ໃນຕອນເຊົ້າຂອງວັນທີ 17 ຕຸລາ 2025, ເວລາ 08:30 ໂມງ ທີ່ຫ້ອງປະຊຸມຊັ້ນ III ທະນາຄານ ນະໂຍບາຍ
ສາຂາ ຫຼວງພະບາງ ໄດ້ຈັດກອງປະຊຸມຮັບຟັງຄໍາໂອ້ລົມຂອງທ່ານຮອງຜູ້ອໍານວຍການຂຶ້ນພາຍໃຕ້ການເປັນປະທານຂອງ ທ່ານ ສຸພົດ ໂຊກປະຫວັດ ຮອງຜູ້ອໍານວຍການ ທະນາຄານ ນະໂຍບາຍ ແລະ ຜູ້ເຂົ້າຮ່ວມມີບັນດາຄະນະພະແນກ, ຄະນະສາຂາ, ຄະນະຂະແໜງ, ຫົວໜ້າໜ່ວຍບໍລິການ ເຂົ້້າຮ່ວມລວມທັງໜົດ 22 ທ່ານ ຍິງ 05 ທ່ານ.
ພິທີໃນຄັ້ງນີ້ ທ່ານ ສີຈັນ ເນັ່ງເລົ່າຈ່າ ຫົວໜ້າສາຂາ ໄດ້ຂື້ນລາຍງານສະຫຼຸບການເຄື່ອນໄຫວວຽກງານໃນໄລຍະ 09 ເດືອນຜ່ານມາ ແລະ ທິດທາງແຜນການ 03 ເດືອນທ້າຍປີ 2025 ໃນຕໍ່ໜ້າ ຂອງ ທນບ ສາຂາ ຫຼວງພະບາງ, ການຈັດຕັ້ງປະຕິບັດວຽກງານມີອັນພົ້ນເດັ່ນ ແລະ ເຮັດໃຫ້ມີຜົນສໍາເລັດຫຼາຍດ້ານເປັນຕົ້ນຜົນການດໍາເນີນງານຂອງສາຂາຕິດບວກ ຈໍານວນ 15.03 ຕື້ກີບເທົ່າກັບ 154%ຂອງແຜນການ. ຈາກນັ້ນທ່ານປະທານມີຄໍາເຫັນ; ຄະນະພະແນກ, ຄະນະຂະແໜງ ແລະ ບັນດາໜ່ວຍບໍລິການໄດ້ແລກປ່ຽນບົດຮຽນຕົວຈິງຮ່ວມກັນ ໂດຍສະເພາະວຽກງານບັນຊີການເງິນ-ເຕັກໂນໂລຊີ ຂໍ້ມູນຂ່າວສານ.
ຫຼັງຈາກນັ້ນ ທ່ານປະທານ ມີຄໍາເຫັນເນັ້ນໜັກ ແລະ ທິດຊີ້ນໍາການຈັດຕັ້ງປະຕິບັດວຽກງານ
ໃນຕໍ່ໜ້າດັ່ງນີ້:
- ຮຽກຮ້ອງໃຫ້ຄະນະພັກ,ຄະນະສາຂາ,ຄະນະຂະແໜງການ ແລະ ຄະນະໜ່ວຍບໍລິການໃຫ້ເອົາ
ໃຈໃສ່ສຶກສາອົບຮົມວຽກງານການເມືອງ-ແນວຄິດຢ່າງເລິກເຊີ່ງຕໍ່ພະນັກງານ; ມີການຫັນປ່ຽນທາງດ້ານແນວຄວາມຄິດຈາກອັນເກົ່າໄປສູ່ອັນໃໝ່ໃຫ້ມີປະສິດທິພາບສູງຂຶ້ນກວ່າເກົ່າ.
- ປັບປຸງຫັນປ່ຽນໃນແບບແຜນວີທີນໍາພາ ແລະ ແບບແຜນວິທີເຮັດວຽກໃຫ້ມີຄຸນນະພາບສູງ.
- ໃຫ້ຄະນະນໍາຂອງສາຂາເພີ່ມຄວາມຮັບຜິດຊອບຂອງຕົນເອງໃຫ້ສູງຂຶ້ນກວ່າເກົ່າເພື່ອຮັບປະກັນຄຸນ
ນະພາບຂອງວຽກງານ.
- ຕໍ່ກັບວຽກງານບໍລິການພະນັກງານຕ້ອງປະຕິບັດໂມງລັດຖະການໃຫ້ເຂັ້ມງວດເພື່ອຮັບໃຊ້ລູກຄ້າທັນເວລາ, ເກັບກຳລະບຽບຕ່າງໆໃຫ້ໄດ້ ແລະ ຮັບຕ້ອນລູກຄ້າດ້ວຍຄວາມແຈ່ມໃສ.
- ບັນຫາວຽກງານໄອທີຕ້ອງໄດ້ຕິດຕາມຕິດຕັ້ງໃຫ້ມີຄົບຖ້ວນ ແລະ ຖືກຈຸດ.
- ວຽກງານສິນເຊື່ອອັນໃດສຸ່ມສ່ຽງຫຼາຍໃຫ້ເບີ່ງຄືນເຊັ່ນ: ການປ່ອຍສິນເຊື່ອໃນຂົງເຂດທີ່ຫຍຸ້ງຍາກໃນ
ຜ່ານມາ.
- ບັນຫາຄວາມສາມັກຄີພາຍໃນຕ້ອງຮູ້ຈັກປັບຕົວເຂົ້າຫາກັນເພື່ອເຮັດວຽກ ແລະ ຜົນປະໂຫຍດອັນ
ລວມ; ແຕ່ລະຂັ້ນຕ້ອງຍອມຮັບ ແລະ ໃຫ້ກຽດເຊີ່ງກັນ ແລະ ກັນ; ເມື່ອມີການຕົກລົງເປັນເອກະພາບກັນແລ້ວເວົ້າແນວໃດຕ້ອງເຮັດແນວນັ້ນຕາມມະຕິ; ໃຫ້ຫຼີກລຽງການບໍ່ປະຕິບັດຕາມການຕົກລົງເຊັ່ນ: ຕົກລົງແນວໜື່ງແຕ່ໄປປະຕິບັດຕົວຈິງແມ່ນແບບໜື່ງ.
- ຕິດພັນກັບວຽກງານກວດກາ; ໃຫ້ທຸກຄົນເພີ່ມຄວາມຮັບຜິດຊອບສູງຕື່ມ,ເປັນເຈົ້າການກວດກາຕາມ
ແຕ່ລະຂັ້ນກ່ອນ, ການກວດຕ້ອງມີຂໍ້ມູນຕົວຈິງແລ້ວຈື່ງໄປສຸ່ມກວດ; ໃນກໍລະນີກວດພົບເຫັນແລ້ວຕ້ອງເອົາມາປຶກສາຫາລືແກ້ໄຂພາຍໃນກ່ອນ; ບັນຫາເກີດຂຶ້ນຢູ່ບ່ອນໃດບ່ອນນັ້ນຕ້ອງແກ້ໄຂກ່ອນ ຖ້າບໍ່ສາມາດແກ້ໄຂຈື່ງນໍາສະ ເໜີລາຍງານໄປຫາສໍານັກງານໃຫຍ່ເພື່ອຂໍທິດຊີ້ນໍາໃນການແກ້ໄຂ.
