ໃນຊ່ວງວັນທີ 14-16 ຕຸລາ 2025, ທາງຄະນະທີມງານທ່ານຮອງຜູ້ອໍານວຍການ ແລະ ທີມງານ ທນບ ສາຂາຫຼວງພະບາງໄດ້ເດີນທາງໄປໜ່ວຍບໍລິການເມືອງ ໄຊຍະບູລີ ແລະ ໜ່ວຍບໍລິການເມືອງ ໂພນໄຊ ເພື່ອໄປເຄື່ອນໄຫວຊຸກຍູ້ວຽກງານບັນຊີ ການເງິນ-ເຕັກໂນໂລຊີ ຂໍ້ມູນຂ່າວສານ.
ຄັ້ງວັນທີ 14 ຕຸລາ 2025 ເວລາ 13:30 ໄດ້ເຄື່ອນໄຫວເຮັດວຽກຢູ່ໜ່ວຍບໍລິການເມືອງ ໄຊຍະບູລີ ເຊີ່ງຫົວໜ້າໜ່ວຍບໍລິການເມືອງ ໄຊຍະບູລີ ໄດ້ຂື້ນລາຍງານສະພາບການເຄື່ອນໄຫວວຽກງານໃນໄລຍະຜ່ານມາ ແລະ ທິດທາງແຜນການໃນຕໍ່ໜ້າ ຂອງໜ່ວຍບໍລິການ ເມືອງ ໄຊຍະບູລີ, ການຈັດຕັ້ງປະຕິບັດວຽກງານຜ່ານມາຂອງໜ່ວຍບໍລິການເຫັນວ່າມີອັນພົ້ນເດັ່ນ ແລະ ມີຜົນສໍາເລັດຫຼາຍດ້ານ. ຈາກນັ້ນທ່ານປະທານມີຄໍາເຫັນຊີ້ນໍາໃຫ້; ຄະນະພະແນກ, ຫົວໜ້າສາຂາ, ຄະນະຂະແໜງ ແລະ ບັນດາໜ່ວຍບໍລິການໄດ້ແລກປ່ຽນບົດຮຽນຕົວຈິງຮ່ວມກັນ ໂດຍສະເພາະວຽກງານບັນຊີການເງິນ-ເຕັກໂນໂລຊີ ຂໍ້ມູນຂ່າວສານ.
ຫຼັງຈາກນັ້ນ; ວັນທີ 15 ຕຸລາ 2025 ທາງທີມງານໄດ້ເດີນທາງຈາກໜ່ວຍບໍລິການເມືອງ ໄຊຍະບູລີ ໄປຫາ ໜ່ວຍບໍລິການເມືອງ ໂພນໄຊ; ເວລາ 13:30 ໄດ້ເຄື່ອນໄຫວເຮັດວຽກຢູ່ໜ່ວຍບໍລິການເມືອງ ໂພນໄຊ ເຊີ່ງຫົວໜ້າໜ່ວຍບໍລິການເມືອງ ໂພນໄຊ ໄດ້ຂື້ນລາຍງານສະພາບການເຄື່ອນໄຫວວຽກງານໃນໄລຍະຜ່ານມາ ແລະ ທິດທາງແຜນການໃນຕໍ່ໜ້າ ຂອງໜ່ວຍບໍລິການ ເມືອງ ໂພນໄຊ, ການຈັດຕັ້ງປະຕິບັດວຽກງານຜ່ານມາຂອງໜ່ວຍບໍລິການເຫັນວ່າມີອັນພົ້ນເດັ່ນ ແລະ ມີຜົນສໍາເລັດຫຼາຍດ້ານ. ຈາກນັ້ນທ່ານປະທານມີຄໍາເຫັນຊີ້ນໍາໃຫ້; ຄະນະພະແນກ, ຫົວໜ້າສາຂາ. ຄະນະຂະແໜງ ແລະ ບັນດາໜ່ວຍບໍລິການໄດ້ແລກປ່ຽນບົດຮຽນຕົວຈິງຮ່ວມກັນ ໂດຍສະເພາະວຽກງານບັນຊີການເງິນ-ເຕັກໂນໂລຊີ ຂໍ້ມູນຂ່າວສານ; ຫຼັງຈາກນັ້ນວັນທີ 16 ຕຸລາ 2025 ທາງທີມງານໄດ້ເດີນທາງກັບນະຄອນ ຫຼວງພະບາງ.
ໃນຊ່ວງລົງເຄື່ອນໄຫວວຽກງານບັນຊີ ການເງິນ-ເຕັກໂນໂລຊີ ຂໍ້ມູນຂ່າວສານຢູ່ 02 ໜ່ວຍ
ບໍລິການນີ້; ທ່ານປະທານ ໄດ້ມີຄໍາເຫັນເນັ້ນໜັກ ແລະ ທິດຊີ້ນໍາການຈັດຕັ້ງປະຕິບັດວຽກງານ
ໃນຕໍ່ໜ້າດັ່ງນີ້:
- ໃຫ້ເອົາໃຈໃສ່ສຶກສາອົບຮົມວຽກງານການເມືອງ-ແນວຄິດ ໃຫ້ພະນັກງານເປັນປົກກະຕິ.
– ໃນຊ່ວງໄລຍະກຽມຂ້າມຜ່ານຄະນະໜ່ວຍບໍລິການຕ້ອງເຕົ້າໂຮມຄວາມສາມັກຄີເປັນປຶກແຜ່ນແໜ້ນ
ໜາສືບຕໍ່ປະຕິບັດແກ້ໄຂວຽກໃຫ້ດີຂຶ້ນກວ່າເກົ່າ.
- ຕໍ່ກັບບັນຫາການເປີດໄອດີຂອງລູກຄ້າທີ່ບໍ່ມີນາມສະກຸນ ຫຼື ບັນຫາອື່ນໆເຊັ່ນ: ການຂຽນໃບມອບເປັນ
ກຸ່ມ…ມອບໃຫ້ພະແນກການທີ່ກ່ຽວຂ້ອງສັງລວມແລ້ວໄປປຶກສາກັນຄືນຢູ່ສໍານັກງານໃຫຍ່ ແລ້ວອອກເປັນນິຕິກໍາ
ຄັກແນ່ແຈ້ງມາໃຫ້ສາຂາເພື່ອເປັນບ່ອນອີງໃນການຈັດຕັ້ງປະຕິບັດ.
- ຕໍ່ກັບວຽກງານບັນຊີພະນັກງານຕ້ອງມີຄວາມລະອຽດ, ຮອບຄອບລວມໄປເຖິງການບໍລິການເງິນຝາກ
ຕ້ອງພ້ອມກັນຈັດຕັ້ງປະຕິບັດຕາມລະບຽບທີ່ໄດ້ກໍານົດໄວ້ໄປກ່ອນ.
- ຕໍ່ກັບວຽກງານປ້ອງກັນຕ້ອງເອົາໃຈໃສ່ຊ່ວຍກັນປົກປັກຮັກສາສໍານັກງານຫ້ອງການໃຫ້ມີຄວາມສະອາດ
ຈົບງາມປະຕິບັດໃຫ້ຖຶກຕາມຂັ້ນຕອນ, ຄຸ້ມຄອງຊັບສົມບັດລວມທັງພາຫະນະ ແລະ ເຄື່ອງໃຊ້ຕ່າງໆໃຫ້ສາມາດໃຊ້ງານໄດ້ປົກກະຕິ.
- ວຽກງານກວດກາເປັນວຽກງານສໍາຄັນຈະເຮັດຫຍັງຕ້ອງມີແບບແຜນ, ກວດກາຕ້ອງເບີ່ງບັນຫາໃຫຍ່ໆ
ເປັນລະບົບ; ກວດກາເພື່ອຕິຕຽນປັບປຸງແກ້ໄຂບັນຫາໄປພ້ອມກັນ; ຕ້ອງກວດກາ 3 ຂັ້ນຢ່າງເຂັ້ມງວດ.
ຂຽນຂ່າວໂດຍ: ຂະແໜງ ບັນຊີ ການເງິນ-ເຕັກໂນໂລຊີ ຂໍ້ມູນຂ່າວສານ
