ໃນວັນທີ 18 ກັນຍາ 2020 ທະນາຄານນະໂຍບາຍ ສາຂາ ຫຼວງນ້ຳທາ ໄດ້ໄປມອບອຸປະກອນກິລາປະເພດ ກະຕໍ້ຫວາຍ ໃຫ້ ຄະນະບໍລິຫານງານຊາວໜຸ່ມເມືອງ ຫຼວງນ້ຳທາ ໂດຍການເປັນປະທານ ຂອງທ່ານ ຄຳພຸດ ໂພທິລາດ ຄະນະປະຈຳພັກເມືອງ ປະທານແນວລາວສ້າງຊາດເມືອງ ຜູ້ຊີ້ນຳວຽກງານອົງການຈັດຕັ້ງມະຫາຊົນເມືອງ ໃຫ້ກຽດມອບໂດຍ ທ່ານ ສີຟອງແກ້ວກົງຕາ ຮັກສາຂາການຫົວໜ້າ ທະນາຄານນະໂຍບາຍ ສາຂາຫຼວງນ້ຳທາ ຮັບໂດຍ ທ່ານ ແສງວັນ ລໍພີມພາ ກຳມະການພັກເມືອງ ເລຂາບໍລິຫານງານຊາວໜຸ່ມ ເມືອງຫຼວງນ້ຳທາ ມອບໃຫ້ຈຳນວນ 44 ໜວ່ຍ ລວມເປັນມູນຄ່າ 1.100.000 ກີບ ເພື່ອເປັນການກະຕຸກຊຸກຍູ້ວຽກງານກິລາໃນຂົງເຂດຊົນນະບົດໃຫ້ມີຄວາມເຂັ້ມແຂງ ແລະ ເຕີບໃຫຍ່ຂະຫຍາຍຕົວຢູ່ຂົງເຂດຊົນນະບົດ ທັງເປັນການສົ່ງເສີມນັກກິລາຢູ່ໃນຖັນແຖວຊາວໜຸ່ມໃນຊົນນະບົດໄດ້ສະແດງທັດສະໃນການຫຼີ້ນກິລາ ຫຼັງຈາກນັ້ນ ເລຂາບໍລິຫານງານຊາວໜຸ່ມ ເມືອງຫຼວງນ້ຳທາ ກໍ່ໄດ້ມອບໃບຍ້ອງຍໍ ໃຫ້ ທະນາຄານນະໂຍບາຍ ສາຂາຫຼວງນ້ຳທາ ທີ່ມີຜົນງານດີເດັ່ນໃນການອຸປະຖຳອຸປະກອນກິລາປະເພດກະຕໍ້ຫວາຍ.
