ໃນວັນທີ່ 28 ເມສາ – 04 ພຶດສະພາ 2018 ທ່ານ ວ່າການຫົວໜ້າ ທະນາຄານ ນະໂຍບາຍ ສາຂາອຸດົມໄຊໄດ້ລົງເຄື່ອນໄຫວເຜີຍແຜ່ ຜົນສໍາເລັດຂອງກອງປະຊຸມສະພາບໍລິຫານ ທນບ ສະໄໝສາມັນຄັ້ງທີ່ I 2018, ກອງປະຊຸມກວດກາ ທຫລ ທົ່ວປະເທດປີ 2017, ກອງປະຊຸມວຽກງານກໍ່ສ້າງພັກ-ພະນັກງານ ແລະ ກອງປະຊຸມພາຍໃນ ພ້ອມກັບບັນດາເອກະສານທີ່ສໍາຄັນຕ່າງໆເຊັ່ນ: ເອກະສານຄໍາສັ່ງເລກທີ່ 01/ນຍ, ມະຕິເລກທີ030, 031, 032/ນຍ ແລະ ບັນດາຂໍ້ຫ້າມຂອງສະມາຊິກພັກ -ພະນັກງານ ລັດຖະກອນຢູ່ໃນ 5 ໜ່ວຍບໍລິການ ແລະ ຂັ້ນສາຂາ.
ພ້ອມນັ້ນ ທ່ານ ນ ຈັນເພັງ ໄຊລືຕາ ວ່າການຫົວໜ້າ ທະນາຄານ ນະໂຍບາຍ ສາຂາອຸດົມໄຊ ກໍ່ຍັງໄດ້ໂອ້ລົມສະມາຊິກ ພັກ – ພະນັກງານທຸກທ່ານໄດ້ເນັ້ນໜັກຄື:
- ໃຫ້ພະນັກງານນໍາພາທຸກຂັ້ນເພີ່ມທະວີໃນການຊີ້ນໍາ-ນໍາພາທຸກດ້ານໃຫ້ເຂັ້ມແຂງ
- ເພີ່ມທະວີໃນການເປັນເຈົ້າການໃນການຈັດຕັ້ງປະຕິບັດໜ້າທີ່ຄວາມຮັບຜິດຊອບໃຫ້ເຂັ້ມແຂງໃນຂອບເຂດຮັບຜິດຊອບ
- ການສ້າງພັກ-ພະນັກງານໃຫ້ເນັ້ນທາງດ້ານຄຸນນະພາບເປັນຫຼັກ ແລະ ໃຫ້ໄປຕາມ 5 ຫຼັກການ 3 ທິດນໍາພາພັກ ແລະ ການສ້າງພັກ-ພະນັກງານ ຕ້ອງປະຕິບັດຕາມທິດຊີ້ນໍາຂອງມະຕິກອງປະຊຸມສະພາບໍລິຫານ ທນບ ຕ້ອງສ້າງຢູ່ຂັ້ນຮາກຖານຂື້ນມາ
- ຮຽກຮ້ອງໃຫ້ສະມາຊິກພັກທຸກສະຫາຍຕ້ອງເປັນແບບຢ່າງນໍາໜ້າທຸກໜ້າວຽກງານໃຫ້ແກ່ມະຫາຊົນ
- ພະນັກງານນໍາພາທຸກຂັ້ນ ແລະ ພະນັກງານ-ສະມາຊິກພັກທຸກສະຫາຍຕ້ອງພ້ອມກັນນໍາເອົາເນື້ອໃນ ແລະ ບົດຮຽນ, ທິດຊີ້ນໍາທີ່ດີ ທີ່ໄດ້ນໍາມາເຜີຍແຜ່ຄັ້ງນີ້ໄປໝູນໃຊ້, ນໍາໃຊ້ເຂົ້າໃນວຽກງານ ພຶດຕິກໍາຕົວຈິງ ໃຫ້ໄດ້ຮັບໝາກຜົນ ແລະ ຜົນປະໂຫຍດອັນສູງສຸດ ໂດຍສະເພາະ ແມ່ນຕ້ອງກໍາໃຫ້ໄດ້ທິດຊີ້ນໍາຂອງຂັ້ນເທິງໃນ 3 ກອງປະຊຸມດັ່ງກ່າວ.
