ໃນວັນທີ່ 9-11 ພຶດສະພາ 2018 ທີ່ຜ່ານມາ. ທະນາຄານ ນະໂຍບາຍ ສາຂາອຸດົມໄຊ ໄດ້ຈັດພິທີປ່ອຍເງິນກູ້ທຶນລະດູແລ້ງ ໃນຂົງເຂດເມືອງເປົ້າໝາຍ ແລະ ຈຸດສຸມ ເມືອງໄຊ ປີ2018ຂື້ນ. ໂດຍການເປັນປະທານຂອງ ທ່ານ ໄພວັນ ໄຊຍະວົງ ຮອງຫົວໜ້າ ທະນາຄານ ນະໂຍບາຍ ສາຂາອຸດົມໄຊ, ພ້ອມດ້ວຍຄະນະກໍາມະການຄຸ້ມຄອງສິນເຊື່ອຂັ້ນບ້ານ, ອໍານາດການປົກຄອງບ້ານ ແລະ ພໍ່ແມ່ປະຊາຊົນເຂົ້າຮ່ວມເພື່ອເປັນສັກຂີພະຍານ.
ທ່ານ ໄພວັນ ໄຊຍະວົງ ຮອງຫົວໜ້າ ທະນາຄານ ນະໂຍບາຍ ສາຂາອຸດົມໄຊ ໄດ້ຂື້ນຜ່ານບົດກ່າວມອບແຫຼ່ງທຶນສິນເຊື່ອໃຫ້ອໍານາດການປົກຄອງບ້ານກໍ່ຄືພໍ່ແມ່ປະຊາຊົນຜູ້ເຮັດການຜະລິດໂດຍກົງ. ເປັນຈໍານວນເງິນທັງໝົດ 1,922,000,000 ກີບ ໃຫ້ອໍານາດການປົກຄອງບ້ານ ໃນນີ້ປະກອບມີ:
- ທຶນ 68 ເມືອງເປົ້າໝາຍ ປະກອບມີ 2 ເປົ້າໝາຍຄື:
- ເປົ້າໝາຍ ປູກສາລີ ມີ 05 ບ້ານ, 14ກຸ່ມ, 96 ຄອບຄົວ ເປັນນວນເງິນ 599,500,000 ກີບ
- ເປົ້າໝາຍ ບຸກເບິກ ມີ 5 ບ້ານ, 11 ກຸ່ມ, 70 ຄອບຄົວ ເປັນຈໍານວນເງິນ 755,500,000 ກີບ
- ທຶນ 64 ຈຸດສຸມ:
- ເປົ້າໝາຍບຸກເບິກ ມີ 2 ບ້ານ, 13ກຸ່ມ, 61 ຄອບຄົວ ເປັນຈໍານວນເງິນ 567,000,000 ກີບ.
ໃນກອງປະຊຸມ ທ່ານປະທານ ກໍ່ໄດ້ມີຄໍາໂອ້ລົມຕໍ່ພໍ່ແມ່ປະຊາຊົນ ທ່ານໄດ້ທົບທວນຄືນກ່ຽວກັບມາດຕະຖານຜູ້ທີ່ຈະໄດ້ຮັບເງິນກູ້ຢືມຈາກທະນາຄານ ນະໂຍບາຍ , ບັນດາພາລະບົດບາດຂອງ ທະນາຄານ ນະໂຍບາຍ ໃຫ້ແກ່ພໍ່ແມ່ປະຊາຊົນຮັບຮູ້ ແລະ ຮຽກຮ້ອງມາຍັງອໍານາດການປົກຄອງບ້ານ, ຄະນະກໍາມະການຄຸ້ມຄອງແຫຼ່ງທຶນທຸກຂັ້ນຈົ່ງຊ່ວຍກັນຄຸ້ມຄອງແຫຼ່ງທຶນດັ່ງກ່າວ, ຮຽກຮ້ອງມາຍັງພໍ່ແມ່ປະຊາ ຊົນພາຍຫຼັງທີ່ໄດ້ແຫຼ່ງທຶນໄປແລ້ວຈົ່ງມີຄວາມດຸໝັ່ນ, ຫ້າວຫັນໃນການທໍາການຜະລິດ ແລະ ນໍາໃຊ້ແຫຼ່ງທຶນດັ່ງກ່າວໃຫ້ຖຶກຕາມເປົ້າໝາຍໃຫ້ເກີດດອກອອກຜົນ ຮັບປະກັນປະສິດທິຜົນໃນ ການຊໍາລະສະສາງ ທັງຕົ້ນທຶນ ແລະ ດອກເບ້ຍ ຕາມສັນຍາທີ່ໄດ້ເຊັນຮ່ວມກັບ ທະນຄານ ນະໂຍບາຍ ຢ່າງເຂັ້ມຫງວດ.
