ຕອນເຊົ້າ ຂອງມື້ວັນທີ 18 ຕຸລາ 2023 ເວລາ 11 ໂມງ 45 ນາທີ ຢູ່ທີ່ຫ້ອງປະຊຸມໃຫຍ່ ຊັ້ນ III ຫ້ອງການ ທນບ ສາຂາ ຫົວພັນ ໄດ້ເປີດກອງປະຊຸມປະເມີນຕໍາແໜ່ງຜູ້ບໍລິຫານ ຂອງ
ພະນັກງານ ທະນາຄານນະໂຍບາຍ ສາຂາ ຫົວພັນ ຂື້ນ ພາຍໃຕ້ການເປັນປະທານ ຂອງທ່ານ ສຸພົດ ໂຊກປະຫວັດ ກໍາມະການຄະນະພັກຮາກຖານ ຮອງຜູ້ອຳນວຍການ ທະນາຄານນະໂຍບາຍ ເຂົ້້າຮ່ວມກອງປະຊຸມມີ ທ່ານ ບຸນເຊີຍ ແກ້ວນາຕານ ຫົວໜ້າ ທນບ ສາຂາ ຫົວພັນ, ຄະນະແຕ່ລະພະແນກການກ່ຽວຂ້ອງທີ່ມາຈາກ ສໍານັກງານໃຫຍ່, ຄະນະສາຂາ, ຄະນະຂະແໜງ, ຄະນະໜ່ວຍບໍລິການ, ພະນັກງານວິຊາການ ພາຍໃນສໍານັກງານຫ້ອງການສາຂາ ແລະ 4 ໜ່ວຍບໍລິການໃກ້ຄຽງຄື ເມືອງ ວຽງໄຊ, ເມືອງ ຫົວເມືອງ, ເມືອງ ຊຽງຄໍ້ ເຂົ້າຮ່ວມລວມຄັ້ງນີ້ 47 ທ່ານ, ຍິງ 16 ທ່ານ.
ຫຼັງທ່ານ ປະທານໄດ້ກ່າວຈຸດປະສົງ ແລະ ກ່າວເປີດກອງປະຊຸມຢ່າງເປັນທາງການແລ້ວ ກອງປະຊຸມໄດ້ຮັບຟັງທ່ານ ບຸນເຊີຍ ແກ້ວນາຕານ ຫົວໜ້າ ທະນາຄານນະໂຍບາຍ ສາຂາ ຫົວພັນ ຜ່ານບົດສະຫຼຸບຮອບດ້ານໂດຍຫຍໍ້ ໃນການປະຕິບັດໜ້າທີ່ວຽກງານໄລຍະ 09 ເດືອນ ປີ 2023 ແລະ ວາງທິດທາງແຜນການຕໍ່ໜ້າ.
ຕໍ່ມາໄດ້ຮັບຟັງທ່ານ ພົງປະເສີດ ຄໍາລືຊາ ຫົວໜ້າພະແນກຫ້ອງການ ຜ່ານຮ່າງປະເມີນສໍາລັບບຸກຄົນ ແລະ ຄຸນສົມບັດມາດຖານເງື່ອນໄຂຕ່າງໆ ໃນການປະເມີນຕໍາແໜ່ງຜູ້ບໍລິຫານຂັ້ນຕ່າງໆ ຂອງພະນັກງານ 
ທະນາຄານນະໂຍບາຍ ທົ່ວລະບົບ ພ້ອມຢາຍບັດທາບທາມຄວາມໄວ້ວາງໃຈ ຂອງຕໍາແໜ່ງຜູ້ບໍລິຫານພະນັກງານ ໃຫ້ຜູ້ເຂົ້າຮ່ວມກອງປະຊຸມເຮັດວຽກງານການປະເມີນທາບທາມໄປພ້ອມໆກັນ ແລະ ການປະເມີນທາບທາມຄວາມໄວ້ວາງໃຈ ຕໍາແໜ່ງຜູ້ບໍລິຫານ ຄັ້ງນີ້ໄດ້ດໍາເນີນໄປໃນທົ່ວລະບົບ ທະນຄານນະໂຍບາຍ.
ກອງປະຊຸມໄດ້ຮັບຟັງ ທ່ານ ສຸພົດ ໂຊກປະຫວັດ ຮອງຜູ້ອຳນວຍການ ທະນາຄານນະໂຍບາຍ ມີຄຳເຫັນສະຫຼຸບຕໍ່ກອງປະຊຸມທາບທາມຄວາມໄວ້ວາງໃຈ ຕໍາແໜ່ງຜູ້ບໍລິຫານ ເຊີ່ງທ່ານໄດ້ໃຫ້ຄວາມຍ້ອງຍໍຊົມເຊີຍຕໍ່ບົດສະຫຼູບທີ່ໄດ້ຍົກໃຫ້ເຫັນບັນດາໜ້າວຽກດ້ານດີ ໂດຍສະເພາະການປະຕິບັດໜ້າທີ່ວຽກງານຕາມພາລະບົດບາດ ແລະ ໜ້າທີ່ວຽກງານທີ່ຂັ້ນເທີງໄດ້ມອບໝາຍໃຫ້ ທີ່ ທນບ ສາຂາ ຫົວພັນ ລ້ວນແລ້ວສາມາດຍາດມາໄດ້ຢູ່ໃນລະດັບທີ່ດີ ຂອງການປະຕິບັດໄລຍະຜ່ານມາຫຼາຍໆດ້ານ ຄຽງຄູ່ດ້ານດີ ແຕ່ຍັງມີບາງດ້ານທີ່ຍັງຄົງຄ້າງ ແລະ ຈະຕ້ອງໄດ້ປັບປຸງຄື: ໃນການປະຕິບັດວຽກງານ ຂອງຄວາມຮັບຜິດຊອບແຕ່ລະຕໍາແໜ່ງງານ ໃນໄລຍະຜ່ານມາ ຍັງມີແນວຄິດຈົ່ງຈຽມ, ບໍ່ກ້າສະແດງອອກໃນການໃຫ້ຄໍາຕໍານິສົ່ງຂ່າວເຊີ່ງກັນ ແລະ ກັນ, ວຽກງານພັກພະນັກງານ ຍັງເຫັນມີບາງວຽກງານຄວາມຮັບຜິດຊອບຂອງຕົນເອງ ຍັງເກີດໂຍນຄວາມຜິດໃຫ້ກັນໄປມາຢູ່ ເຮັດໃຫ້ການປະຕິບັດວຽກງານຍັງມີບາງດ້ານບໍ່ໄປຕາມແຜນທີ່ກໍານົດ ຍັງມີແນວຄິດປະຕິບັດແບບດັ່ງເດີມ, ການປັບປຸງຕ່າງໆຂອງພະນັກງານຍັງໃຊ້ຊ່ອງຫວ່າງ ແລະ ສຸດທ້າຍ ທ່ານມີຄໍາເຫັນເນັ້ນໜັກຕໍ່ກອງປະຊຸມຄື.
- ໃຫ້ເອົາໃຈໃສ່ເຮັດວຽກງານ ການສຶກສາອົບຮົມການເມືອງແນວຄິດນີ້ ເປັນວຽກງານທີ່ສໍາຄັນ ແລະ ຫຼິກລຽງບໍ່ໄດ້ ແລະ ປັບປຸງແບບໃໝ່ໃຫ້ແທກເຖິ່ງເປົ້າໝາຍ ແລະ ຕ້ອງເປັນເອກະພາບໄປໃນທິດທາງລວງດຽວກັນ.
- ໃຫ້ປັບປຸງແບບແຜນວິທີເຮັດວຽກແບບດັ່ງເດີມ ເພື່ອຮັບຮອງການຫັ້ນປ່ຽນເປັນ ທະນາຄານພັດທະນາຊົນນະບົດໃຫ້ມີຄວາມເຂັ້ມແຂງຍີ່ງຂື້ນ.
- ໃຫ້ຫັ້ນປ່ຽນແບບແຜນການນໍາພາ-ແບບແຜນວິທີເຮັດວຽກ ພ້ອມກັນນໍາເອົາບັນດາແຜນວຽກການນໍາພາ ມາປຶກສາຫາລື ເພື່ອວາງແຜນອັນລະອຽດ ແລະ ໃຫ້ມີຄວາມເຂັ້ນງວດສູງຂື້ນກ່ວາເກົ່າ.
- ໃຫ້ເອົາໃຈໃສ່ຍົກສູງຄວາມຮັບຜິດຊອບ ຂອງແຕ່ລະຂັ້ນການນໍາພາ ໃຫ້ມີຜົນສໍາເລັດລ້ອນໜ້າທີ ມີຄວາມເຂັ້ມແຂງ ສາມາດກໍາສະພາບວຽກງານຢູ່ໃນແຕ່ລະຂັ້ນຢ່າງລະອຽດຄົບຖ້ວນ ການປະຕິບັດວຽກມີບັນຫາໃດຕັດສິນບໍ່ໄດ້ ຕ້ອງນໍາມາປຶກສາຫາລືກັນ ນໍາສະເໜີຕໍ່ຂັ້ນເທີງ ເພື່ອໃຫ້ທິດໃນການແກ້ໄຂ.
- ຄະນະນໍາຂັ້ນຕ່າງໆ ໃຫ້ເອົາໃຈໃສ່ໃນດ້ານຄວາມສາມັກຄີ ການປະຕິບັດວຽກງານໃຫ້ເປັນທີມດຽວກັນ ຄວາມສາມັກຄີເປັນວຽກງານໜື່ງທີ່ສໍາຄັນ ການຕັດສິນທຸກບັນຫາໜ້າທີ່ວຽກງານບໍ່ໃຫ້ຫງ່ຽງຊ້າຍ-ຫງ່ຽຂວາ ໃຫ້ຢືນຢູ່ເປັນກາງແລະ ເອກະພາບກັນ ຫ້າມເດັດຂາດສ້າງກຸ່ມ-ສ້າງກ້ອນ.
- ໃຫ້ເອົາໃຈໃສ່ຕໍ່ກັບວຽກງານພັກພະນັກງານ ວາງ ແລະ ຈັດສັນພະນັກງານໃຫ້ແທດເໝາະກັບແຕ່ລະໜ້າທີ່ ສະພາບວຽກງານຕົວຈີງໃຫ້ມີຄວາມຄ່ອງແຄ້ວວ່ອງໄວ ການປະຕິບັດໜ້າທີ່ວຽກງານມີຜົນສໍາເລັດດີ ບໍ່ໃຫ້ເກີດມີຄວາມຄິດຖໍ້ຖ່ອຍກັບພະນັກງານ.
- ວຽກງານການບໍລິການ ຕ້ອງເອົາໃຈໃສ່ກໍາໃຫ້ມັນໄດ້ລະບຽບຫຼັກການ ການປະຕິບັດວຽກງານການບໍລິການຈີ່ງມີຜົນສໍາເລັດວ່ອງໄວ.
- ວຽກງານກົນໄກການຄຸ້ມຄອງ, ການຕິດຕາມກວດກາ ບໍ່ໃຫ້ຖືເບົາ ຕ້ອງໄດ້ເອົາໃຈໃສ່ເຮັດວຽກງານກວດກາເບີ່ງຄືນໃຫ້ມັນເຖິ່ງ ແລະ ຕ້ອງໄດ້ຮ່ວມກັນເພື່ອສ້າງຄວາມເຂັ້ມແຂ່ງ.
ກອງປະຊຸມໄດ້ປິດລົງຢ່າງເປັນທາງການໃນເວລາ: 01 ໂມງ 35 ນາທີ ຂອງວັນດຽວກັນ.
ຂ່າວຈາກ ທນບ ສາຂາ ຫົວພັນ ວັນທີ 26 ຕຸລາ 2023
