ຕອນແລງວັນທີ 25 ພຶດສະພາ 2021 ໜ່ວຍພັກທະນາຄານນະໂຍບາຍ ສາຂາຫຼວງນ້ຳທາ ໄດ້ຈັດພິທີເລື່ອນສະມາຊີກພັກສຳຮອງຂຶ້ນເປັນສະມາຊີພັກສົມບູນ ທີຫ້ອງປະຊຸມໃຫຍ່ຊັ້ນ III ທະຄານນະໂຍບາຍ ສາຂາຫຼວງນໍ້າທາ, ພາຍໃຕ້ການເປັນປະທານຂອງ ສະຫາຍ ສີຟອງ ແກ້ວກົງຕາ ເລຂາໜວ່ຍພັກ ຮັກສາການຫົວໜ້າສາຂາ ຜູ້ເຂົ້າຮ່ວມມີ ຮອງເລຂາໜ່ວຍພັກ, ຄະນະໜ່ວຍພັກ, ສະມາຊີກສົມບູນ ລວມທັງໝົດ 15 ສະຫາຍ; ຍີງ 6 ສະຫາຍ.
ພິທິດັ່ງກ່າວ ສະຫາຍ ນ ພອນທິບ ກາຫັວນ ຄະນະໜ່ວຍພັກ ໄດ້ຂື້ນຜ່ານ ມະຕິຕົກລົງຂອງຄະນະປະຈຳພັກແຂວງ ວ່າດ້ວຍການເລື່ອນສະມາຊີກພັກສຳຮອງຂື້ນສົມບູນ ຈຳນວນ 3 ສະບັບ. ຈາກນັ້ນ, ສະຫາຍ ເລຂາໜ່ວຍພັກ ກໍ່ໄດ້ຂື້ນມອບໃບອະນຸມັດຮັບເອົາສະມາຊີກສຳຮອງຂື້ນສົມບູນ ຈຳນວນ 3 ສະຫາຍ; ຍີງ 1 ສະຫາຍ. ຕອນທ້າຍພິທີ ສະຫາຍ ເລຂາໜວ່ຍພັກ ກໍ່ໄດ້ໃຫ້ກຽດໂອ້ລົມແກ່ສະມາຊິກພັກສົມບູນໃໝ່ຄື: ໃຫ້ມີຄຸນທາດການເມືອງໜັກແໜ້ນ, ມີຄວາມເຊື່ອໝັ້ນຕໍ່ການຊີ້ນຳ -ນຳພາຂອງພັກ, ຮູ້ຈຳແນກມິດສັດຕູຢ່າງຈະແຈ້ງ, ຝືກ ຝົນຫຼໍ່ຫຼອມໃຫ້ມີຄວາມຮູ້ຄວາມສາມາດໃນການປະຕິບັດໜ້າທີ່ວຽກງານໄດ້ດີ, ປະຕິບັດກົດລະບຽບວິໄນຂອງພັກວາງອອກຢ່າງເຂັ້ມງວດ, ຕັ້ງໜ້າຄົ້ນຄວ້າເຊື່ອມຊືມບັນດາແນວທາງນະໂຍບາຍຂອງພັກ, ໃຫ້ມີຄວາມຫ້າວຫັນເປັນເຈົ້າການປະຕິບັດວຽກງານທີ່ຖືກມອບໝາຍດ້ວຍຄວາມປະດິດສ້າງ ແລະ ມີຄວາມຮັບຜິດຊອບສູງ, ກ້າເຮັດກ້າຮັບຜິດຊອບ. ພິທີດັ່ງກ່າວໄດ້ປິດລົງເວລາ 4:00 ໂມງ ຂອງວັນດຽວກັນ.
