ຂ່າວ: ກອງປະຊຸມຄະນະກຳມະການຄຸ້ມຄອງສິນເຊື່ອຂັ້ນແຂວງ ສະຫຼຸບການເຄື່ອນໄຫວວຽກງານສິນເຊື່ອປະຈຳປີ 2021 ແລະ ຮັບຮອງແຜນສິນເຊື່ອ ປະຈໍາປີ 2022 ຂອງ ທະນາຄານນະໂຍບາຍ ສາຂາ ຫົວພັນ ຄັ້ງວັນທີ 14 ມັງກອນ 2022.
ໃນຕອນເຊົ້າວັນສຸກ ທີ 14 ມັງກອນ 2022 ເວລາ 9 ໂມງ 00 ນາທີ ຢູ່ທີ່ຫ້ອງປະຊຸມໃຫຍ່ ຊັ້ນ III ສໍານັກງານຫ້ອງການ ທະນາຄານນະໂຍບາຍ ສາຂາ ຫົວພັນ ໄດ້ເປີດກອງປະຊຸມຄະນະກຳມະການຄຸ້ມຄອງສິນເຊື່ອຂັ້ນແຂວງ ສະຫຼຸບການເຄື່ອນໄຫວວຽກງານສິນເຊື່ອປະຈຳປີ 2021 ແລະ ຮັບຮອງແຜນສິນເຊື່ອ ປະຈໍາປີ 2022 ຂື້ນ, ພາຍໃຕ້ການເປັນປະທານ ຂອງທ່ານ ພອນສຸກ ອິນທະວົງ ຄະນະປະຈຳພັກແຂວງ ຮອງເຈົ້າແຂວງ ຜູ້ຊີ້ນຳວຽກງານເສດຖະກິດ ປະທານຄະນະກຳມະການຄຸ້ມຄອງສິນເຊື່ອ ຂັ້ນແຂວງ, ເຂົ້າຮ່ວມກອງປະຊຸມມີ ບັນດາຄະນະກຳມະການຄຸ້ມຄອງສິນເຊື່ອ ທີ່ມາຈາກແຕ່ລະພະແນກການກ່ຽວຂ້ອງອ້ອມຂ້າງ, ມີຄະນະສາຂາ ແລະ ຄະນະແຕ່ລະຂະແໜງການ ເຂົ້າຮ່ວມລວມທັງໝົດ 15 ທ່ານ, ຍິງ 1 ທ່ານ.
ພາຍຫຼັງທ່ານ ປະທານໄດ້ກ່າວເປີດກອງປະຊຸມຢ່າງເປັນທາງການແລ້ວ ທ່ານ ບຸນເຊີຍ ແກ້ວນາຕານ ຫົວໜ້າ ທະນາຄານນະໂຍບາຍ ສາຂາ ຫົວພັນ ໄດ້ຂື້ນຜ່ານບົດສະຫຼຸບການເຄື່ອນໄຫວວຽກງານສິນເຊື່ອ ປະຈຳປີ 2021 ແລະ ທິດທາງແຜນການເຄື່ອນໄຫວ ປະຈໍາປີ 2022 ໃນບົດສະຫຼຸບໄດ້ຊີ້ໃຫ້ເຫັນພະລະບົດບາດ ແລະ ຂອບເຂດສິດການເຄື່ອນໄຫວວຽກງານສະໜອງແຫຼ່ງທຶນສິນເຊື່ອ ເຂົ້າໃນເມືອງເປົ້າໝາຍ, ຈຸດສຸ່ມລັດຖະບານ-ທ້ອງຖິ່ນ ແລະ ບ້ານ 3 ສ້າງ ທີ່ຕິດພັນກັບແຜນພັດທະນາເສດຖະກິດສັງຄົມຂອງແຂວງ, ເຊີ່ງ ປີ 2021 ທນບ ສາຂາ ຫົວພັນ ໄດ້ຮັບອະນຸມັດແຫລ່ງທືນທັງໝົດ; 53,34 ຕື້ກີບ, ຮອດເດືອນ 12/2021 ຖອນນໍາໃຊ້ 52,10 ຕື້ກີບ, ປະຕິບັດໄດ້ 97,67% ຂອງແຜນການປີ 53,34 ຕື້ກີບ, ຍັງສຶບຕໍ່ນໍາໃຊ້ທືນຈໍານວນ 1,24 ຕື້ກີບ ໃນເດືອນ 01/2022 ໃຫ້ສໍາເລັດຕາມຜນການ, ສາມາດປະຕິບັດເກັບຕົ້ນທຶນໄດ້ທັງໝົດ 65,90 ຕື້ກີບ, ທຽບໃສ່ແຜນເກັບໜີ້ປະຈໍາປີ ປະຕິບັດໄດ້ 144,45% (ຂອງແຜນການປີ 45,62 ຕື້ກີບ), ໄລຍະຍາວ 38,93 ຕື້ກີບ, ເກັບໜີ້ NPL ໄດ້ 10,90 ຕື້ກີບ, ທຽບໃສ່ແຜນປີ ປະຕິບັດໄດ້ 84,69%(ແຜນ12,87 ຕື້ກີບ), ເກັບດອກເບ້ຍໄດ້ທັງໝົດໃນປີ; 14,77 ຕື້ກີບ, ທຽບໃສ່ແຜນການປີ ປະຕິບັດໄດ້ 96,23%(ແຜນ 15,34 ຕື້ກີບ, ດອກເບ້ຍປົກກະຕິ 13,46 ຕື້ກີບ, ທຽບໃສ່ແຜນປີ ເທົ້າກັບ 108,11%(ແຜນ 12,45 ຕື້ກີບ), ດອກເບ້ຍເອັນພິແອວ 1,31 ຕື້ກີບ, ທຽບໃສ່ແຜນປີ ເທົ້າກັບ 45,32%(ແຜນ 2,89 ຕື້ກີບ), ເກັບໜີ້ທີ່ໂອນມາຈາກ ທສກ 1.500.000 ກີບ ທຽບໃສ່ແຜນປີ (ແຜນ12.000.000 ກີບ), ປະຕິບັດໄດ້ 12,5%, ຍອດສິນເຊື່ອທ້າຍປີ 2021: 259,07 ຕື້ກີບ, ລາຍບຸກຄົນ: 74,08 ຕື້ກີບ, ລາຍກຸ່ມ: 184,99 ຕື້ກີບ,ໃນນີ້ຍອດໜີ້ເມືອງເປົ້າໝາຍ: 224,47 ຕື້ກີບ, ທືນຈຸດສຸມລັດຖະບານ-ທ້ອງຖິ່ນ: 16,63 ຕື້ກີບ ແລະ ຍອດໜີ້ບ້ານ 3 ສ້າງ: 17,74 ຕື້ກີບ, ຍອດໜີ້ NPL: 34,30 ຕື້ກີບ, ເທົ້າກັບ 13,24% ຂອງຍອດສິນເຊື່ອທັງໝົດ, ມີລາຍບຸກຄົນ: 19,44 ຕື້ກີບ, ເທົ້າກັບ 56,68% ຂອງໜີ້NPL, ຍອດດອກເບ້ຍຄ້າງຮັບ: 17,72 ຕື້ກີບ, ລາຍບຸກຄົນ 12,78 ຕື້ກີບ, ເທົ້າກັບ 72,12% ຂອງດອກເບ້ຍຄ້າງຮັບຮັບທັງໝົດ, ລາຍບຸກຄົນ: 4,94 ຕື້ກີບ, ເທົ້າກັບ 27,88% ຂອງດອກເບ້ຍຄ້າງຮັບທັງໝົດ, ສະຖິຕິເຂົ້າເຖິງແຫຼ່ງທືນ: 10 ເມືອງ 694 ບ້ານ, ເທົ້າກັບ 96,66% (718 ບ້ານ), ບ້ານທຸກຍາກ 324 ບ້ານ ເທົ້າກັບ 91,52% ( 354 ບ້ານ ), ມີ 3.951 ກຸ່ມ, ລາຍບຸກຄົນ 265 ລາຍ, 32.987 ຄອບຄົວ, ເທົ້າກັບ 67,70% ຂອງຄອບຄົວທັງໝົດທົ່ວແຂວງ (48.723 ຄອບຄົວ), ຄອບຄົວທຸກຍາກ 8.674 ຄອບຄົວ, ເທົ້າກັບ 65,71% ຂອງຄອບຄົວທຸກຍາກທັງໝົດທົ່ວແຂວງ 13,201 ຄອບຄົວ, ໂຄງການພົ້ນເດັ່ນ ແລະ ຄອບຄົວຕົວແບບຂອງ ທນບ ເຊີ່ງຈະໄດ້ອອກໃບຢັ້ງຢືນຮັບຮອງໃຫ້ແຕ່ລະຄອບຄົວ ມີ 19 ບ້ານ, 30 ຄອບຄົວ ຈຳນວນເງິນກູ້ 1,949 ຕື້ກີບ, ປະກອບມີ 02 ໂຄງການ ໂຄງການປູກຝັ່ງ 1 ຄອບຄົວ, ໂຄງການລ້ຽງສັດ 29 ຄອບຄົວ ປະກອບມີ 08 ໜ່ວຍບໍລິການ ແລະ 1 ເມືອງ ທີ່ຂື້ນກັບສາຂາ, ໄດ້ຮັບຮອງຈັດຕັ້ງປະຕິບັດປ່ອຍສິນເຊື່ອຜ່ານອົງການຈັດຕັ້ງສັງຄົມ-ການເມືອງ ແລະ ກອງທືນບ້ານ (ອກສກ) ທົ່ວສາຂາໄດ້ 48 ບ້ານ, 223 ກຸ່ມ, 1,983 ຄອບຄົວ, ຍອດສິນເຊື່ອ 30,75 ຕື້ກີບ.
ພາຍຫຼັງຜູ້ເຂົ້າຮ່ວມກອງປະຊຸມ ມີຄຳເຫັນຢ່າງກົງໄປກົງມາ ທີ່ປະຊຸມໄດ້ເປັນເອກະພາບກັນ ຮັບຮອງເອົາບົດສະຫຼຸບ ການເຄື່ອນໄຫວສິນເຊື່ອປະຈໍາປີ 2021 ແລະ ທິດທາງແຜນການ ປີ 2022, ໃນນີ້ໄດ້ຮັບຮອງເອົາຕົົວເລກຄວາມຕ້ອງການແຫຼ່ງທືນສິນເຊື່ອ 2022 ຈຳນວນ 61,211 ຕື້ກີບ.
ຕອນທ້າຍ ທ່ານປະທານ ໄດ້ມີຄຳເຫັນຊີ້ນໍາ ແລະ ກ່າວປິດກອງປະຊຸມຢ່າງເປັນທາງການ ໃນເວລາ 11 ໂມງ 30 ນາທີ ຂອງວັນດຽວກັນ.
