ຕອນເຊົ້າເວລາ 08:30 ນາທີ ຂອງວັນທີ 18 ມີນາ 2021 ຢູ່ທີ່ຫ້ອງປະຊຸມຫ້ອງວ່າການປົກຄອງ ແຂວງ ບໍ່ແກ້ວ ໄດ້ເປີດກອງປະຊຸມສະຫຼຸບການເຄື່ອນໄຫວວຽກງານສິນເຊື່ອປະຈຳປີ 2020 ແລະ ທິດທາງແຜນການ ປີ 2021ໂດຍພາຍໃຕ້ການເປັນປະທານ ຂອງ ທ່ານ ເຄື່ອນເພັດ ວົງຈັນ ກໍາມະການປະຈຳພັກແຂວງ ຮອງເຈົ້າແຂວງໆບໍ່ແກ້ວ, ເປັນກຽດເຂົ້າຮ່ວມມີ ທ່ານ ວຸດທິ ເລືອນວິໄລວົງ ຜູ້ອຳນວຍການ ທນບ, ມີຜູ້ຕ່າງໜ້າ ທຫລ ສາຂາພາກເໜືອ ແຂວງອຸດົມໄຊ, ຄະນະກຳມະການຄູ້ມຄອງສິນເຊື່ອຂັ້ນແຂວງ, ຮັກສາການຫົວໜ້າທະນາຄານນະໂຍບາຍ ສາຂາຫຼວງນ້ຳທາ,ປະທານຄະນະກຳມະການສິນເຊື່ອຂັ້ນເມືອງ, ຄະນະຂະແໜງສິນເຊື່ອ, ຫົວໜ້າຫ້ອງການປະສານງານ ແລະ ຫົວໜ້າໜ່ວຍບໍລິການ, ພະນັກງານພາຍໃນ ທນບ ເຂົ້າຮ່ວມທັງໝົດ 20 ທ່ານ ຍິງ 1 ທ່ານ.
ກອງປະຊຸມ ທ່ານສີຟອງ ແກ້ວກົງຕາ ຮັກສາການຫົວໜ້າທະນາຄານນະໂຍບາຍ ສາຂາຫຼວງນ້ຳທາ ໄດ້ນຳສະເໜີຜ່ານບົດສະຫຼຸບການເຄື່ອນໄຫວຈັດຕັ້ງປະຕິບັດວຽກງານສິນເຊື່ອປະຈຳປີ 2020 ແລະ ທິດທາງແຜນການປີ 2021 ເຊິ່ງຍົກໃຫ້ເຫັນຜົນງານພົ້ນເດັ່ນ, ດ້ານອ່ອນ ແລະ ຂໍ້ຄົງຄ້າງ, ບົດຮຽນທີ່ຖອດຖອນໄດ້ ແລະ ທິດທາງແກ້ໄຂໃນຕໍ່ໜ້າ ໂດຍສະເພາະການແກ້ໄຂໜີ້ NPL ແລະ ດອກເບ້ຍຄ້າງຮັບ.
ກອງປະຊຸມ ທ່ານ ສອນໄຊ ຈັນແກ້ວມະນີວົງ ຫົວໜ້າຫ້ອງການປະສານງານແຂວງບໍ່ແກ້ວ ທະນາຄານນະໂຍບາຍສາຂາຫຼວງນໍ້າທາ ໄດ້ຜ່ານແຜນສິນເຊື່ອປະຈຳປີ 2021 ທົ່ວແຂວງບໍ່ແກ້ວ ຈໍານວນ 12,100 ຕຶ້ກີບ ກວມເອົາ 4 ເມືອງຄື: ເມືອງຫ້ວຍຊາຍ ຈຳນວນ 2,6 ຕື້ກີບ, ເມືອງເມີງຈຳນວນ 3 ຕື້ກີບ, ເມືອງຜາອຸດົມຈຳນວນ 3,500 ຕື້ກີບ ແລະ ເມືອງປາກທາຈຳນວນ 3 ຕື້ກີບ, ເປັນແຫຼ່ງທຶນເມືອງເປົ້າໝາຍຈຳນວນ: 7.610.000.000 ກີບ, ຈຸດສຸມ 1.200.000.000 ກີບ, ສາມສ້າງ 3.290.000.000 ກີບ ມີທັງໝົດ 45 ບ້ານ, ມີ 91 ກຸ່ມຜະລິດ, ມີ 477 ຄອບຄົວແລະ ໄດ້ຜ່ານແຈ້ງການ 1 ສະບັບ ເລກທີ 37/ທນບ ລົງວັນທີ 7/1/2021. ກອງປະຊຸມໄດ້ຮັບຟັງການປະກອບຄຳຄິດຄຳເຫັນຂອງບັນດາທ່ານຜູ້ເຂົ້າຮ່ວມກອງປະຊຸມຢ່າງກົງໄປກົງ ແລະ ໄດ້ເຫັນດີເປັນເອກະພາບຮັບຮອງເອົາບົດສະຫຼຸບການເຄື່ອນໄຫວວຽກງານສິນເຊື່ອປະຈຳປີ 2020 ແລະ ຮັບຮອງເອົາແຜນສິນເຊື່ອປະຈຳປີ 2021 ທົ່ວແຂວງບໍ່ແກ້ວ.
ຕອນທ້າຍກອງປະຊຸມ ທ່ານ ປະທານກອງປະຊຸມ ຍັງໄດ້ໃຫ້ກຽດໂອ້ລົມຕໍ່ກອງປະຊຸມ ເຊີ່ງທ່ານໄດ້ສະແດງຄວາມຍ້ອງຍໍຊົມເຊີຍຕໍ່ກັບຜົນງານທີ່ຍາດມາໄດ້ໃນໄລຍະຜ່ານມາ ພ້ອມນັ້ນຍັງໃຫ້ທິດຊີ້ນຳເນື້ອໃນບາງດ້ານຄຶ: ໃຫ້ປະສານສົມທົບກັນລະຫວ່າງ ທະນາຄານ ແລະ ຫ້ອງການທີ່ກ່ຽວຂ້ອງຂັ້ນເມືອງເອົາໃຈໃສ່ເປັນເຈົ້າການປິ່ນອ້ອມ, ການລົງແກ້ໄຂໜີ້ສິນຂອງແຕ່ລະເມືອງໃຫ້ແຂງແຮງກວ່າເກົ່າ, ຂະແໜງການກ່ຽວຂ້ອງກໍ່ຕ້ອງໄດ້ລົງໃກ້ສິດຕິດແທດ ກຸ່ມການຜະລິດຊ່ວຍຊູ້ກຍູ້ດ້ານເຕັກນິກການປູກການລ້ຽງ ແລະ ດ້ານຕະຫຼາດສ້າງຄອບຄົວຕົວແບບໃຫ້ໄດ້ຫຼາຍກວ່າເກົ່າ, ໃຫ້ເບີ່ງຄືນວ່າຈຸດສຸມຂອງແຂວງປີ 2021 ເພີ່ນກຳນົດອອກມາມີຈຸດສຸມໃດທີ່ເໝາະສົມທີ່ມີເງື່ອນໄຂ ໃຫ້ສະໜອງແຫຼ່ງທຶນແກ້ໄຂຄວາມທຸກຍາກເຂົ້າຕື່ມ, ລົງເຜີຍແຜ່ເອກະສານຂອງທະນາຄານໃຫ້ປະຊາຊົນໄດ້ຮັບຮູ້ ແລະ ເຂົ້າໃຈຕໍ່ກັບພາລະບົດບາດ, ລະບຽບການກູ້ຢືມໃຫ້ເຂົ້າເຈົ້າໄດ້ຮັບຮູ້ລະອຽດຈະແຈ້ງ, ການລົງກວດກາປະເມີນຜົນລະຫວ່າງທະນາຄານກັບຄະນະກຳມະການຕ້ອງໄປລວງດຽວກັນ, ການແຕ່ງຕັ້ງຄະນະກຳມະການຄູ້ມຄອງແຕ່ລະຂັ້ນ ໃຫ້ກວດກາຄືນ ໂຕໃດບໍ່ເໝາະສົມໃຫ້ປັບປຸງແຕ່ງຕັ້ງຄືນໃໝ່ ແລະ ເຫັນດີໃຫ້ທະນາຄານຮ່າງຂໍ້ຕົກລົງແຕ່ງຕັ້ງຄະນະກຳມະການເກັບກູ້ໜີ້ສິນຂັ້ນແຂວງ, ເພື່ອໃຫ້ແຂວງອອກຂໍ້ຕົກລົງ. ກອງປະຊຸມໄດ້ດຳເນີນໄປເປັນເວລາ 01 ຕອນ ແລະໄດ້ປິດລົງໃນເວລາ 12:00 ໂມງຂອງວັນດຽວກັນ.
