ໃນວັນທີ 24 ຕຸລາ 2020 ເປັນເວລາ 1 ວັນ ທະນາຄານນະໂຍບາຍ ສາຂາຫຼວງນ້ຳທາ ໄດ້ເປີດກອງປະຊຸມສະຫຼຸບວຽກງານຮອບດ້ານ 9 ເດືອນຕົ້ນປີ ແລະ ທິດທາງແຜນການ 3 ເດືອນທ້າຍປີ ປີ 2020 ທະນາຄານນະໂຍບາຍ ສາຂາຫຼວງນ້ຳທາ ຂື້ນ ຢູ່ທີ່ຫ້ອງປະຊຸມໃຫຍ່ຊັ້ນ III ໂດຍການເປັນປະທານຂອງ ທ່ານ ສີຟອງ ແກ້ວກົງຕາ ຮັກສາການຫົວໜ້າສາຂາ,ມີຮອງຫົວໜ້າສາຂາ, ຫົວໜ້າຂະແໜງ, ຮອງຫົວໜ້າຂະແໜງ, ຫົວໜ້າຫ້ອງການປະສານງານ, ຫົວໜ້າໜ່ວຍ ແລະ ຮອງຫົວໜ້າໜ່ວຍບໍລິການ, ພະນັກງານວິຊາການພາຍໃນສາຂາ ແລະ ພະນັກງານສິນເຊຶ່ອໜ່ວຍບໍລິການ ເຂົ້າຮ່ວມລວມທັງໝົດ ມີຈຳນວນ 39 ຄົນ, ຍິງ 08 ຄົນ
ກອງປະຊຸມ ທ່ານ ໄພວັນ ໄຊຍະວົງ ຮອງຫົວໜ້າສາຂາ ໄດ້ຜ່ານບົດສະຫຼຸບກ່ຽວກັບການເຄື່ອນໄຫວວຽກງານຮອບດ້ານ 9 ເດືອນຕົ້ນປີ ແລະ ທິດທາງແຜນການ 3 ເດືອນທ້າຍ ປີ 2020 ໂດຍຫຍໍ້ ເຊີ່ງຍົກໃຫ້ເຫັນວຽກງານດ້ານດີ, ດ້ານອອ່ນ, ຂໍ້ຄົງຄ້າງໃນການຈັດຕັ້ງປະຕິບັດວຽກງານໃນໄລຍະຜ່ານມາ. ຫຼັງຈາກນັ້ນ, ທ່ານ ວ່າການຫົວໜ້າຂະແໜງ ຫ້ອງການ-ຈັດຕັ້ງພະນັກງານ ໄດ້ຜ່ານຂໍ້ຕົກລົງວ່າດ້ວຍການຍ້ອງຍໍ, ໃຫ້ບຳເນັດສາຂາ, ຫ້ອງການປະສານງານ ແລະ ໜ່ວຍບໍລິການ ເລກທີ 1561/ທນບ, ລົງວັນທີ 17 ກັນຍາ 2020 ແລະ ທ່ານ ຮັກສາການຂະໜງສິນເຊຶ່ຶອກໍ່ໄດ້ຂື້ນຜ່ານບົດບັນທຶກ ກອງປະຊຸມຄະນະບໍລິຫານງານ ທະນາຄານນະໂຍບາຍ ສະຫຼຸບການເຄື່ອນໄຫວວຽກງານ ປະຈຳ 09 ເດືອນ ແລະ ທິດທາງແຜນການ 03 ເດືອນທ້າຍປີ 2020 ເລກທີ 1619/ທນບ, ລົງວັນທີ 30 ກັນຍາ 2020. ຫຼັງຈາກນັ້ນ, ປະທານກອງປະຊຸມຍັງໄດ້ຕັ້ງຄຳຖາມເຈາະຈີ້ມຕໍ່ກອງປະຊຸມ ພ້ອມທັງສະເໜີໃຫ້ຄະນະຂະແໜງ, ຫ້ອງ ການປະສານງານ ແຂວງບໍ່ແກ້ວ ແລະ ໜ່ວຍບໍລິການ ປະກອບຄຳຄິດຄໍາເຫັນ ແລະ ໄດ້ຕອບຄຳຖາມເຈາະຈີ້ມ ຕອບຄຳຖາມເຈາະຈີ້ມຢ່າງກົງໄປກົງມາ
ຕອນທ້າຍກອງປະຊຸມ ທ່ານ ຮັກສາການຫົວໜ້າສາຂາ ໄດ້ເໜັ້ນໜັກໃຫ້ເອົາໃຈໃສ່ສືກສາອົບຮົມດ້ານແນວຄິດການເມືອງໃຫ້ພະນັກງານ, ເປັນເຈົ້າການໃນວຽກງານກວດກາຢ່າງແຂງແຮງເພື່ອຕ້ານ ແລະ ສະກັດກັ້ນປະກົດການຫຍໍ້ທໍ້ໃນຖັັນແຖວພະນັກງານ, ເປັນເຈົ້າການໃນການປັບປຸງແບບແຜນວິທິການເຮັດວຽກ ແລະ ວິທິນຳພາ, ດ້ານວຽກງານວິຊາສະເພາະເອົາໃຈໃສ່ ເອົາແຜນປ່ອຍເງີນກູ້ ປີ 2020 ໃຫ້ສຳເລັດ, ກະກຽມເອົາຂໍ້ມູນການປ່ອຍສີນເຊື່ອຜ່ານ ອກສກ ຢ່າງໜ້ອຍ ໜວ່ຍບໍລິການ ໜື່ງໜວ່ຍ ຕ້ອງໄດ້ປ່ອຍ 2 ບ້ານ, ການສະໜອງສີນເຊື່ອໃຫ້ເຂົ້າເຖິງຄອບຄົວທຸກຍາກ ໃຫ້ເບີ່ງຕາມເງື່ອນໄຂສະພາບຄວາມເປັນຈີງຂອງລູກຄ້າ, ການປ່ອຍເງີນກູ້ໃຫ້ຖືກຕ້ອງຕາມເປົ້າໝາຍ ໂຄງການຂອງເມືອງ ແລະ ແຂວງ, ເອົາໃຈໃສ່ເກັບກູ້ໜີ້ສີນ PL, NPL ທັງຕົ້ນທືນ ແລະ ດອກເບ້ຍ ໃຫ້ລຸດລົງຕາມແຜນການ ພ້ອມທັງສະກັດກັ້ນໜີ້ຈະເກີດຂື້ນໃໝ່ປີ 2021 ໃຫ້ທັນການ, ເອົາໃຈໃສ່ປະຕິບັດຕາມລະບອບສ່ອງແສງລາຍງານເປັນປົກກະຕິ ຕໍ່ເນື່ອງ ໃຫ້ມີຄວາມກະຕືລືລົ້ນໃນການເຮັດວຽກຫຼາຍຂື້ນກວ່າເກົ່າ, ເອົາໃຈໃສ່ການປ້ອງການເວນຍາມສຳນັກຫ້ອງການໃຫ້ເປັນປົກກະຕິ, ເປັນເຈົ້າການປະຕິບັດກົດລະບຽບຢ່າງເຂັ້ມງວດ, ເອົາໃຈໃສ່ຂອດການປະສານງານລະຫວ່າງຂະແໜງການ ແລະ ພາກສວ່ນທີ່ກ່ຽວຂ້ອງຢ່າງໃກ້ສິດ.
