບປະຕິບັດທົ່ວສາຂາ ໄດ້ທັງໝົດ: 28,25 ຕື້ກີບ ເທົ້າກັບ 71,97 %, ດ້ານລາຍຈ່າຍ ປະຕິບັດທົ່ວສາຂາ ໄດ້ທັງໝົດ: 36,94 ຕື້ກີບ ເທົ້າກັບ 92,36 %, ດ້ານກໍາໄລຂາດທືນປະຕິບັດໄດ້ທັງໝົດ 8,66 ເທົ້າກັບ 1,166 %, ວຽກງານຈັດຕັ້ງຂໍ້ແຂ່ງຂັນຍ້ອງຍໍ 09 ເດືອນ ປີ 2023 ມີຍອດສິນເຊື່ອເພີ່ມຂື້ນ 5 % ບັນລຸໄດ້ 05 ໜ່ວຍບໍລິການ ເມືອງ ຮ້ຽມ, ເມືອງ ກັວນ, ເມືອງ ຫົວເມືອງ, ເມືອງ ຊໍາໃຕ້ ແລະ ເມືອງ ຊຽງຄໍ້, ເກັບດອກເບ້ຍເກີດຂື້ນ 80 % ບັນລຸໄດ້ 07 ໜ່ວຍບໍລິການ ເມືອງ ກັວນ, ເມືອງ ຊໍາໃຕ້, ເມືອງ ຊ່ອນ, ເມືອງ ຫົວເມືອງ, ເມືອງແອດ, ເມືອງ ຊຽງຄໍ້ ແລະ ເມືອງ ຮ້ຽມ, ເກັບດອກເບ້ຍຄ້າງຮັບ 30 % ບັນລຸໄດ້ 03 ໜ່ວຍບໍລິການ ເມືອງ ຮ້ຽມ, ເມືອງ ຫົວເມືອງ ແລະ ເມືອງ ຊໍາໃຕ້, ເກັບໜີ້ NPL 30 % ບັນລຸໄດ້ 05 ໜ່ວຍບໍລິການ ເມືອງ ຮ້ຽມ, ຫົວເມືອງ, ເມືອງ ແອດ, ເມືອງ ຊໍາໃຕ້ ແລະ ເມືອງ ຊ່ອນ, ເກັບໜີ້ຄົບສັນຍາ 2023 90% ບັນລຸໄດ້ 01 ໜ່ວຍບໍລິການ ເມືອງ ກັວນ, ຄອບຄົວຕົວແບບ ມີ 05 ໜ່ວຍບໍລິການ ເມືອງ ຮ້ຽມ, ເມືອງ ຫົວເມືອງ, ເມືອງຊໍາໃຕ້, ເມືອງ ກັວນ ແລະ ຊ່ອນ ນອກຈາກດ້ານດີຍັງມີບາງດ້ານຂໍ້ຄົງຄ້າງທີ່ຕ້ອງໄດ້ເອົາໃຈໃສ່ ເຊີ່ງຍັງພະນັກງານຈໍານວນນື່ງ ຄວາມຮັບຮູ້ຕໍ່ແນວງທາງນະໂຍບາຍຂອງພັກ-ລັດບໍ່ທັນເລິກເຊີ່ງ, ການເຄື່ອນໄຫວສ້າງລາຍຮັບຄຸ້ມກັບລາຍຈ່າຍເຮັດບໍ່ທັນໄດ້ດີ ພາໃຫ້ຂາດທືນສະສົມຕໍ່ເນື່ອງ, ວຽກງານການຂະຫຍາຍສິນເຊື່ອຍັງມີຫຼັກສະນະຈໍາກັດບໍ່ທັນສະພາບການ ແລະ ປະສິດທິຜົນບໍ່ທັນສູງດີ ວາລະຕໍ່ມາກອງປະຊຸມໄດ້ໃຫ້ແຕ່ລະໜ່ວຍບໍລີການ ແລະ ແຕ່ລະຂະແໜງການ ພ້ອມທັງຄະນະສາຂາມີຄໍາເຫັນແລກປ່ຽນບົດຮຽນ ເພື່ອພ້ອມກັນນໍາເອົາແນວທາງໄປແກ້ໄຂ ບາງວຽກງານວິຊາສະເພາະທີ່ຍັງບໍ່ທັນສໍາເລັດໃນ 03 ເດືອນທ້າຍປີ 2023 ໃຫ້ບັນລຸຕາມລະດັບຄາດໝາຍ.
ຕອນທ້າຍທ່ານ ປະທານກອງປະຊຸມມີຄຳເຫັນໂອ້ລົມ ແລະ ຊີ້ນໍາ ຕໍ່ກອງປະຊຸມຄື:
1, ການປະຕິບັດແຜນແກ້ໄຂຕ່າງໆໃຫ້ສູງກວ່າເກົ່າ ເພາະການເຄື່ອນໄຫວປະຕິບັດແຜນ ຍັງມີບາງວຽກງານໄລຍະຜ່ານມາບໍ່ທັນເຮັດສໍາເລັດໄດ້ດີ ໃຫ້ເພີ່ມຄວາມເອົາໃຈໃສ່ສູງກ່ວາເກົ່າເພື່ອບັນດາໜ້າວຽກຕ່າງໆ ໃນ 03 ເດືອນທ້າຍປີ 2023 ບັນລຸຕາມລະດັບຄາດໝາຍ.
2, ແຕ່ລະໜ່ວຍບໍລິການມີແບບແຜນວິທີເຮັດວຽກຢ່າງຈີງຈັງລະອຽດ ການແກ້ໄຂວຽກງານຕ່າງໆ ຕ້ອງເຮັດໃຫ້ສຸດຄວາມສາມາດຂອງໜ່ວຍກ່ອນ ຈີ່ງນໍາສະເໜີສາຂາລົງຊ່ວຍໃນການແກ້ໄຂຕໍ່.
3, ໃຫ້ເອົາໃຈໃສ່ພົວພັນກັບຄະນະກໍາມະການແກ້ໄຂໜີ້ສິນຂອງເມືອງ ຕາມຂັ້ນຕອນແຈ້ງການເລກທີ 37 ຢ່າງເຂັ້ມງວດ.
4, ການສ້ອມແປງພາຫະນະ, ວັດຖຸເຕັກນິກຕ່າງໆ ຕ້ອງມີການຂື້ນແຜນຄິດໄລ່ອອກແບບຢ່າງລະອຽດ ແລະ ມີເອກະສານຄັດຕິດຕາມຂັ້ນຕອນຢ່າງຈະແຈ້ງ.
5,ເອົາໃຈໃສ່ສຶກສາອົບຮົມວຽກງານການເມືອງ-ແນວຄິດ ໃຫ້ມີຄວາມເລິກເຊີ່ງຕື່ມ, ພະນັກງານຕ້ອງມີແນວຄິດທັດສະນະຫຼັກໝັ້ນຢ່າງໜັກແໜ້ນ.
6, ເອົາໃຈໃສ່ຕິດຕາມ ແລະ ເກັບດອກເບ້ຍເງິນກູ້ ໃຫ້ໄດ້ຕາມເປົ້າໝາຍວາງໄວ້, ເລັ່ງໃນການປ່ອຍເງິນກູ້ ແລະ ເກັບໜີ້ໃຫ້ໄດ້ຫຼາຍ.
7, ວຽກງານການໂອນໜີ້ຕິດຕາມນອກຝັ່ງ ໃຫ້ຮິບຮ້ອນສັງລວມ, ຂໍ້ມູນຕົວເລກໜີ້ຕ້ອງຖຶກກຕ້ອງຊັດເຈນ ການສັງລວມໃຫ້ສັງລວມເປັນແຕ່ລະໄລຍະຖືກຕ້ອງຕາມນິຕິກໍາ ຫຼັງໂອງໜີ້ໄປແລ້ວ ຕ້ອງສັງລວມລາຍງານຄະນະສາຂາຮັບຊາບເປັນແຕ່ລະໄລຍະ, ການກວດກາໜີ້ເງິນກູ້ ຫຼື ການນໍາໃຊ້ເງິນກູ້ ຕ້ອງມີຄວາມຊັດເຈນຖືກຕ້ອງຕາມຄວາມເປັນຈີງ, ຫ້າມພະນັກງານສັງລວມແບບຕົ່ວະຕົວເອງ, ບັນດາວຽກງານປິ່ນອ້ອມ ຫ້ອງການ, ກວດກາ ແລະ ບັນຊີ ໃຫ້ສືບຕໍ່ເຄື່ອນໄຫວຕາມພາລະບົດບາດ, ທິດຊີ້ນໍາຢູ່ໃນຂະແໜງຂອງຕົນ.
ກອງປະຊຸມໄດ້ດຳເນີນມາເປັນເວລາ 01 ມື້ ແລະ ໄດ້ປິດຈົບລົງໃນເວລາ 16 ໂມງ 30 ນາທີ ຂອງວັນດຽວກັນ.