ໃນເວລາ 8:00 ໂມງເຊົ້າ ຂອງວັນທີ 20 ພຶດສະພາ 2020 ຢູ່ທີ່ຫ້ອງປະຊຸມໃຫຍ່ຊັ້ນ 3 ທະນະຄານນະໂຍບາຍ ສາຂາຫຼວງນ້ຳທາ ໄດ້ເປີດກອງປະຊຸມໃຫ່ຍຄັ້ງທີ II ຂອງໜວ່ຍພັກທະນາຄານນະໂຍບາຍ ສາຂາຫຼວງນໍ້າທາ ຂື້ນ ພາຍໃຕ້ການເປັນປະທານ ສະຫາຍ ສົມເພັດ ມ້າວມະລາ ເລຂາໜ່ວຍພັກ ຫົວໜ້າທະນາຄານນະໂຍບາຍ ສາຂາຫຼວງນໍ້າທາ, ໃຫ້ກຽດເຂົ້າຮ່ວມໂດຍ ສະຫາຍ ຄໍາຟອງ ອີນມະນີ ກຳມະການປະຈໍາພັກແຂວງ ປະທານກວດກາພັກ ຫົວໜ້າອົງການກວດກາລັດຂັ້ນແຂວງ, ມີ ສະຫາຍ ໂພຕະມີ ພຸດທະວົງ ເລຂາຄະນະພັກຮາກຖານ ຫົວໜ້າທະນາຄານແຫ່ງ ສປປ ລາວ ສາຂາພາກເໜືອແຂວງອຸດົມໄຊ, ມີບັນດາສະຫາຍຕາງໜ້າ 3 ອົງຈັດຕັ້ງພັກ, ມີແຂກຖືກເຊີນມາຈາກໜວ່ຍອອ້ມຂ້າງຂົງເຂດທະນາຄານຄື: ທະນາຄານສົ່ງເສີມກະສິກໍາ, ທະນາຄານການຄ້າຕ່າງປະເທດລາວ, ທະນາຄານພັດທະນາລາວ ຕາງໜ້າ 3 ອົງການຈັດຕັ້ງມະຫາຊົນທີ່ຂື້ນກັບ ທນບ ແລະ ສະມາຊີກພັກສົມບູນ 16 ສະຫາຍ ຍິງ 7 ສະຫາຍ ກໍ່ໄດ້ເຂົ້າຮ່ວມຢ່າງພ້ອມພຽງ.
ກອງປະຊຸມ ສະຫາຍ ສີຟອງ ແກ້ວກົງຕາ ຮອງເລຂາໜ່ວຍພັກ ຮອງຫົວໜ້າທະນາຄານນະໂຍບາຍ ສາຂາຫຼວງນໍ້າທາ, ໄດ້ຜ່ານຮ່າງບົດລາຍງານການເມືອງ ແລະ ທິດທາງແຜນການ 5 ປີ ຕໍ່ໜ້າ ແຕ່ປີ 2020 ຫາ 2024 ເຊິ່ງໃນນັ້ນໄດ້ຕີລາຄາດ້ານດີ, ດ້ານອ່ອນ-ຂໍ້ຄົງຄ້າງ, ສາເຫດ ແລະ ບົດຮຽນທີ່ຖອດຖອນໄດ້ຕະຫຼອດການເຄື່ອນໄຫວວຽກງານ 5 ປີຜ່ານມາ ແລະ ກອງປະຊຸມໄດ້ຮັບຟັງການຜ່ານບົດສຳຫຼວດນຳພາລວມ ຜູ້ແທນກອງປະຊຸມກໍ່ໄດ້ຄົ້ນຄວ້າປະກອບຄຳຄິດ, ຄຳເຫັນ ແລະ ເຫັນດີຮັບຮອງເອົາຢ່າງເປັນເອກະສັນ.
ກອງປະຊຸມຍັງໄດ້ຄັດເລືອກເອົາຄະນະພັກຊຸດໃໝ່ ເພື່ອສືບຕໍ່ໃນການຊີ້ນຳ-ນຳພາ ເຊີ່ງມີຜູ້ສະໝັກ 5 ສະຫາຍ ເລືອກເອົາ 3 ສະຫາຍ ເຊີ່ງຜົນການປ່ອນບັດໄດ້ດັ່ງນີ້:
- ສະຫາຍ ສີຟອງ ແກ້ວກົງຕາ ເປັນເລຂາໜວ່ຍພັກ.
- ສະຫາຍ ໄພວັນ ໄຊຍະວົງ ເປັນ ຮອງເລຂາໜວ່ຍພັກ ປະທານກວດກາພັກ.
- ສະຫາຍ ນ ພອນທີບ ກາຫວັນ ເປັນກຳມະການ.
ກອງປະຊຸມຍັງໄດ້ເລືອກຜູ້ແທນເຂົ້າຮວ່ມກອງປະຊຸມໃຫຍ່ຄັ້ງທີ VIII ຂອງອົງຄະນະພັກແຂວງຫຼວງນ້ຳທາ 2 ສະຫາຍ ຄື:
- ສະຫາຍ ສີຟອງ ແກ້ວກົງຕາ ເປັນຜູ້ແທນສົມບູນ.
- ສະຫາຍ ນ ພອນທີບ ກາຫວັນ ເປັນຜູ້ແທນສຳຮອງ.
ຕອນທ້າຍກອງປະຊຸມຍັງໄດ້ຮັບຟັງການໂອ້ລົມຂອງ ສະຫາຍ ຄຳຟອງ ອີນມະນີ ກຳມະການປະຈໍາພັກແຂວງ ປະທານກວດກາພັກ ຫົວໜ້າອົງການກວດກາລັດຂັ້ນແຂວງ ສະຫາຍ ໄດ້ຕີລາຄາຢ່າງພາວະວິໄສ ຕໍ່ກັບດ້ານດີ-ຜົນງານທີ່ຍາດມາໄດ້ ແລະ ໄດ້ສະແດງຍ້ອງຍໍຊົມເຊີຍຕໍ່ການຊີ້ນຳ-ນຳພາ ຂອງຄະນະໜວ່ຍພັກ, ສະມາຊີກ ທີຍາດໄດ້ຜົນສຳເລັດຫຼາຍດ້ານ ພ້ອມກັນນັ້ນ ສະຫາຍຍັງຮຽກຮ້ອງຄະນະພັກຊຸດໃໝ່ຈະຕ້ອງໄດ້ສືບຕໍ່ເສີມຂະຫຍາຍດ້ານດີ, ປັບປຸງແກ້ໄຂດ້ານອ່ອນ-ຂໍ້ຄົງຄ້າງ ໃນຕໍ່ໜ້າໃຫ້ໄດ້ຮັບຜົນສຳເລັດ ແລະ ຍີ່ງໃຫຍ່ກວ່າເກົ່າ. ກອງປະຊຸມໄດ້ປິດລົງເວລາ 11:30 ນາທີ.
ຂຽນຂ່າວໂດຍ: ທ່ານ ມີຢ່າງ ແສນໄຊ
