ໃນວັນທີ່ 14-15 ພຶດສະພາ 2018 ທີ່ຜ່ານມາ ທີ່ຫ້ອງປະຊຸມຊັ້ນ III ທນບ ສາຂາອຸດົມໄຊ ໄດ້ຈັດພິທີຝຶກອົບຮົມວຽກງານສິນເຊື່ອປີ2018 ຂື້ນ. ໂດຍການເປັນ ປະທານ ຂອງ ທ່ານ ນ ວຽງເງິນ ສົມພົງ ຮອງຜູ້ອໍານວຍການ ທະນາຄານ ນະໂຍບາຍ, ມີຄະນະສາຂາ,ຮອງຄະນະສາຂາ, ຮອງຫົວໜ້າພະແນກຄຸ້ມຄອງສາຂາ,ຫົວໜ້າຂະແໜງສິນເຊື່ອ ສໍານັກງານໃຫຍ່, ຮັກສາການຫົວໜ້າຂະແໜງສິນເຊື່ອສາຂາ, ຫົວໜ້າໜ່ວຍບໍລິການ ແລະ ພະນັກງານສິນເຊື່ອເຂົ້າຮ່ວມທັງໝົດ 38 ທ່ານ, ຍິງ 07 ທ່ານ.
ທ່ານ ນ ວຽງເງິນ ສົມພົງ ຮອງຜູ້ອໍານວຍການ ໄດ້ກ່າວເປີດພິທີຝຶກອົບຮົມຍ່າງເປັນທາງການ, ທ່ານໄດ້ເໜັ້ນໜັກໃຫ້ພະນັກງານທຸກຄົນຈົ່ງຕັ້ງໃຈສຶກສາບົດຮຽນໃນການຝຶກອົບຮົມຄັ້ງນີ້ ເພື່ອນໍາໄປຜັນຂະຫຍາຍຈັດຕັ້ງປະຕິບັດເຂົ້າໃນວຽກງານຕົວຈິງ ແລະ ໃຫ້ຍົກບັນຫາທີ່ເກີດຂື້ນໃນແຕ່ລະໜ່ວຍບໍລິການຂື້ນມາຕັ້ງເປັນຄໍາຖາມເຈາະຈີ້ມ ເພື່ອແລກປ່ຽນປຶກສາຫາລືຊອກຫາວິທີທາງການແກ້ໄຂໃນຕໍ່ໜ້າ. ຈາກນັ້ນ ທ່ານ ພົງປະເສີດ ຄໍາລືຊາ ຮອງພະແນກຄຸມຄອງສາຂາ ກໍ່ໄດ້ດໍາເນີນວາລະການຝຶກອົບຮົມຂື້ນ ໂດຍ ທ່ານ ໄດ້ທົບທວນບັນດາຄູ່ມື ແລະ ລະບຽບຂອງສິນເຊື່ອ 5 ສະບັບ ຄື: ຄູ່ມືກ່ຽວກັບການຈັດຕັ້ງປະຕິບັດສິນເຊື່ອລາຍກຸ່ມເພື່ອຜະລິດສິນຄ້າ ເລກທີ່ 1655/ທນບ ລົງວັນທີ່ 30/11/2014, ລະບຽບການເພີ່ມວົງເງິນໃຫ້ສິນເຊື່ອລາຍກຸ່ມຈາກ 30 ເປັນ 50 ລ້ານກີບ ເລກທີ່ 1110/ທນບ ລົງວັນທີ່ 27/07/2016,ລະບຽບສິນເຊື່ອຂອງ ທະນາຄານ ນະໂຍບາຍ ຜ່ານອົງການຈັດຕັ້ງການເມືອງ-ສັງຄົມ ແລະ ກອງທຶນຂັ້ນບ້ານ ເລກທີ່ 1109/ທນບ ລົງວັນທີ່ 27/07/2016, ຄູ່ມືແນະນໍາກ່ຽວກັບການເກັບກູ້ໜີ້ສິນທີມີບັນຫາ ເລກທີ806/ທນບ ລົງວັນທີ່ 22/07/2013, ບົດແນະນໍາການແຕ່ງຕັ້ງ ຄະນະກໍາມະການຄຸ້ມຄອງສິນເຊື່ອ ເລກທີ່ 1593/ທນບ ລົງວັນທີ່16/10/2014. ເຊິ່ງການຝຶກອົບຮົມໄດ້ໃຊ້ເວລາ 2 ວັນເຕັມ
ໃນຕອນທ້າຍ ທ່ານ ນ ວຽງເງິນ ສົມພົງ ຮອງຜູ້ອໍານວຍການ ທະນາຄານ ນະໂຍບາຍ ປະທານພິທີຈັດຝຶກອົມຮົມຄັ້ງນີ້ ກໍ່ໄດ້ມີທິດຊີ້ນໍາໃນການຈັດຕັ້ງປະຕິບັດວຽກງານໃນບາງດ້ານຄື:
- ໃຫ້ທຸກທ່ານເອົາໃຈໃສ່ໃນການຄົ້ນຄ້ວາບັນດານິຕິກໍາຕ່າງໆໄປນໍາໃຊ້ໃນການຈັດຕັ້ງປະຕິບັດວຽກງານຕົວຈິງໃຫ້ປະກົດຜົນເປັນຈິງ.
- ເພີມທະວີການກວດກາເກັບກໍາຂໍ້ມູນລູກຄ້າ ໂດຍສະເພາະແຜ່ນລູກຄ້າທີ່ໄດ້ສ້າງແຜ່ນປ່ອຍໃນປີ2018ນີ້ໃຫ້ທ່ວງທັນກັບລະດູການທໍາການຜະລິດຂອງປະຊາຊົນ.
- ປັບປຸງແບບແຜນວິທີການເຮັດວຽກໂດຍສະເພາະການສ້າງແຜນເກັບກູ້ໜີ້ສິນ
- ເພີມທະວີຂອດການປະສານງານກັບບັນດາອົງກອນທີ່ກ່ຽວຂ້ອງໃຫ້ກົມກຽວຂື້ນກ່ວາເກົ່າ
- ບັນຫາສໍາຄັນພະນັກງານທີ່ຮັບຜິດຊອບວຽກງານCoreBankingໃຫ້ເອົາໃຈໃສ່ເປັນເຈົ້າການໃນການຈັດຕັ້ງປະຕິບັດ
- ໃຫ້ຄະນະສາຂາ ແລະ ຄະນະໜ່ວຍບໍລິການມີຄວາມເຂັ້ມແຂງໜັກແໜ້ນຂື້ນຕື່ມ, ປັບປຸງແບບແຜນວິທີຊີ້ນໍານໍາພາຕ້ອງເປັນແບບຢ່າງມີຄວາມເສຍສະຫຼະສູງຕໍ່ໜ້າທີ່ວຽກງານ
- ເອົາໃຈໃສສຶກສາອົບຮົມທາງດ້ານການເມືອງແນວຄິດໃຫ້ພະນັກງານແຕ່ລະບຸກຄົນ
ສິ່ງສໍາຄັນໃຫ້ເອົາໃຈໃສ່ວຽກງານປ້ອງກັນຄວາມສະຫງົບ ພະນັກງານທຸກຄົນຕ້ອງມີສະຕິເປັນເຈົ້າການໃນການປ້ອງກັນເວນຍາມຢູ່ສະເໜີ
